સૌને સમજવામાં,
ખોવાઈ નથી જવું હવે.
તારી ખુશીમાં મારી ખુશી,
નથી કહેવું હવે.
લોકો માટે દુ:ખી,
નથી થવું હવે.
બધાને ગમે છે માટે,
નથી ગમાડવુ હવે.
અજવાળા આપીને અંધારામાં,
નથી રહેવું હવે.
મનને મારા કોઈના પણ માટે,
નથી અકળાવું હવે.
સાંભળીને બધાની વાતો,
નથી ચૂપ રહેવું હવે.
ખૂબ સમજવાની કોશિશ કરી,
બસ નથી સમજવું હવે.
The Audio Version of ‘નથી સમજવું હવે’
સાદાઇથી જે જીવે છે.
ખુદ કરકસરથી જીવે છે.
હંમેશા જે આપણું જ કહે છે.
કીધા વગરની વાત જે સમજી જાય છે.
એવી ભારોભાર ઉદારતા જે ધરાવે છે.
ખડા પગે સૌ માટે ઊભા રહે છે.
અચાનક રસ્તો જ પોતે બની રહે છે.
પરિવાર માટે જે જીવે છે.
હજારોના દિલમાં વસે છે.
જેને અમે પપા કહીને બોલાવીએ છીએ.
The Audio Veriosn of ‘પરિવાર માટે જે જીવે છે’
સરળ ને મજાનું છે આ જીવન,
શાના માટે અઘરું બનાવે છે?
બેમતલબની વાતોમાં તું,
ખુદને શાને ગુમાવે છે?
દેખાદેખીથી ભરેલી છે આ દુનિયા,
તારી ઉંઘ કેમ બગાડે છે?
ઈર્ષા તો ખુબ કરશે લોકો,
ખુદ ને આમ કેમ ફસાવે છે?
સાથે કઈ લઇને નથી જવાનું,
એની પાછળ આમ કેમ ભાગે છે?
શાંત રીતે એક વાત વિચારી લે,
મન અને મગજ ને આમ તું કેમ રમાડે છે?
સરળ ને મજાનું છે આ જીવન,
મોજ કરીને બસ જીવી લે.
The Audio Version of ‘મોજ કરીને બસ જીવી લે’
નિસ્વાર્થ ભાવે સૌને સાચવતો.
જિંદગીને પોતાની રીતે એ માણતો.
સૌને દિલમાં વસાવી ખુશ રહેતો.
દિલ ખોલી વ્હાલ વરસાવતો.
બસ આપવાની આદત રાખતો.
શું એકલો હતો માટે એ આટલો ખુશ રહેતો?
The Audio Version of ‘ખુશ રહેવાની કળા’
મનમાં મલકાઈ ને ખડખડાટ હસતા,
ખુબ ચાહું છું તને બસ એમ કહીશ.
જીવનસાથી ને મિત્ર બંને તું મારામાટે,
હંમેશા મને સમજે છે એમ કહીશ.
ગુસ્સો ભલે ક્યારેક વધારે હોય,
પણ તારા પ્રેમ ના તોલે કંઈજ નથી એમ કહીશ.
અકળામણ દરેક સંબંધોમાં થોડી થવાની,
મનાવવાની કળા તારી ગજબની છે એમ કહીશ.
ગાંડી ઘેલી છે આ નીકી તારી,
મારા ગાંડપણ ને તુજ ઝીલી શકે એમ કહીશ.
ભલે કેટલા પણ કામમાં વ્યસ્ત હોય,
મારા માટે સમય હંમેશા હોય એમ કહીશ.
હાથ ની રેખાઓ ભલે ને તારી ગાઢ છે,
નસીબદાર તો હું જ છું એમ કહીશ.
લગ્ન ને ભલે કેટલા વર્ષો વીત્યા,
સૌને લાગે છે નવા પરણેલા એમ કહીશ.
The Audio Version of ‘નસીબદાર તો હું જ છું’
લાગણી એટલી પણ ખોટી નથી કે તું ના સમજી જાય.
The Audio Version of ‘તારી યાદ’
કોઈના માટે સરળ
પણ મારા માટે અઘરું,
નવી જગ્યા અપનાવવી
એને ગમાડવી આટલી અઘરી કેમ?
મિત્રો તો ઘણા બની જાય
પણ જૂના વારંવાર યાદ આવે તો મનને મનાવવું કેમ??
મજાની મહેફિલો રોજ જામે
અને આમ એકલું લાગે તો જાહેરમાં રડવું કેમ?
આમ તો મજબૂત છું
છતા વારંવાર દિલ ઢીલું થઈ જાય તો એને વાળવું કેમ?
ભૂલવું છે તને એવું નથી કહેતી
પણ તારી યાદ દુખી કરી જાય તો રોજ હસવું કેમ?
The Audio Version of ‘અઘરું કેમ?’
હું તારી ને તારી જ રહીશ,
શંકા કરશે તો હારી જઈશ.
સમજમાં તારી કે મારી,
ક્યાંક તો થોડી ગડબડ થઈ ગઈ.
આમ જો ચૂપ રહેશે તો ગાંડી થઇ જઈશ.
ખુલાસા કરવા પડે,
તો સંબંધમાં કચાશ રહી ગઈ.
વિશ્વાસની ડોર નાજુક છે,
તૂટી તો વેરવિખેર થઈ જઈશ.
ગેરસમજણથી કંઈ મળતું નથી,
લાગણી ને સમજતા મન દગો દઈ ગઈ.
મારામાં હું તને જીવું છું,
છૂટી તારાથી તો ખુદને જ ખોઈ દઈશ.
The Audio Version of ‘વિશ્વાસ ની ડોર’
આગળ-પાછળ મારી હંમેશા તું,
મને રમતો દેખાય.
રક્ષા જેવી કરે તું મારી,
કોઈપણ નજીક આવતા ગભરાય.
આંખો બંધ કરું તો પણ,
તારો ચહેરો મને દેખાય.
સુંવાળો સફેદ સ્પર્શ,
મારા મનને મોહાય.
થોડો સમય પણ દૂર થાઉં,
તું કેટલો ઉદાસ દેખાય.
શબ્દો નથી તારી પાસે,
છતાં પ્રેમ તારો સમજાય.
તારી ચહેલ-પહેલથી,
મારુ ઘર હંમેશા મહેકાય.
રહેવુ પડે તારા વગર જ્યારે,
તારી વ્યથા મને સમજાય.
ભીની પાંપણ પાછળ,
તારી કમી મને વર્તાય.
કેટલી પણ ભલે દૂર હોઉં,
‘માઇલ્સ’, તું મને મારા માં દેખાય.
એક વાત પાકી છે,
તારી જેમ પ્રેમ કરતા,
બધાને જ શીખાય.
The Audio Version of ‘તું મને મારામાં દેખાય’
જ્યારે પણ મળીએ તને તું અમારો લાગે!
The Audio Version of ‘તું મને મારો લાગે!’
