મહિનાઓ પછી આજે ફરીથી, હાથમાં કલમ ઉપાડી છે,
ખુશીઓના આ પળ જોઈને, શાયરી મનમાં જાગી છે.
પરિવાર સાથે વીતેલો સમય, જાણે સોનેરી સ્વપ્ન સમાન,
હસી-મજાક ને વાતો વચ્ચે, મન થઈ ગયું ખુશખુશાલ.
યાદોની નવી તિજોરી ભરી, ને મળ્યો આરામ અપાર,
જીવનમાં ફરીથી ધબકી ઉઠ્યો, એક અલગ જ ઉત્સાહ ને પ્યાર.
ઘરમાં આવી એક નવી રોશની, દીકરાની પસંદ છે ખાસ,
આવકારુ દીકરી દિલથી તને, નવો થયો અહેસાસ.
હવે રજાઓ પૂરી થઈ ને, જવું છે ઘરે મારે હવે ,
સાથે લઈ અણમોલ યાદો ને, નવા સપનાંઓ છે મનમાં હવે.
દિનચર્યાની દોડધામમાં પણ, આ પળો ખૂબ યાદ આવશે,
કવિતાના આ સરળ શબ્દોમાં, ભાવનાઓ મારી મહેકશે.