વર્ષ પૂરું થતાં આવે,
યાદોના રંગની પડછાઈ..
મહેનત કરી દિલથી મેં,
સપનાઓની ઘણી કસોટી થાય..
ઘણું શીખી આગળ વધી,
જિંદગીમાં કંઈક નવું પણ થાય..
દરેક સફળતા એ શીખ્યું મને,
કેમ હિંમત રાખી આગળ વધાય..
પરિવાર-મિત્રો સાથે,
મારી યાદો બંધાય..
હાસ્ય, પ્રેમના રંગમાં,
દિલમાં ઘણી એ ઠંડક છલકાય..
નવા વર્ષને આવકારું,
આશાના દીવા લઈને..
ખુશી, સફળતાની હસી સાથે,
નવી મંઝિલ શોધાય..
ભગવાન કરે આવતું વર્ષ,
આનંદથી ભરપૂર પુરાય..
હિંમત, પ્રેમ અને પ્રગતિ,
દરેક દિવસે ભારોભાર છલકાય. 🥰
સાંજ પડીને આકાશ રંગાયું,
નારંગી ગુલાબી રંગે સજાયું.
સુરજે ધીરે ધીરે વિદાય લીધી,
હળવી ઠંડકથી મન મલકાયુ.
હાથમાં મારી મનપસંદ પુસ્તક,
સમય મારી સાથે જાણે આરામે આવ્યું.
પાના ફેરવું, વિચારો વહે,
શાંતિની ક્ષણોને અનુભવાયું.
ન કોઈ ઉતાવળ,ન કોઈ દોડ,
આજનો દિવસે એકાંતમાં બેસાયું.
આજ આથમતો સુરજ, સાંજ અને હું બસ,
ઘણા વખતે ખુદને મળાયું.
એમ હતું કે હજુ તો હું નાની છું
પણ હવે “નાની” બનવાની છું.
આનંદથી ભરેલું છે આકાશ,
ને બસ જાણે ખૂબ ઝૂમવાની છું.
ભરપૂર પ્રેમ અને લાડ થી,
એની દરેક વાતો સાંભળવાની છું.
ફરીથી એકવાર જાણે,
પ્રીત- મીતનુ બાળપણ જોવાની છું.
પરિવારમાં થશે વધારો,
તને જોઈને બધું ભૂલી જવાની છું.
તારી મમ્મી થી છુપાવીને,
બસ તારી થોડી જીદ પૂરી કરવાની છું.
મન મલકાયા કરે છે,
ને કેવા કેવા સપના જોઈ રહી છું.
આવી જાય આંખો બસ મારા જેવી,
દિલથી એવી ઝંખના કર્યાં કરું છું.
તારી પાસે જ રહેવું છે, “નાની “
એવો અવાજ સાંભળ્યા કરું છું.
કોઈ કંઈ પણ કરી લે,
બધામાં એની favourite તો હું જ રહેવાની છું. 🥰❤️🧿
દરેક દિવસ ફોન કરીને, “કેમ છે?” પૂછે મારી મા,
સાદો પ્રશ્ન લાગે પણ – દિલને ખુશ કરી દે એ છે મારી મા.
એના પ્રેમમાં શર્ત નથી, અપેક્ષા કોઈ નથી,
આપવું જ જીવન, બદલામાં માંગવું કંઈ નહીં એવું સમજાવે મારી મા.
મને ત્યારે સમજાયું, મા બનવું સરળ નથી,
પણ એને જોઉં ત્યારે લાગે – પ્રેમથી બધું શક્ય બનાવી દે મા.
જ્યારે જરુર હતી ત્યારે પણ, અને નહોતી ત્યારે પણ,
એ ઉભી રહી મારી બાજુએ – જીવનને જીવતા શીખવાડે મારી મા.
એની મમતા ખૂબ નિર્ભર, ખૂબ ઉદાર, ખૂબ નરમ,
બનાવી દે જીવન હળવું અને ખુશખુશાલ એવી છે મારી મા.
મારા દરેક પગલે એની છાયા, દરેક જીતમાં એનો ભાવ,
આપજો પ્રેમ દિલથી, એ જ જીવનનો નિયમ કહે મારી મા.
મારી દુનિયા, મારો આશીર્વાદ,
તુ છે મારું સૌથી મોટું સન્માન, જન્મદિવસ મુબારક તને મા.
નવા સપના રોજ જાગે,
દિલમાં નવી ઉમંગ આવે.
મહેનતના પગલે ચાલું,
સફળતા બસ સાથે આવે.
ધીમે ધીમે રસ્તા ખુલે,
આશાના દીવા પ્રગટાવે.
દૃઢ નિશ્ચયથી આગળ વધું,
સપનાઓને મારા સાકાર બનાવે.
કામ કરું દિલથી હંમેશા,
રોજ નવી રાહ બતાવે.
ખુશી મળે પરિણામથી,
ગજબનો સંતોષ દિલને કરાવે.
ખૂબ શીખું, ખૂબ ઊગુ,
રોજ નવા સપના સજાવે.
મહેનત, લગન, ધીરજથી,
જીવન નવા રંગો ખીલાવે.
આજે જેટલું પણ મળ્યું,
હૃદયને આનંદનો અહેસાસ કરાવે.
પણ આવતીકાલે ફરી,
નવા સપનાઓનો દીવો જગાવે.
પરિસ્થિતિઓ ક્યારેક એવી આવે,
કે મનને લાગે, “શા માટે?”
પણ જીવનનો રસ્તો કહેતો જાય,
બસ સ્વીકારી ને આગળ વધ, જે પણ આવે.
ક્યારેક દુઃખ મળે ને ક્યારેક આનંદ,
બંનેને ગળે લગાડવાનું શીખવે.
જીવન ક્યારેક અટકતું નથી,
ચાલતા રહો તો જ મંઝિલને મળાવે.
કેટલાક પ્રશ્નોના જવાબ નથી મળતા,
સમય જ ઘણી વાતો સમજાવે.
અટકી ન જવું, બસ રાખ હિંમત,
આગળ વધતા જવું તો જ કંઈ નવું શીખવાડશે.
જીવન એવું જ છે…
ક્યારેક કઠિન, ક્યારેક સરળ.
પણ સ્વીકાર જો કરી લઈએ,
તો દરેક દિવસ રોજ નવી જીત બતાવે.
થોડું જીવી લે પોતાને માટે,
બધાને ખુશ કરવું તારા હાથમાં નથી.
ક્યારેક “ના” કહેવું પણ શીખી જા,
તારું જ મન તૂટે એ પણ સારું નથી.
થોડું રોકાઈ ને શ્વાસ લઈ લે,
હંમેશા દુઃખી થવું જરૂરી નથી.
જગતની ફરજમાં ખોવાઈ ને,
તારી ખુશીને ભૂલવી જરૂરી નથી.
જ્યાં સુખ મળે ત્યાં વસી જા,
બીજાની વાતો હૃદયે લેવી જરૂરી નથી.
મનની શાંતિ સૌથી મોટી,
સ્વાર્થી ક્યારેક બને તો કંઈ ખોટું નથી.
જીવન એક જ વાર મળે દોસ્ત,
દિલની ઈચ્છાને જતી કરવી જરૂરી નથી.
ખુદને થોડું ખુશ કરી લે,
ક્યારેક પોતાને માટે જીવશે તો ખોટું નથી.
તું છે તો દુનિયા સુંદર લાગે,
દરેક સવારમાં સુગંધ મને તારી આવે..
તારી સંભાળ, તારો પ્રેમ,
મારા મનને હંમેશા હસતું રાખે ..
થોડું ખુદને પણ સંભાળી લે હવે,
હંમેશા તું સૌને સાચવતો ને પ્રેમ આપતો ફરે..
તારી હાજરી માં મળે મને ખુશહાલી,
તારા વગર દિવસો બધા ખાલી લાગે..
તારું સ્મિત છે મારી શક્તિ,
ઉદાસ હોય તો દરેક રાત ભારી લાગે..
તું છે તો મારો સહારો ને સર્વસ્વ,
તારા સાથથી જ મારા શ્વાસોશ્વાસ ચાલે..
હાથમાં હોય જ્યારે તારો હાથ,
દરેક પળ હંમેશા ખાસ લાગે..
હર પળે રહે તું સ્વસ્થ અને ખુશ,
એ જ પ્રાર્થના તારા જન્મ દિવસે હ્દય પ્રભુ પાસે વારંવાર માંગે..
ક્યારેક મળીએ, ક્યારેક ના મળીએ,
પણ દિલમાં તો હંમેશા એકબીજાનાં જ રહીએ…
બોલ્યા વગર સમજાય જે વાત,
એને જ સાચી મિત્રતા કહીએ…
ન સમજાવવું કશું, ન માફી માંગવી,
જાણે બસ દિલથી એકબીજાને સમજીએ…
મજાક-મસ્તી કરતા કરતા,
દિવસોને ખુશીથી ભરતા રહીએ…
બહારની દુનિયાને ભૂલી જવાય,
જ્યારે સમય આપણે સાથે વિતાવતા હોઈએ…
ન મોટું ગ્રુપ, ન મોટી ભીડ,
જરૂર સમયે હંમેશા બસ સાથે હોઈએ…
આ દોસ્તી, આ પ્રેમ અને આ હાસ્યનો સાથ,
એને જીવનની સાચી મૂડી કહીએ…
દિવાળીએ દીવા પ્રગટાવીએ,
અધંકાર બધો દૂર થાય,
ખુશીઓની લહેર ફેલાય એવી,
દર ચહેરા હાસ્યથી મલકાય..
મીઠાઈની મીઠાશથી,
દીલો પણ જોડાય,
પ્રેમ અને આશીર્વાદથી,
નવું વર્ષ મજાથી ઉજવાય..
જુના દુઃખ ભૂલી જઈએ,
નવી આશાઓ બસ હરખાય,
માટે સૌને શુભેચ્છા એવી,
રહે ખુશીનો સાથ સદાય..
સાલ મુબારક સૌને કહી દઉં,
પ્રેમ અને શાંતિ ઘર ઘરમાં ફેલાય,
પ્રભુ બસ આપે આશીર્વાદ એવા,
સૌના જીવનમાં ખૂબ આનંદ છલકાય..
