શેની જોઈ છે રાહ આપીને લઈલે નાનકડું સ્મિત.
The Audio Version of ‘નાનકડું સ્મિત’
_____કોઈને એક પ્રેમથી ભરેલો પત્ર , કોઈના સાથે મન દુ:ખ થયું હોય એની વાતો, આપણી ઇચ્છાઓ કે પછી આપણી દિનચર્યા…. શરૂઆત કરવી કોઈ પણ વાત માટે અઘરી હોય છે પરંતુ કર્યા પછી જે મનને ખુશી કે શાંતવના મળે છે એ ગજબની છે.
_____એક નાનકડી શરૂઆત કરો, તમારા માતા, પિતા,પતિ, પત્ની , બાળક કે પછી મિત્રને જન્મદિવસ પર એક નાનકડો પત્ર લખો . ઘણીવાર આપણે જે feelings બોલી નથી શકતા લખી સારી રીતે શકીએ છીએ. વિચાર કરો તમારા પત્રની ખુશીએ વ્યક્તિના ચહેરા પર . ક્યારેક કોઈ problem આવ્યો અને કોઈ રસ્તો નથી સૂઝતો તો એક પત્ર ભગવાનને લખી લો અને તમારા મંદિરમાં મૂકી દો.આજે નહી તો કાલે તમને એનો રસ્તો મળી જ જશે.
_____Day to day નું to-do list બનાવો, તો તમરી ટીવી જોવાની કે ફોનમાં ગપ્પા મારવાની આદત ઓછી થઈ જશે। અને તમારા તમામ કામ સમય પર સંપૂર્ણ પણ થઈ જશે. કોઈના પર આવેલો ગુસ્સો કે આપણા મનની અકળામણ લખી લેવાથી પણ મન શાંત થઈ જાય છે કારણ એ આપણે કાગળ અને પેન સાથે share કરી લીધો.
_____દરેક વાત હું મારા અનુભવથી કરું છું , નુકસાન કશે પણ છે જ નહી અને ફાયદા પણ ઘણા છે તો કેમ શરૂઆત ના કરવી ?
કોશિશ જરૂરથી કરજો।
Thank you.
The Audio Version of ‘થોડું કંઈક લખવાની આદત રાખીએ’
ઉદાસી તો આવે ને જાય જીવ તારે હસતા રહેવું,
રાગ આવે કે ના આવે ખુશીના ગીત તારે ગાતા રહેવું,
અબોલા કોઈના પણ હોય જીવ તારે બોલતા રહેવું,
રાત કેવી પણ કડવી હોય સવાર સુગંધિત બનાવતા રહેવું,
ખાલી હાથે આવ્યા ખાલી હાથે જવાના હંમેશા યાદ કરતા રહેવું,
ઝઘડા તો વળી થયા કરે સ્વભાવને શાંત તારે રાખતા રહેવું,
કાલની ચિંતા છોડી આજને તારે માણતા રહેવું,
જો હોય થોડું તારી પાસે તો થોડું સોને આપતા રહેવું,
દિલ દુભાય કોઈનું તો જીવ તારે માફી માંગતા રહેવું,
જે આપીશું એ જ મળશે એ હકીકત માનતા રહેવું,
કંઈ નહી તો જીવ તારે સૌના પર ભારોભાર પ્રેમ વરસાવતા રહેવું.
The Audio Version of ” જીવ તારે”
થોડા હસમુખાને થોડા ભોળા પણ છે,
આજકાલ એ થોડા ચૂપચૂપ પણ છે,
આમ તો એ એકદમ શાંત છે,
ને ક્યારેક વાતોનો ખજાનો છે,
થોડા બાળક જેવા ને થોડા ગુસ્સાવાળા પણ છે,
એમના વિચારોથી એ ખૂબ મક્કમ છે,
મનથી થોડા હારી ગયા છે,
પણ જીતશે એનો નિશ્ચય કરી બેઠા છે,
દરરોજ સવાર કસરતથી શરૂ કરે છે,
મન થાય તો મળે એની સાથે ચેસ રમે છે,
નહીતર ટીવી સામે કલાકો વીતાવે છે,
કોઈ આવી જાય તો ખુશખુશાલ છે,
પણ એના જવાના ડરથી ભરાઈ જાય છે,
ચપલ વગર નીચે ઊતરે છે,
આવું છું તને મૂકવા રડતા બસ બેસી જાય છે,
કડક મારા પાપા મને જતાં જોઈ ખૂબ રડે છે,
જલદી આવજે બેટા ભરેલી આંખોથી બોલે છે,
શું તમારા પપા પણ કંઈ આવા છે?
The Audio Version of ‘પ્રેમાળ પિતા’
સફર જિંદગીના કંઈ સરળ નથી હોતા,
હમસફર મળી જાય તો અઘરા પણ નથી હોતા.
સવાર કંઈ હંમેશા રળિયામણી નથી હોતી,
બાજુમાં જો એ હોય તો કંઈ ઓછી રૂપાળી નથી હોતી.
મહેફિલમાં હોઈએ અને મોજ થાય જ એવું નથી હોતું,
એક જ વ્યકિત એવી મળે તો એકાંતની મજા કંઈ ઓછી નથી હોતી.
બધા જ ચાહે આપણને એવું જરૂરી નથી હોતું,
પણ એની લાગણીના હોય તો જીવન જીવન નથી હોતું.
એવી એક પળ નથી હોતી જેમાં તારા વિચારો નથી હોતા,
તારો પ્રેમ ક્યારેય કોઈના માટે ઓછો નથી હોતા.
સાથ આમ કંઈ જીવનમાં સૌનો જરૂરી નથી હોતો.
તારી ગેરહાજરીમાં દિલને દુ:ખ ઓછા નથી હોતા.
સફર જિંદગીના કંઈ સરળ નથી હોતા,
હમસફર જો તું હોય જિંદગીથી કોઈ વધારે અપેક્ષા નથી હોતી.
The Audio Version of ‘તારી સાથેનો સફર’
_____હું પણ પુસ્તકોથી ઘણી દૂર હતી,વાંચનનો જરા પણ શોખ નહોતો પણ પુસ્તકો જ્યારથી મારા મિત્ર બન્યા કે હું પુસ્તકોની મિત્ર બની ત્યારથી ક્યારે પણ એકલી પડી નથી. કેટલું પુસ્તકોનું મહત્વ છે તેની સાથે મિત્રતા કર્યા પછી જ સમજાયુ. જાણું છું શરૂઆત જ અઘરી છે, પરંતુ શરૂ થયા પછી અટકવું અઘરું છે.
શરૂઆત કરવાની કળા:
1. તમને મન ગમતો વિષય નક્કી કરો.
2. મનગમતા વિષયની એક પુસ્તક ખરીદી લો કે કોઈની પાસે માંગી લો.
3. નક્કી કરો દરરોજ ૫ થી ૧૦ પાનાનું વાંચન કરીશ. (It is very easy, try it)
4. નક્કી કરેલા સમય પર પુસ્તકને સંપૂર્ણ કરો.5. વાંચન કરવું અઘરું લાગે તો હવે ઘણી પુસ્તકો audible માં પણ મળે છે, જેને તમે સાંભળી પણ શકો.
વાંચનના ફાયદા:
1. તમને તમારા માટે સમય મળશે.
2. નવું નવું જાણવા મળશે.
3. તમને ક્યારે પણ એકલપણું નહી લાગે.
4. મન શાંત રહેવા માંડશે.
5. સૂતા પહેલા વાંચન કરવાથી સરસ ઊંઘ આવશે.
6. તમારી એકાગ્રતા વધશે.
7. ચિંતાનું પ્રમાણ ઘણું ઓછું થશે.
8. લખવાની કળા પણ ઘણી વધશે.
9. વિચાર શક્તિ અને યાદ શક્તિ પણ સારી રહેશે.
10. આ એક ખૂબ જ મહત્વનું investment છે.
_____મારી શરૂઆત વખતે ૨ મહિનામાં એક પુસ્તક વાંચતી હતી પણ હવે એક મહિનામાં લગભગ ૨ થી ૩ પુસ્તક વાંચી શંકુ છું. Audiable માંથી ચાલવા જાઉં ત્યારે કે travelling કરતી હોઉં ત્યારે પણ સાંભળતી હોઉં છું. ભાષા પર પણ ઘણો સુધારો થાય છે અને નુકસાન કંઈ છે જ નહીં તો શા માટે રાહ જોવી જોઈએ, નક્કી કરો કે થોડું થોડું પણ વાંચીશું .
BETTER LATE THAN NEVER.
The Audio Version of ‘પુસ્તકોનું મહત્વ અને વાંચનના ફાયદાની વાતો’
રહી ગયા તમામ મારા કાગળ કોરા.
દિવસ પણ સૂની રાત પણ સૂની,
થંભી ગયા છે શ્વાસોશ્વાસ જાણે મારા,
પડી રહ્યા છે પડઘા જ કાને,
ખાલી થઈ ગઈ છે સભા સાવ મારી.
ધ્રુસકે ધ્રુસકે રડીને હું થાકી,
સુકાઈ ગઈ છે અશ્રુની ધાર મારી,
તૂટ્યા સપના છૂટ્યો સાથ,
બેહાલ થઈ છે જીંદગી મારી.
પાગલ બનીને ભટકુ હું એવી,
બસ વાંચીલે હવે વ્યથા તું મારી,
અંતિમ ઇચ્છા આ ઘાયલ દિલની,
કાશ પીગળી જાય મનની ડોર તારી.
The Audio Version of ‘પાગલપન’
તારું નાનપણ રોજ યાદ કર્યા કરું છું,
તને રોજ મોટો થતાં જોયા કરું છું.
આવતાં બદલાવનો અનુભવ કર્યા કરું છું,
પણ વસે છે મારો જીવ તારામાં તને કહ્યા કરું છું.
તારી સાથે દલીલો રોજ હું કર્યા કરું છું,
ને ગુસ્સાને પણ તારા અપનાવ્યા કરું છું.
લોકો કરે છે સારી સારી વાતો તારી ને મનથી હું મલકાયા કરું છું,
મમ્મીનો છે દીકરો એમ કહી હરખાયા કરું છું.
મારા આપેલાં સંસ્કાર રોજ તારામાં જોયા કરું છું,
વડીલોને માન ને નાનાને પ્યાર કરતા જોઇ ખુશ થયાં કરું છું.
જેવો છે એવોજ રહેજે મારાજ મનમાં હું કહ્યાં કરું છું,
તું મારો છે એનું થોડું અભિમાન કર્યા કરું છું.
કોમળ તારા હૃદયમાં ભરપૂર પ્રેમ હું જોયા કરું છું,
મદદ કરવા સૌથી આગળ તને જોઇ તારું માન કર્યા કરું છું.
પરિવાર સર્વસ્વ છે તારું એ જોઇ ગદ ગદ થયા કરું છું,
કહે છે મા મને, ને રોજ તારા પ્રેમમાં હું નાહ્યા કરું છું.
The Audio Version of ‘કહે છે ‘મા’ મને
સખી, તારી ખુશી સિવાય પ્રભુ પાસે કોઈ માંગણી કરી નથી.
The Audio Version of ‘સખી’
“તમારું તંદુરસ્ત સ્વાસ્થ્ય તમારા પરિવાર માટે ઉત્તમ ભેંટ છે.”
_____આ મારો ખૂબ મનગમતો વિષય છે. હમેશાં પ્રયત્ન કરતી હોઉં છું દરેકનું જીવન તંદુરસ્ત રહી શકે એવી એક પ્રેરણા બની શકું.
_____ક્યાંક મેં આ બે line વાંચી છે. “Health is wealth” અને “Your perfect health is best gift you can give to your family.” હું સાચે જ આની સાથે સહમત છું. સાચું કહેજો, તમારો life partner સવારે ઊઠીને gym જશે કે ચાલવા જશે તો તમને ગમશે કે સવારે ઊઠીને doctor પાસે જશે તો? જવાબ ખૂબ જ સરળ છે. થોડું પોતાનું ધ્યાન રાખી લઈએ તો doctor નાં ખોટા બિલોમાંથી તો બચીએ જ પરંતુ સૌને હમેશાં ખુશ પણ રાખી શકીએ કારણકે આપણે ખુશ હોઈશું .
_____સમય પર સૂવું , સમય પર જાગવું અને શરીર પાછળ થોડો સમય આપવો, મને ખાત્રી છે તમે હમેશાં ખુશ રહેશો. અને આમાંથી એક પણ વસ્તુ માટે કોઈની જરૂર પડતી નથી. આપણે કામ કરી શકશું, ફરી શકશું અને હસી શકશું પણ જો આપણે તંદુરસ્ત રહીશું તો જ.
_____બધું હોવા છતા પણ જો જીવન માણી ના શકો તો બધું હોવાનો મતલબ શું? Priorities ને બદલો, પત્ની કે પતિ સાથે doctor પાસે જવા કરતા park માં હાથ પકડીને ચાલવા જશો તો વધુ ગમશે. 24 કલાકમાંથી 1 કલાક તમારા સ્વાસ્થ્ય માટે આપો કારણકે તમને સ્વસ્થ જોઈ તમારો પરિવાર હમેશાં ખુશ રહેશે અને એ જ એક ઉત્તમ ભેંટ છે તમારા તરફથી.
_____તંદુરસ્ત રહેશોતો ખુશ મિજાજ રહેશો. તબિયતની ચિંતા માત્ર અણગમો, અકળામણ અને stress ઉત્પન્ન કર છે, નહી કે માત્ર તમારા જીવનમાં પરંતુ તમારી આજુબાજુની દરેક વ્યકિતને તકલીફ આપે છે. નક્કી કરો મારુ ધ્યાન હું પોત જ રાખીશ અને શરૂઆત આજથી જ કરીશ.
‘જાગ્યા ત્યારથી સવાર’
Thank you. 🙏🏼
The Audio Version of ‘સ્વસ્થ રહો મસ્ત રહો’
