એમ હતું કે હજુ તો હું નાની છું
પણ હવે “નાની” બનવાની છું.
આનંદથી ભરેલું છે આકાશ,
ને બસ જાણે ખૂબ ઝૂમવાની છું.
ભરપૂર પ્રેમ અને લાડ થી,
એની દરેક વાતો સાંભળવાની છું.
ફરીથી એકવાર જાણે,
પ્રીત- મીતનુ બાળપણ જોવાની છું.
પરિવારમાં થશે વધારો,
તને જોઈને બધું ભૂલી જવાની છું.
તારી મમ્મી થી છુપાવીને,
બસ તારી થોડી જીદ પૂરી કરવાની છું.
મન મલકાયા કરે છે,
ને કેવા કેવા સપના જોઈ રહી છું.
આવી જાય આંખો બસ મારા જેવી,
દિલથી એવી ઝંખના કર્યાં કરું છું.
તારી પાસે જ રહેવું છે, “નાની “
એવો અવાજ સાંભળ્યા કરું છું.
કોઈ કંઈ પણ કરી લે,
બધામાં એની favourite તો હું જ રહેવાની છું. 🥰❤️🧿
