વિરહ

લખીને તારું નામ,
વારંવાર ભૂસી નાખું છું.
સપનાજો આવે તારા,
આંખોને ખોલી નાખું છું.

દિલ કેમ જોડાયું તારા દિલ સાથે,
એવા પ્રશ્નથી મનને કોરી નાખું છું.
પડી હું એવી તારા પાગલપનમાં,
દિવાલોને ચિત્રોથી ભરી નાખું છું.

દિલ આમ જ તૂટતા હોય તો,
પ્રેમનો ધિક્કાર કરી નાખું છું.
વિરહમાં તારા એવી અટવાઈ,
અશ્રુઓથી દરિયા ભરી નાખું છું.

લખીને તારું નામ,
વારંવાર ભૂસી નાખું છું.

The Audio Version of ‘વિરહ’

9 thoughts on “વિરહ”