Author: Nikki

જ્યારે જ્યારે હું એને જોઉં,
એની દરેક વાતોમાં મને તું દેખાય..
પડછાયા ની જેમ તારી સાથે હોય,
તારી દરેક ઈચ્છા પૂરી કરવામાં એમાં ખુશી દેખાય…

તું કંઈ બોલે કે ના બોલે,
તારી ચુપ્પી પણ કોણ જાણે એને સમજાય..
તારો એક ફોન જ્યારે પણ આવે,
તો એ અંદરથી ખૂબ મલકાય..

સપનામાં પણ તને ખુશ જોવે,
ને દૂર હોય તો પણ અંદરથી તારા જ વિચારમાં દેખાય..
જિંદગીમાં તારો આ સાથી આવો છે,
તારી નાની સફળતા જોઈ એની આંખોમાં ભીની હરખાય..

બેસને પાંચ મિનિટ વધુ મારી સાથે,
એની માંગણીમાં બસ માત્ર આ જ કહેવાય..
તું એના કરતાં પણ ખૂબ આગળ વધે,
એની પ્રાર્થનામાં બસ એ જ બોલાય..

કોઈ હોય કે ના હોય તારી સાથે જીવનમાં,
દરેક ડગલે તારી સાથે ઊભો એ દેખાય..
દિલથી જાણું ને સમજું છું હું એને,
બીજું કોઈ નહીં, એને તારા પપ્પા કહેવાય..

હતો એક સમય, જ્યાં તું અને હું,
દિવસ શરૂઆત પણ સાથે કરીએ,
અને રાતના સપનામાં પણ સાથે ફરીએ…

હસતા, રડતા, ભૂલી જતાં દુનિયાને,
એકબીજાના સુખદુખ દિલ ખોલીને કહીએ…
પણ એક ક્ષણમાં કેમ બધું બદલાઈ ગયું?
એકબીજાથી અચાનક નજર ફેરવીને ફરીએ…

પળો કેમ ખાલી ને અધૂરી લાગે,
હવે જ્યારે પણ સાથે મળીએ…
હૃદય બોલે ફરી તો ના તૂટે ને કંઈ?
બસ એ જ ડર કોણ જાણે, દિલમાં લાગે…

વિશ્વાસ એકવાર તૂટી જાય,
તો સંબંધોમાં શું ફરીથી પ્રેમ મળશે?
આમ વારંવાર તારા જતા રહેવું,
શું મળશું ત્યારે બધું પહેલા જેવું જ લાગશે?

દોસ્તી તો આજે પણ છે, દોસ્ત,
શું પહેલા જેવી લાગણી પાછી આવશે?
દૂર કે પછી ક્યારેક શાંત લાગું તને,
સમજી લેજે પહેલા જેવી થતા મને થોડીવાર હજુ લાગશે…

કરીલે થોડો આરામ જીવનમાં,
ભરીલે આનંદ ખૂબ મનમાં…
દોડધામ છે રોજ અહીં,
ભૂલી ના જતા જીવવાનું આ ધમાલમાં…

બેસીને એક દિવસ શાંત થઈ જરા,
સૂરજની કિરણોને માણીને નજરમાં…
લાવી દે મુખ પર થોડું સ્મિત,
ને ભૂલી જા હર દુઃખ હાસ્યના ખડખડાટમાં…

જરૂરી છે મહેનત દરરોજ અહીં,
થંભી જા થોડી આ ભાગમભાગમાં…
બેસીને મિત્રો સાથે હસી લે થોડું,
બનાવી ને યાદો સૌ સાથે અહીં રખડવામાં…

નાવ ન હોવી જોઈએ તણાવથી ભરેલી,
કરીલે થોડી મસ્તીને મજા જીવનમાં…
જિંદગી છે એ ખૂબ સુંદર સફર,
ભરી લે ખુશીથી સુગંધ હર પળમાં…

કેમ અચાનક મન અશાંત લાગે,
બોલવા જેવી વાત હોય તો પણ મૌન રાખે..

હસવાનું મન ન કરે, રડવું પણ ન આવે,
કોઈ મને સમજતું જ નથી બસ એવું લાગે..

હજારો વિચારો એક સાથે ગુમતા રહે,
ને દિલની અંદર કંઈક ખાલી ખાલી લાગે..

કોણ જાણે કેમ કંઈક ગજબની અકળામણ થાય,
દિવસ ભારે અને રાત તો વળી કાળી લાગે..

ક્યારેક કંઈ કેમ એવું લાગે,
મન ખુદ થી જ રિસાયેલું લાગે..

તું સાથ આપે છે હું જાઉં જ્યાં જ્યાં,
હાજર હોય હંમેશા મને જરૂર હોય ત્યાં ત્યાં..

દિલ દયાળુ તારું કરે પ્રેમથી ભરેલી વાત,
લાગે તું મને મારી જિંદગીની એક આદત ખાસ..

વિના અપેક્ષા હોય હંમેશા તું ઉભો,
માત્ર મને ખુશ જોવાનો એક તારો ઇરાદો..

દુઃખી હોય જ્યારે પણ મન મારું,
ભરી દે છે હળવાશ મન તારું..

મારી દરેક વાતને હંમેશા ધીરજની સાંભળે,
ભલેને પછી તારી વાતોમાં હું હોઉં રવાડે..

લખું છતાં ભલેને મારી કોરી હોય સ્લેટ,
સાચે જ કુદરતે આપેલી તું છે એક મીઠી ભેંટ.

એક પળમાં ના બનવાનું બની ગયું,
બીજી જ પળમાં બધું સંધાઈ ગયું…

એક પળમાં વાતોની વ્યથા બની ગઈ,
અને બીજી જ પળમાં જોણે મહેફિલ સજાઈ ગઈ…

એક પળમાં આંખો અચાનક ભીની થઈ ગઈ,
બીજી જ પળમાં હાસ્ય સાથે દોસ્તી થઈ ગઈ…

એક પળમાં જ સંબંધોમાં ગેરસમજ થઈ ગઈ,
બીજી જ પળમાં મિત્રતા બંધાઈ ગઈ…

એક પળમાં જ જીવનને માણતા ગયા,
અને બીજી જ પળમાં ધબકાર છૂટી ગયા…

નીકી, હર પળમાં જિંદગીના તું બદલાવ જોતી ગઈ,
પછી કેમ હંમેશા પ્રશ્નોમાં કેમ ગૂંચવાતી ગઈ?

વિશ્વાસ તારો કદીએ ડગ્યો નહીં,
 ને સાથ તારો કદીયે છૂટ્યો નહીં માઁ

માંગણી તે ક્યારે કોઈ કરી નહીં
ને આપવાની આદત તારી ગઈ નહીં માઁ

કેટલીય  વાતો ગળી જતી કંઈ કહેતી નહીં,
 આંખોમાં કોઈના કદી આંસુ જોઈ શકતી નહીં માઁ

 તકલીફો કદી તારી બોલતી નહીં
ને દુઃખમાં પણ હસવાનું ભૂલતી નહીં માઁ

તારા જેવું કોઈ હોય એવું શક્ય છે જ નહીં
બસ માથા પરથી હાથ કારો કદી છૂટે નહીં માઁ

શબ્દો મારા કદાચ ઓછા પડી જશે
પણ તારી લાગણી કદીએ કોઈના માટે ઘટી નહીં માઁ

Happy Birthday માઁ

અચાનક ક્યાંક મળ્યા આપણે
પણ લાગ્યું વર્ષો જૂની ઓળખાણ થઈ..
આવી રીતે પણ કોઈ નજીક આવે,
દિલને શંકાઓ ઘણી થઈ..

દોસ્ત, સમય આપવાની તારી આદતે,
હૃદયના ઊંડાણમાં ખાસ જગ્યા તારી કરી ગઈ..
થોડી ઘડીઓ બેસીને સાથે આપણે,
સુખ દુઃખની વાતો ઘણી થઈ..

મસ્તીભરી સાંજો આપણી,
રોજની આદત જેવી બની ગઈ..
મિત્રતા તારી એવી ગમી કે,
બસ દિલમાં ઘર કરી ગઈ..

શું કહું કે આ સંબંધ શું છે,
વિશ્વાસની જાણે વાર્તા લખાઈ ગઈ..
માને કે ન માને પણ કહી દઉં છું આજે,
તારી સાથે જીવનભરની લાગણી બંધાઈ ગઈ..

શબ્દોમાં જાણે તું જ હોય,
ને મારા સૂરોમાં તું સંભળાય..
આંખો ખુલી હોય કે બંધ,
સપના મને તારા જ દેખાય..

કવિતા લખું કે પછી વાંચુ,
મારા મુખ પર બસ તું જ મલકાય..
કેટલુંય વ્યસ્ત રહું રોજ,
પણ આસપાસ મને તું જ દેખાય..

પ્રેમ થોડો પાગલ હોય,
એવો છે એકાંતમાં પણ લખાય..
લાખો આવે ને જાય,
નજરોમાં મારી બસ તું જ હરખાય..

 વાતચીત કદાચ થોડી ઓછી થાય,
અનકહયા શબ્દો પણ એકબીજાને સંભળાય..
તારી સાથે ગાંઠ કઈ છે એવી,
જે કદી પણ છોડે ના છોડાય..

લગ્ન પછી પણ છે તું સાથે મારી,
દિલની ગહેરાઈથી, તું રહેશે હંમેશા અમારી..

મા દીકરી ને સખી પણ,
ઘણીવાર બની છે ટીચર પણ તું મારી…

સાથે કામ કરી સાથે હસીએ કે ઝઘડીોએ,
મૂંઝાવું જો રસ્તે હાથ પકડીને ચાલે છે મારી..

ભાઈની લાડલી ને રિષની જાન,
અભિમાન છે તું પરિવારના અમારી..

તું છે મારી ખુશી મારું શાન,
શ્વાસોશ્વાસની નળી છે તું અમારી..

પ્રીત,પાંચની હોય કે પચ્ચીસની,
રહેશે હંમેશા દિલમાં તું અમારી..