સાચી મૂડી

કેટલો છે બદલાવ તારામાં,
જોતાની સાથે જ આશ્ચર્ય લાગે..

પ્રેમ તું કરે છે સૌને એટલો કે,
જાણે સ્નેહથી ભરેલો સમુદ્ર લાગે..

પહેલા વાત વાતમાં તારું અકળાવવું,
આજે સમજથી ભરેલો ભંડાર લાગે..

જરૂર પડે મને જો કોઈની,
તો બંને મારા ખાસ મિત્ર લાગે..

મારા મુખને જોઈને કહી દે,
મમ્મી તું કોઈ ચિંતામાં લાગે..

આનાથી વધુ શું માંગુ,
આજ મને મારી કમાયેલી સાચી મૂડી લાગે.

સાચી મૂડી – Audio Version
Share this:

16 thoughts on “સાચી મૂડી”

Leave a reply