Nikki Ni Kavita

_____દિલથી જીવો, મજાથી જીવો અને ખાસ અગત્યનું છે ખુમારીથી જીવો. જીવનને માણીને જીવો. આપણા દરેકના સ્વભાવમાં પડી ગયું છે, કંઈ પણ નવું કરતા પહેલા વિચારીશું કે લોકો શું કહેશે?? કોઈને કેવું લાગશે?? સમાજમાં લોકો આપડી વાતો કરશે… વગેરે વગેરે….અરે લોકોની છોડો ઘરમાં જ આપણે આવું વિચારીએ છીએ.

_____હું આ પહેરીશ તો મારા ઘરમાં કોઈને ગમશે કે નહી? હું જોરથી થિયેટરમાં હસીસ તો બાજુવાળાને કેવું લાગશે? આમ જ દર વખતે લોકોનો વિચાર કરશોતો તમે તમારું જીવન કેવી રીતે જીવી શકશો?? કોઈ શું કહેશે એનાથી તમને શું ફરક પડવો જોઈએ? તમને જીવનમાં કંઈ નવું કરવું હોય ત્યારે પણ તમને વિચાર આવશે કે આ ઉંમરમા આ કરીશ તો લોકો કેવું વિચારશે?? સાચું કહો તમે અટકી નથી ગયા? પણ મારુ માનવું છે, જો કોઈને તકલીફ ના થતી હોય તો લોકો શું વિચારે છે એના કરતા તમારું મન શું કરવા માંગે છે, તમને શેમાંથી ખુશી વધારે મળે છે એ વધુ જરૂરી છે.

_____તમારું જીવન છે એને તમારી રીતે જીવો અને તમારા માટે જીવો, લોકો માટે નહી. પ્રયત્ન જરૂરથી કરજો . હું કરું છું અને હું હંમેશા મસ્તીમાં જીવું છું કારણકે હું મારા માટે જીવું છું , લોકો માટે નહીં.

Thank you.

The Audio Version of ‘લોકોની ચિંતા છોડી દો’

 

મારા મનગમતા રંગોમાંનો,
એક ખૂબ સુંદર રંગ છે તું.
દિલમાં દોડતી ધડકનોમાંની,
એક ખુશ ધડકન છે તું.
મારી રોજની વાતોનો,
મસ્ત એક વિષય છે તું .
ક્યારેક આવતા ખાલીપાને,
દિલથી ભરનાર છે તું .
સ્વભાવમાં રહેલા તોફાનોનો,
તોફાની ભાગીદાર છે તું
મારામાં રહેલી તાકાતનો,
સંપૂર્ણ સાથીદાર છે તું.
કરેલા મેં સારા એવા કર્મોનો,
નસીબે આપેલો એક ઉત્તમ જવાબ છે તું.
મારા મનગમતા રંગોમાંનો,
એક ખૂબ સુંદર રંગ છે તું.

The Audio Version of ‘ઉત્તમ જવાબ’

 

તારામાં હું જોઉં છું મને,
ને જીવું છું મારુ બાળપણ તારામાં દીકરી.
લાડ તને કેટલા લડાવું,
થઈ ગઈ પોતાનું ધ્યાન રાખતી મારી દીકરી.
ખુશ છું જોઈ સ્વતંત્ર તને,
અરે બનાવતી થઈ ગઈ રસોઈ મારી દીકરી.
લખે છે મોટી મોટી વાતો,
વાંચીને ઘણો આનંદ ઘણો થાય છે મને દીકરી.
જીદ કરે તો પણ મને ખૂબ ગમે તું,
પ્રેમ ખૂબ કરું છું તને મારી વહાલી દીકરી.
વાતો આપણી કદી ના ખૂટે,
સમય કેમ આટલો ભાગે છે અરે દીકરી.
જન્મ દિવસ કેમ તું મનાવે છે,
નથી ગમતું મને તું મોટી થાય મારી દીકરી.
સ્વાર્થી છું થોડી હું જાણું છું,
કારણ તું મારા કાળજાનો ટુકડો છે દીકરી.

The Audio Version of ‘દીકરી’

 

વાંચી લઉં છું તારી આંખોને,
સમજી જાઉં છું તારી ચૂપીને,
લખી નાખુ છું અનકહયા શબ્દોને,
ઝૂમી ઊઠું છું માત્ર તારી હાજરી જોઈને,
મલકાઈ જાઉં છું તારું નામ સાંભળીને,
ખુશ થાઉં છું ઘણી કલ્પનાઓ કરીને,
સમાવી રાખું છું દિલમાં ઘણી આકાંક્ષાઓને,
કેમ કરી છુપાવું હવે આ એક તરફી ચાહતને.

The Audio Version of ‘એક તરફી ચાહત’

 

_____માણસજાતનો આ સ્વભાવ પડી ગયો છે, પોતાની પાસે શું છે એના કરતા બીજા પાસે શું છે…. એમા વધુ રસ હોય છે. આપણા બધાની જ વાત કરું છું . સાચું તે ખોટું ? અને અંતે વિચારો શું મળે છે, આનંદ કે પછી દુ:ખ? જયા સુધી આપણે એ વસ્તુ ના લઈએ ત્યાં સુધી આ ચંચળ મન એમા જ ભમ્યા કરે છે.

_____બસ ત્યાં જ આપણી માંગણીની શરૂઆત ચાલુ થઈ જશે. આની પાસે BMW છે, મારે પણ એવી જ ગાડી જોઈએ છે. કેમ? આપણા garage માં ત્રણ ગાડી પડી હશે પણ એને લીધી એટલે હવે મારે પણ લેવી છે. આ વસ્તુ મોટા ભાગે સ્ત્રીઓમાં વધુ જોવા મળે છે. આવું કરવાથી આપણમાં ઈર્ષા આવે છે, લોભ અને લાલચ આવે છે. અરે શું સાચે આ બધી પુદ્દગલ વસ્તુઓ માટે આ બધી ખરાબ આદતો જરૂરી છે? દેખાદેખી દુ:ખી જ કરે છે અને એનાથી આપણા સ્વભાવમાં ખરાબ પરિવર્તન આવે છે.

_____જે આપણી પાસે છે એને માણીએ અને ખુશ રહીએ તો સ્વભાવ પણ શાંત રહે છે. સંતોષી જીવ દરેકને ગમે છે. તમે જાતે જ નક્કી કરો મનના અશાંતિ વધારવી છે કે હમેશાં મોજમાં રહેવું છે.

Thank you.

The Audio Version of ‘દેખાદેખીથી દુ:ખી જ થવાય છે’

થામયો છે હાથ તારો,
હવે કદીના છોડીશ.
જીવનભરનો સાથ આપણો,
દિલથી હું નિભાવીશ.

સુંદર સોહામણા શબ્દોને હું ,
આમ જ સૂરોમાં પૂરોવીશ.
તારી લાગણીઓને હું ,
મારી કવિતાઓમાં સજાવીશ.

સપના જોતા તારા હું,
હવે કદી ના થાકીશ.
તારા નામની ચૂંદડી ,
જન્મો જન્મ હવે ઓઢીશ.

જવાબના આવે ત્યાં સુધી,
હું કાગળ આમ જ લખીશ.
રાહ જોતા જોતા મૃત્યુ પણ આવે,
હસતા હું એને અપનાવીશ.

કહી દઉં છું તને,
હવે કદીના હું હારીશ.
મારા પ્રેમના રંગમાં ,
રોજ તને રંગાવીશ.

The Audio Version of ‘પ્રેમ નો રંગ’

 

લખવું છે પણ મારા વિચારો ડગે છે,
દેખી આજુબાજુની ઈર્ષા મન મારુ ભમે છે,
ક્યારેક બાળકોમાં આટલું અંતર કેમ લોકો કરે છે,
જોઈ આજ ભેદભાવ મન મારુ રડે છે,
નથી જવું આ રસ્તે પણ પગ ત્યાં જ વળે છે,
કેમ આ વાતો મને આટલી નડે છે,
લખવું છે કંઈ સારું પણ શબ્દો મારા ડગે છે,
ક્યારેક સુખની શોધમાં રસ્તામાં દુ:ખ જ આમ મળે છે,
કેટલું પણ કરીએ થોડું ઓછું પડે છે,
પ્રશંસાના રસ્તામાં સાલુ નસીબ કાચું પડે છે.

The Audio Version of ‘નસીબ’

 

ક્યારેક સરળ હોય છે,
ક્યારેક અઘરૂં હોય છે,
પણ પરિસ્થિતિ સ્વીકારવું ,
ખૂબ જ જરૂરી હોય છે.

હસીને જીવનને જીવી લે,
કે રડીને એને જીવી લે,
જે પણ પરિસ્થિતિ આવે,
એને હિંમતની સ્વીકારી લે.

કેટલાય ધમપછાડા કરી લે,
કે આ સમયને પ્રેમથી અપનાવી લે,
બધું તારા પર જ છે,
કેમ તું પરિસ્થિતિને સ્વીકારી લે.

મનથી પોતાને સંભાળી લે,
ખુદ પર વિશ્વાસ કરી લે,
સમય જરૂરથી બદલાશે,
બસ તું આજનો સ્વીકાર કરી લે.

મનને થોડું શાંત કરી લે,
થોડું તું ધ્યાન કરી લે,
અઘરૂં આજે જરૂરી છે,
પણ આમ જ તું પરિસ્થિતિને સ્વીકારી લે.

ક્યારેક સરળ હોય છે,
ક્યારેક અઘરૂં હોય છે,
પણ પરિસ્થિતિ સ્વીકારવું ,
ખૂબ જ જરૂરી હોય છે.

The Audio Version of ‘સ્વીકાર’

પ્રશંસા – appreciation

આપણા આ દોડધામવાળા જીવનમાં આપણે આજ તો ભૂલી જઈએ છીએ. ભૂલો શોધ્યા વગર પણ મળી જાય છે, પણ જ્યારે પ્રશંસાની વાત આવે ત્યારે ઘણી હિંમત કરવી પડે છે. કેમ? સાચે શું અઘરું છે કોઈની પ્રશંસા કરવું? સાચે શું અઘરું છે કોઈના માટે બે સારા બોલ બોલવું ?

જ્યારે આપણે કે કોઈ આપણા માટે કંઈ પણ સારું કરે તો આપણે appreciate કરવું જ જોઈએ. પ્રશંસા કરવાથી દિલ જીતાય છે. અનુભવના આધારે જ આજે કહું છું, બે બોલ સારા સાંભળવા સૌને ગમે છે. જ્યારે કોઈ આપણા માટે એનો સમય આપે, તમને કંઈ પણ ગમે એવું કરે તો શું આપણે એના વખાણ ના કરી શકીએ ? એકવાર કરીને જોજો એ વ્યકિત જે પણ તમારા માટે કરતી હશે એના કરતા ઘણું વધારે એને કરવાની ઇચ્છા પણ થશે.

આજે આપણા જ પરિવારમાં તમારા માટે એક પણ વ્યકિત કોઈ સારું કરે અને જો તમને અંદરથી ખુશી આપતું હોય તો please જઈને એ વ્યકિતને કહો કે એનાથી તમે ખૂબ ખુશ છો, સાચું કહું છું તમે ખુશ હશો એના કરતા એ વ્યકિતની ખુશી ઘણી વધારે હશે કારણકે પ્રશંસા સૌને ગમે છે.

કોઈ તમને કહે કે તારી ‘ચા’ ખૂબ જ સરસ બને છે તો તમને વારંવાર એ વ્યકિત માટે ‘ચા’ બનાવવાની ઇચ્છા થશે અને તમે એ ‘ચા’ માં ખાલી સાકરની જ નહી તમારા પ્રેમની મીઠાશ પણ ભરશો અને કોઈ તમારી રસોઈ કે પછી કશામાં પણ ખોડ-ખાંપણ કાઢશે તો તમને એ વ્યકિત માટ કોઈ સારો ભાવ થશે નહી. સાચું કહો તમે મારી વાત સાથે સહમત છો કે નહી ? માટે જ પ્રશંસા ખૂબ જરૂરી છે કારણકે જો તમને પ્રશંસા ગમે છે તો દરેક વ્યકિતને પણ ગમે છે.

આજથી આટલું નક્કી કરો બધામાં સારું જોઈ એમના માટે બે બોલ પણ સારા બોલી દિલથી પ્રશંસા કરો ખૂબ જરૂરી છે આ.

Thank you 🙏🏻

The Audio Version of ‘પ્રશંસા સૌને ગમે છે’

 

મન છે પ્રશ્નોનો જાળો,
ભરીને બેઠા છીએ કારણ વગરનો માળો.

પોતાને જ નહીં બીજાને પણ દિલથી સાંભળો,
ત્યારે જ મળશે સાચી દિશા ને માર્ગો .

લખો સનેહીજનોને પ્રેમ ભરેલા કાગળો,
ને બાંધીલો સંબંધોના મજબૂત તોરણો.

મન છે પ્રશ્નોનો જાળો,
ભરીને બેઠા છીએ કારણ વગરનો માળો.

ઈર્ષ્યાને સ્વાર્થથી ભરેલી ચર્ચાઓ,
નકામી કરી દેશે જીવનની દરેક ખુશીની પળો.

સૌની સાથે ખુલ્લા દિલથી મળો,
આજ છે કાલે કદાચ નહી મળશે તમને આવી પળો.

The Audio Version of ‘મન’