તકરાર બધી ભુલાવી દઈએ,
ખૂબ મોટો દિવસ છે આજે.
મીઠા બોલ સૌ સાથે બોલી લઈએ,
ભૂલો ભૂલવાનો દિવસ છે આજે.
આક્રોશ બધા છોડી દઈએ,
દિલને સાફ કરવાનો દિવસ છે આજે.
કડવાહટને કાઢી નાખીએ,
મીઠાશ ભરવાનો દિવસ છે આજે.
તું અને હું બસ એક જ છીએ,
એવું જ કહી દેવાનો દિવસ છે આજે.
બે હાથ જોડી સૌને મનાવી લઈએ,
માફી માંગવાનો અને આપવાનો દિવસ છે આજે.
🙏🏼🙏🏼🙏🏼 મિચ્છામિ દુક્કડમ 🙏🏼🙏🏼🙏🏼
The Audio Version of ‘મિચ્છામિ દુક્કડમ’
બાપુજી મારા સૌ પર ખૂબ લાડ લડાવતા.
The Audio Version of ‘કેવા હતા બાપુજી’
રવિવાર રવિવારની આ વાત છે,
તમારીને મારી વચ્ચે ગજબની ગાંઠ છે.
સપનાઓ ભલેને બધા મારા છે,
સાકાર કરવામાં આપ સૌનો જ હાથ છે.
શબ્દોને સૂરોમાં રચવાનો મારો પ્રયાસ છે,
મને મળતું પ્રોત્સાહન તમારાથી જ છે.
નીકીની કવિતા આજે કંઈક ખાસ છે,
કારણ માત્ર તમારા સૌનો સંપૂર્ણ સાથ છે.
ખુશીના આંસુથી આંખો મારી ભારોભાર છે,
દરેક વાચકોનો મારા ખરા દિલથી આભાર છે.
મને આજે એક અજબની ખુશી છે અને હું દિલથી તમારા સૌનો આભાર માનું છું . નીકીની કવિતાને આજે બે વર્ષ થયા અને તમારા સાથ-સહકાર વગર આ સાચે જ શક્ય નહોતું . બસ આમ જ મને સાથ આપતા રહેજો એ જ મારા દિલથી તમને વિનંતી છે. Thank you. 🙏🏼
The Audio Version of ‘આભાર’
ઘણું બોલ્યા ઘણું ઝઘડ્યા,
ચલને થોડું હસી લઈએ.
આપણી આ જીદને છોડી,
ચલને થોડું મળી લઈએ.
સૌથી વધુ લાગણી જ તારી સાથે,
ચલને એકબીજાને કહી દઈએ.
નથી માનતું આ મન મારું,
ચલને થોડું રડી લઈએ.
શા માટે છે આ તકરાર,
ચલને થોડી વાતો કરી લઈએ.
પળ બે પળની આ જિંદગીને,
સાથે મળીને જીવી લઈએ.
ચલને બધું જૂનું ભૂલી,
એક નવી શરૂઆત કરી લઈએ.
The Audio Version of ‘પળ બે પળની જિંદગી’
લખીને તારું નામ,
વારંવાર ભૂસી નાખું છું.
સપનાજો આવે તારા,
આંખોને ખોલી નાખું છું.
દિલ કેમ જોડાયું તારા દિલ સાથે,
એવા પ્રશ્નથી મનને કોરી નાખું છું.
પડી હું એવી તારા પાગલપનમાં,
દિવાલોને ચિત્રોથી ભરી નાખું છું.
દિલ આમ જ તૂટતા હોય તો,
પ્રેમનો ધિક્કાર કરી નાખું છું.
વિરહમાં તારા એવી અટવાઈ,
અશ્રુઓથી દરિયા ભરી નાખું છું.
લખીને તારું નામ,
વારંવાર ભૂસી નાખું છું.
The Audio Version of ‘વિરહ’
_____આમ જોવા જઈએ તો સૌથી સરળ પણ અને સૌથી અઘરો પણ આ વિષય છે. ગુસ્સો દરેકના સ્વભાવમાં થોડા કે વધુ પ્રમાણમાં હોય છે. ઘણા ક્યારેક એના પર કાબૂ રાખી શકે છે તો ઘણાને વાત વાતમાં ગુસ્સો આવે છે. એકવાત બધાને મારે પૂછવી છે, જ્યારે કોઈ તમારી સાથે અણગમા કે ઊંચા અવાજે કે પછી ગુસ્સામાં વાત કરે તો શું તમને ગમે છે? ના, દરેકનો એ જ જવાબ હશે અને મારો પણ એ જ જવાબ છે.
_____મારા માટે પણ ખૂબ અઘરું છે આ ગુસ્સાને જડમાંથી કાઢવું , પરંતુ પ્રયત્ન જરૂર કરીશ કારણકે સૌથી વધુ નુકસાન એમા મારુ જ છે. ક્રોધ માત્ર કડવાશ ભરે છે. એનાથી દિલ દુ:ખે છે, સંબંધો તૂટે છે અને લાગણીઓ દુભાય છે. જો આટલું બધુ નુકસાન હોય તો સૌએ મળીને આ ગુસ્સા પર કાબૂ લાવવો જોઈએ. જ્યારે પણ જો અણગમતી વસ્તુ બને કે કોઈ બોલે અને જો આપણે થોડા શાંત રહી એનો ઉપાય શોધી લઈએ તો દિલ દુ:ખતા નથી અને સંબંધો તૂટતા નથી.
_____હું અને તમે બધા જ સમજીએ છીએ ક્રોધ સૌથી વધુ નુકસાનકારક પોતાના માટે જ છે, સામેવાળાને તો પછી અસર કરશે અને ક્યારેક નહી પણ કરે. આપણે શાંત રહીશું તો સમોવાળા પાસે શાંત થવા સિવાય કોઈ રસ્તો રહેશે જ નહીં. મારો પ્રયત્ન ચાલુ છે, દિલથી ચાહું છું દરેક વાંચનાર મારી સાથે જોડાય અને આપણે સાથે પ્રયત્ન કરીએ કે જેટલા બને એટલા આ ક્રોધની કડવાશથી દૂર રહીશું અને શાંત રહેવાનો અચૂક પ્રયત્ન કરીશું.
Thank you.
The Audio Version of ‘ક્રોધ માત્ર કડવાશ ભરે છે’
તમે હૃદયથનાં ઊંડાણમાં વસ્યાછો એવા કે,
યાદનાં સ્પર્શથી અશ્રુઓ છલકાઈ છે.
પ્રેમથી ભરેલા છો એવા કે,
પ્રેમની પ્યાસથી દરિયા છલકાઈ છે.
ગુણોનાં ભંડાર છો એવા કે,
અવગુણો અમારા શરમાઈ છે.
લાગણી તમારી અમો સર્વ પર,
હૃદયને ગદગદીત કરી જાય છે.
રણકતો અવાજ અને હાસ્ય તમારું ,
જીવવાનું કારણ બની જાય છે.
તમને યાદ કરું કે ના કરું પપ્પા,
તમારો લાગણીનો દરિયો મને રોજ એક વાર હસાવી જાય છે.
The Audio Version of ‘લાગણીનો દરિયો’
આમ જ લોકો જીવનમાં હોય છે મળતાં,
જે મળે છે કંઇ બધાજ પોતાના નથી હોતાં.
કહીતો દે છે હંમેશા સાથે હતાં,
પણ જરૂરના સમયે કેમ ઉભા નથી હોતાં.
વિશ્વાસ બધાં પર કરી નથી શકતાં,
પણ જેના પર કરીએ એ લાયક નથી હોતાં.
“ઘા” આપણાંનાજ હોય છે એવા વાગતાં,
કે સહન કરી શકીએ એવા નથી હોતાં.
ડરતી નથી ક્યારે કોઇનાથી હું કંઇ સાચું કહેતા,
સાચેજ,
આપણાં કહીએ એજ આપણાં નથી હોતા.
The Audio Version of ‘હકીકત’
ઝડપી થોડી વિચારોની ધાર હતી,
મન થોડું ઉદાસને થોડી બેચેની હતી,
ગઈકાલ થોડી ખરાબ હતી.
કોઈ સાથે થોડી અનબન થઈ હતી,
વીતતી દરેક પળો થોડી ભારે હતી,
ગઈકાલ થોડી ખરાબ હતી.
આંસુની ધાર થોડી જોરમાં હતી,
કારણ તે વ્યકિત ખૂબ ખાસ હતી,
ગઈકાલ થોડી ખરાબ હતી.
વાંક કોનો હતો એની વાત જ નહોતી,
સંબંધોમાં પડતા તિરાડની શરૂઆત હતી,
ગઈકાલ થોડી ખરાબ હતી.
The Audio Version of ‘ગઈકાલ’
“મારી ભૂલ થઈ ગઈ” બસ એટલું કહી સંબંધને સાચવી લઈએ.
_____શરૂઆત હું કેમ કરું ? કેમ એ સામેથી વાત કરવાના આવી શકે? કેમ એ માફી માંગીના શકે? હું કંઈ પાગલ છું દર વખતે માફી માંગવા જાઉં ? આવા ઘણાં પ્રસન્નો રોજ આપણા જીવનમાં ઘણાં નજીકના સંબંધોમાં આવતા હોય છે,પણ તમે ક્યારે એમ વિચાર્યું કે આવો ego રાખવાથી નુકસાન પણ આપણું જ છે. આપણું મન અશાંત રહે છે, negative વિચારો આવતા રહે છે અને અણગમો પણ વધતો જાય છે.
_____અનુભવના આધારે એટલું કહી શંકુ જ્યારે સંબંધ આપણો હોય તો એને માફી માંગી બચાવી લેવો કારણકે જયા લાગણી હોય ત્યાં જ મન દુ:ખ પણ થાય. તમારી જાતને આવી કોઈ પણ પરિસ્થિતિ આવે ત્યારે માત્ર એક પ્રશ્ન પૂછજો, શું આ વ્યકિત કરતા મારો ગુસ્સો વધુ મહત્વનો છે? માફી માંગવાથી કોઈ નાનું નથી થઈ જતુ પણ આપણે ઘણાનાં મન જીતી શકીએ છીએ. એક વાક્યનો જરૂરથી પ્રયત્ન કરજો અને મને યાદ કરજો, તમારા એ સંબંધની કાચી ડોર પ્રેમથી સંધાય જશે, “મારી ભૂલ થઈ ગઈ, તું મને માફ નહી કરે?” બસ સામેવાળી વ્યકિત પાસે તમને માફ કરીને વળગી જવા સિવાય કોઈ રસ્તો જ નહી રહે.
_____જીવન ખૂબ ટૂંકું છે ચલોને વેર ઝેર ભૂલી પ્રેમથી સૌને અપનાવી લઈએ. વાંક કોઈનો પણ હોય છતા માફી હું જ પહેલા માંગીશ એવું નક્કી કરી આપણા જ બનાવેલા દરેક સંબંધને જીવી લઈએ.
Thank you.
The Audio Version of ‘મારી ભૂલ થઈ ગઈ’
