કોઈના માટે સરળ
પણ મારા માટે અઘરું,
નવી જગ્યા અપનાવવી
એને ગમાડવી આટલી અઘરી કેમ?
મિત્રો તો ઘણા બની જાય
પણ જૂના વારંવાર યાદ આવે તો મનને મનાવવું કેમ??
મજાની મહેફિલો રોજ જામે
અને આમ એકલું લાગે તો જાહેરમાં રડવું કેમ?
આમ તો મજબૂત છું
છતા વારંવાર દિલ ઢીલું થઈ જાય તો એને વાળવું કેમ?
ભૂલવું છે તને એવું નથી કહેતી
પણ તારી યાદ દુખી કરી જાય તો રોજ હસવું કેમ?
The Audio Version of ‘અઘરું કેમ?’
હું તારી ને તારી જ રહીશ,
શંકા કરશે તો હારી જઈશ.
સમજમાં તારી કે મારી,
ક્યાંક તો થોડી ગડબડ થઈ ગઈ.
આમ જો ચૂપ રહેશે તો ગાંડી થઇ જઈશ.
ખુલાસા કરવા પડે,
તો સંબંધમાં કચાશ રહી ગઈ.
વિશ્વાસની ડોર નાજુક છે,
તૂટી તો વેરવિખેર થઈ જઈશ.
ગેરસમજણથી કંઈ મળતું નથી,
લાગણી ને સમજતા મન દગો દઈ ગઈ.
મારામાં હું તને જીવું છું,
છૂટી તારાથી તો ખુદને જ ખોઈ દઈશ.
The Audio Version of ‘વિશ્વાસ ની ડોર’
આગળ-પાછળ મારી હંમેશા તું,
મને રમતો દેખાય.
રક્ષા જેવી કરે તું મારી,
કોઈપણ નજીક આવતા ગભરાય.
આંખો બંધ કરું તો પણ,
તારો ચહેરો મને દેખાય.
સુંવાળો સફેદ સ્પર્શ,
મારા મનને મોહાય.
થોડો સમય પણ દૂર થાઉં,
તું કેટલો ઉદાસ દેખાય.
શબ્દો નથી તારી પાસે,
છતાં પ્રેમ તારો સમજાય.
તારી ચહેલ-પહેલથી,
મારુ ઘર હંમેશા મહેકાય.
રહેવુ પડે તારા વગર જ્યારે,
તારી વ્યથા મને સમજાય.
ભીની પાંપણ પાછળ,
તારી કમી મને વર્તાય.
કેટલી પણ ભલે દૂર હોઉં,
‘માઇલ્સ’, તું મને મારા માં દેખાય.
એક વાત પાકી છે,
તારી જેમ પ્રેમ કરતા,
બધાને જ શીખાય.
The Audio Version of ‘તું મને મારામાં દેખાય’
જ્યારે પણ મળીએ તને તું અમારો લાગે!
The Audio Version of ‘તું મને મારો લાગે!’
મહેફિલો મેં ઘણી માણી,
ને ભીડમાં પણ ઝૂમી ને નાચી,
એકલતા હવે લાગે છે વ્હાલી!
ભરી ભરીને થાકી થોડી,
જાણે સમજી ગઈ છું અંદરની વાણી,
એકલતા હવે લાગે છે વ્હાલી!
તને માની તારી દરેક વાતો ને માની,
લાગે છે ક્યારેક મારી તો ક્યારેક અજાણી,
એકલતા હવે લાગે મને છે વ્હાલી!
તણખો ઊડ્યો ને આગ લાગી,
સૌ સંબંધમાં છે આજ કહાની,
માટે જ એકલતા હવે લાગે છે મને વ્હાલી!
નથી તારો દોષ કે નથી મારો,
સૌએ હંમેશા પોતાની ચલાવી,
એકલતા હવે લાગે છે વ્હાલી!
The Audio Version of ‘એકલતા લાગે છે વ્હાલી!’
નથી જન્મ તારા હાથમાં,
કે કયાં છે મરણ તારા હાથમાં.
જિંદગીને કેમ જીવવી,
માત્ર છે તારા હાથમાં.
લખીલે બે ચાર સારા શબ્દો,
જે રહી જશે તારી યાદમાં.
ભરી ભરીને કેટલું ભરીશ,
તારા આ નાનકડા હાથમાં.
પળમાં છોડી દેશે તને શ્વાસ તારા,
શાને રહે છે તું આટલા તાનમાં.
જગ્યા કરીલે થોડી સૌના દિલમાં,
એ ચોક્કસ થી છે તારા જ હાથમાં.
The Audio Version of ‘જિંદગીને કેમ જીવવી’
અચાનક એક પંખી ઊડી ગયું ,
ને હૃદયનાં ધબકાર વધી ગયા.
ગમતું કોઈ જતું રહ્યું ,
જાણે દુ:ખનાં પહાડ તૂટી પડ્યાં .
રાતે સૂતા ત્યારે કયાં ખબર હતી,
સવાર કંઈ આવી ભયંકર હશે?
એક જ પળમાં જાણે,
દુનિયા એની વેરવિખેર કરી જશે.
સવારે જેનું મુખ જોઈને ઊઠતા ,
આમ અચાનક અદ્રશ્ય થઈ જશે?
જીવ જેને માનતા હોઈએ,
એના વગર જીવન કેવું થઈ જતુ હશે?
આઘાત તારો છે આજે,
છતાં સૌના જીવને કેરી ખાતો હશે.
The Audio Version of ‘આઘાત’
થામીને રાખજે તારી પાસે મને.
The Audio Version of ‘થામીને રાખજે’
ઘરની દિવાલો વ્યથા પૂછે
આંસુ શાના તું વહાવે?
બાગમાં ઊગતા ફૂલો અચાનક,
દિલને કેમ રીઝાવે?
વીખરાયેલી ભીની ચાદર કહે,
મારો લગાવ તને આટલો સતાવે?
પડેલી તમામ વસ્તુઓનો સ્પર્શ ,
હવે છૂટતો કેમ લાગે ?
યાદોથી ભરેલું મન મારું,
ધૂ્સકે ધૂ્સકે કેમ રડે?
બેબાકળું મન એક જ વાત,
મને વારંવાર કરે…..
ઘર તો ઘર છે વહાલી
માત્ર તારું સરનામું બદલાયું છે.
The Audio version of ‘સરનામું બદલાયું છે’
સ્વભાવમાં સરળતા રમે
ને વાણીમાં મીઠાશ વરસે
લાડ સર્વ પર ખૂબ લડાવે
ધ્યાન દરેકનું પળપળ એ રાખે
પપ્પા મારા સૌને ગમે
‘ના’ કદી કોઈને ના કહે
પરિવારમાં જેમનો જીવ વસે
બાળક સાથે બાળક જેવા એ રહે
દરેકના દિલમાં એમનું ઘર એ વસાવે
પપ્પા મારા સૌને ગમે
પોતાને સૌથી છેલ્લે મૂકે
ચિંતા સૌની પહેલા એ કરે
જૂઠ કપટથી દૂર જે ભાગે
દુનિયા જેમને દિલથી માને
પપ્પા મારા સૌને ગમે
જિંદાદિલીથી જીવતા શિખવાડે
દયા ને પ્રેમ જેમના રગરગમાં વસે
સંસ્કારોની ભાતી અમ સૌને આપે
એવા પપ્પા મારા સૌને ગમે
The Audio Version of ‘પપ્પા મારા સૌને ગમે’
