બધું જ હોવા છતા,
સાદાઇથી જે જીવે છે.
કોઈને પણ કદી ના ન પાડતા,
ખુદ કરકસરથી જીવે છે.
ના તારું કે ના મારું,
હંમેશા જે આપણું જ કહે છે.
મોઢું જોઈને કોઈનું પણ,
કીધા વગરની વાત જે સમજી જાય છે.
જીવમાં જેની માત્ર આપવાની ભાવના,
એવી ભારોભાર ઉદારતા જે ધરાવે છે.
થાક ભલેને કેટલો પણ હોય,
ખડા પગે સૌ માટે ઊભા રહે છે.
અટવાતા જો અમને જોઈ લે,
અચાનક રસ્તો જ પોતે બની રહે છે.
દિવસો ગણી ગણીને,
પરિવાર માટે જે જીવે છે.
આવી એક જ વ્યકિત છે જે,
હજારોના દિલમાં વસે છે.
કેટલા પુણ્યો કર્યા હશે અમે,
જેને અમે પપા કહીને બોલાવીએ છીએ.
The Audio Veriosn of ‘પરિવાર માટે જે જીવે છે’