રોજ એક નવી સવાર

અતીતને ભૂલી જા હવે,
જ્યાં દુઃખની માત્ર યાદો રહે..
 વીતેલી પળો જ્યાં ખાલી દલીલો હતી,
 ભૂલીને એક શાંતિનો અનુભવ કર હવે..

કાલ ની વાતો રાખ પાછળ,
આજને શ્વાસમાં ભરીલે હવે ..
જીવન તો પ્રવાહ છે વહેતો,
પાછળ જોવાથી મળશે શું હવે?

હાથમાં છે આપણા જ આજની ઘડી,
એમાં સંતોષ ને વળી ખુશી પણ રહે..
ભવિષ્યની ચિંતા બંધ કર,
જીવી લે ‘આજ‘ને દિલથી હવે..

શું મળશે રાખીને યાદો ખાટી,
અપનાવી લે મનથી હકીકત હવે..
રોજ એક નવી સવાર છે અહીં,
ચાલ  જીવનના રસ્તે ફરી પગલા મૂકી દે હવે..