વિનંતી

ફરી તું મને ક્યાંક મળજે,
ના મળે તો બસ મને યાદ કરજે.

ક્યારેક તો આપણી રાહ મળશે,
ના મળે તો બસ મારી રાહ તકજે.

ફરી તું ક્યાંક હાથ પકડજે,
ના પણ પકડે તો સાથ આપજે.

ક્યારેક તો મારી વાત સાંભળજે,
ના પણ સાંભળે તો મારું મૌન સમજજે.

ફરી તું મને ક્યાંક પત્ર લખજે,
ના પણ લખે તો કોરો કાગળ મોકલજે.

ક્યારેક તું પાછો પ્રેમ કરી લેજે,
ના પણ કરે તો નફરતથી દૂર રહેજે.

ફરી તું મને તારી દિનચર્યા કહેજે,
ના પણ કહે તો બસ મારો હાલ પૂછજે.

ક્યારે તો મારી લાગણી સમજજે,
ના પણ સમજે તો બધુ ભૂલી જજે.

ફરી તું મને ક્યાંક મળજે,
ના મળે તો બસ યાદ કરજે.

The Audio Version of ‘વિનંતી’

8 thoughts on “વિનંતી”