થોડું પોતાને માટે

થોડું જીવી લે પોતાને માટે,
બધાને ખુશ કરવું તારા હાથમાં નથી.
ક્યારેક “ના” કહેવું પણ શીખી જા,
તારું જ મન તૂટે એ પણ સારું નથી.

થોડું રોકાઈ ને શ્વાસ લઈ લે,
હંમેશા દુઃખી થવું જરૂરી નથી.
જગતની ફરજમાં ખોવાઈ ને,
તારી ખુશીને ભૂલવી જરૂરી નથી.

જ્યાં સુખ મળે ત્યાં વસી જા,
બીજાની વાતો હૃદયે લેવી જરૂરી નથી.
મનની શાંતિ સૌથી મોટી,
સ્વાર્થી ક્યારેક બને તો કંઈ ખોટું નથી.

જીવન એક જ વાર મળે દોસ્ત,
દિલની ઈચ્છાને જતી કરવી જરૂરી નથી.
ખુદને થોડું ખુશ કરી લે,
ક્યારેક પોતાને માટે જીવશે તો ખોટું નથી.