પકડીને ચાલ આ હાથ છૂટી જાયના,
સંભાળીને રાખ આ દિલ તૂટી જાયના.
સંતાકૂકડી રમતા જોજે આંખ ખૂલી જાયના,
રહીલે સાથે હવે કે આ સમય ખૂટી જાયના.
ફૂલો ચૂંટતા જોજે કાંટા વાગી જાયના,
લીધેલી આપણી કસમો જોજે તૂટી જાયના.
કરીલે પ્રેમ હવે આ સમય ચૂકી જાયના,
સંભારણા કરતા આ આંખો સૂકી જાયના.
ખાનગી આ વાતો બાર આવી જાયના,
રંગેરંગાણી તારા જોજે નજર લૂંટી જાયના.
થામીલે દિલથી સાથી સાથ છૂટી જાયના,
તારીને મારી કહાની ક્યારેય જૂની થાયના.
પકડીને ચાલ આ હાથ છૂટી જાયના,
સંભાળીને રાખ આ દિલ તૂટી જાયના.
The Audio Version of ‘સાથી’
પડી ગઈ છે ગજબની આદત તારી,
લઈજા હવે બસ મને સાથ તારી.
રાત દિવસ સાવ સૂના પડયા,
દેખાડી દે બસ ઝલક તારી.
સંભળાય છે આ પવનના સુસવાટા,
સાંભળવી છે હવે મને વાત તારી.
લખવા બેસુ તો શબ્દો નથી મળતા,
ભીની આંખોને હવે રાહ છે તારી.
કેમ છુપાવું આ દર્દ ભરી રાતો,
થાકી ગઈ છું બસ હવે યાદોથી તારી.
વચન છે જીવનભર સાથ રહેવાનું,
પછી કેમ જાય છે તું મૂકીને નીકીને તારી.
પ્રણયની આપણી વાત સૌ સાચી,
માટે જ રચું છું આજે હું ગઝલ તારી.
The Audio Version of ‘તારી ગઝલ’
રોજની ભાગ દોડથી જ્યારે થાકી જાઉં છું,
રાતના અંધકારની શાંત હવાને માણી લઉં છું.
ઘણી વાતો કરીને જ્યારે ચૂપ થઈ જાઉં છું,
મૌન લઈ મારા શાંત સ્વભાવને જાણી લઉં છું.
લોકોની ભીડથી ક્યારેક કંટાળી જાઉં છું,
બસ એક પુસ્તકને ખુશીથી વાંચી લઉં છું.
રોજની ભાગ દોડથી જ્યારે થાકી જાઉં છું,
રાતના અંધકારની શાંત હવાને માણી લઉં છું.
ના ગમતું બનતા મનથી જ્યારે અકળાઈ જાઉં છું,
એક કાગળ પેન લઈ કવિતા લખી લઉં છું.
યાદોના ઘેરામાં જ્યારે ગૂંગળાય જાઉં છું,
તારું સ્મરણ કરી થોડું સ્મિત કરી લઉં છું.
જીવનના આંટામાં ક્યારેક અટવાઈ જાઉં છું,
ત્યાં જ ઊંડો શ્વાસ લઈ હરખી જાઉં છું,
આજ જીવન છે એમ કરી મનને મનાવી લઉં છું.
The Audio Version of ‘શાંત હવા’
ચાલી છે ગેરસમજની એવી હોળી,
કે સળગી રહી છે સંબંધોની ટોળી.
આંસુઓથી ના ભરીએ કદી કોઈની ઝોળી,
રાખીએ દિલના દરવાજા સૌ માટે ખોલી.
શબ્દોને વિચારીને વાપરીએ થોડી થોડી,
કે ના બોલવું પડે કદી કોઈને સોરી.
ભલેને પીરસીએ ચા ક્યારેક મોળી,
પણ અપમાન કરી ના મારીએ કોઈને ગોળી.
માફી માંગી કરીલો મજબૂત સંબંધોની કોઠી,
કે ના વાગે નફરત ભરેલી કોઈને સોટી.
ભરપૂર કરો પ્રેમ સૌને દિલને ખોલી,
કે ગેરસમજની જગ્યા કદીએ ના થાય પહોળી,
સત્યની હમેશાં જીત થાય છે વહેલી કે પછી મોડી.
The Audio Version of ‘ગેરસમજની હોળી’
વિનય વિવેકનું એક ઉત્તમ ઉદાહરણ છે તું,
સાકરથી પણ ઘણો વધુ મીઠો છે તું,
ખુશીથી ભરેલો પ્યાલો છે તું,
પ્રેમથી ભરેલો લાગણીનો દરિયો છે તું ,
દરેકને કિનારે પહોંચાડે એવું એક મોજું છે તું ,
નિયમોને દિલથી નિભાવનારો છે તું,
વડીલોને માન સન્માન આપનાર છે તું,
મિત્રોમાં કંઈક અલગ જ મિત્ર છે તું ,
બાળકોને ખૂબ પ્રેમથી સાચવે છે તું ,
જીવદયાને સમજનાર છે તું,
રમત ગમતમાં વધુ જ આગળ છે તું,
પપા સાથેની દલીલોનો ભાગીદાર છે તું ,
મારી એક જ નજરને પારખનાર છે તું,
પસંદ નાપસંદનું ધ્યાન રાખનાર છે તું,
દીદીની દિલની ધડકન છે તું ,
બધામાં કંઈક અલગ અને ખાસ છે તું,
કેમ જાણે સૌના મનને જીતનાર છે તું,
ગર્વથી કહી શંકુ છું મારો દીકરો છે તું,
ભગવાને આપેલું વરદાન છે તું ,
“મીત” સાચે જ ખૂબ ડાહ્યો છે તું.
The Audio Version of ‘મીત’
ચાર દિવસની આપણી બધી વાતો,
સુંદર સોહામણી રંગોથી ભરેલી યાદો.
મસ્તીથી ભરેલી આ થોડી રાતો,
બસ કરી હતી બાળપણની આપણી વાતો.
કસરત અને ખુલ્લામાં ચાલવા જવાની એ પળો,
વીતી ગઈ કયા આપણી એ સવારો.
ગુણાનુવાદથી ભરેલી આપણી બધી વાતો,
લાવી વધુ નજીક એકબીજાને એ આપણી રાતો.
ચાર દિવસની આપણી બધી વાતો,
સુંદર સોહામણી રંગોથી ભરેલી યાદો.
જીજાજી અને બહેનની આપેલી સમજણો,
છેલ્લે સુધી પણ ખૂટી નહી કોઈની વાતો.
વાંચીને તારા ૨૦ વર્ષ જૂના પત્રો,
મજાથી ખડખડાટ હસ્યા અમે સૌ લોકો.
પ્રેમથી ભરેલી આપણી દરેક ઘડીઓ,
આપી ગઈ દિલને અઢળક ખુશીઓ.
ચાર દિવસની આપણી બધી વાતો,
સુંદર સોહામણી રંગોથી ભરેલી યાદો.
થોડી ગંભીર તો થોડી હસવાની,
આજ તો છે મારી બહેનોની વાતો.
મસ્તીથી ભરેલી આ થોડી રાતો,
બસ કરી હતી બાળપણની આપણી વાતો.
The Audio Version of ‘ખાટ્ટી-મીઠી યાદો’
મને ખૂબ વહાલા લાગે છે મારા પપ્પા,
બારથી કડક ભલે લાગે,
અંદરથી ખૂબજ કોમળ છે મારા પપ્પા.
પ્રભુની ભારોભાર ભકિત તો કરે,
પણ લોકો માટે અઠ્ઠમ કરે છે મારા પપ્પા.
ગુસ્સો ભલે કરે,
પણ લાગણીનો વરસાદ વરસાવે છે મારા પપ્પા.
દયા કરતા શીખવાડે છે,
અને દાન કરતા પણ શીખવાડે છે મારા પપ્પા.
સંસ્કારો ઘણા આપે છે,
પણ સત્યને હંમેશાં પૂજે છે મારા પપ્પા.
ભલે હંમેશાં દૂર હોય છે,
લાગે છે મારી સાથે મારા પપ્પા.
લખતા વાંચતા શીખવાડયું છે,
દિલથી તમને ચાહું છું મારા પપ્પા.
જિંદગી તમને આપી દઉ
મારું તો માન અભિમાન છે મારા પપ્પા.
આજકાલ મને ખૂબ યાદ આવે છે મારા પપ્પા,
કેમ કહું મને ખૂબ વહાલા લાગે છે મારા પપ્પા.
The Audio Version of ‘મારા પપ્પા’
કરેલી ભૂલોનો ભાર ઓછો કરી લઈએ,
દુભાવેલા દિલોને દિલથી મનાવી લઈએ,
આજે બસ સૌની હૃદયથી ક્ષમા માંગી લઈએ.
કરુણાને અંતરમાં છલોછલ ભરી લઈએ,
લાગણી એવી રાખીએ કે બધાનાં મન જીતી લઈએ,
આજે બસ સૌની હૃદયથી ક્ષમા માંગી લઈએ.
જાણતા અજાણતાં કરેલી ભૂલોનો નિરાકરણ કરી લઈએ,
હસ્તાં હસ્તાં બસ આજે દિલને હળવું કરી લઈએ,
આજે બસ સૌને હૃદયથી ક્ષમા આપી દઈએ.
વેરનું જડથી વિસર્જન કરી લઈએ,
પ્રેમનું આપણે સર્જન કરી લઈએ,
આજે બસ સૌની હૃદયથી ક્ષમા માંગી લઈએ.
બે હાથ જોડી મસ્તકને નમાવી લઈએ,
દ્વાર દિલના ખોલી સૌ જીવોને ખમાવી લઈએ,
ક્ષમા માંગી અને ક્ષમા આપી જીવનનું સરવૈયું સરભર કરી લઈએ.
The Audio Version of ‘ક્ષમા’
દિલથી કરું છું પૂજા તારી,
સ્વીકારી લેજે પ્રાર્થના મારી.
કાળી રાતો વીતે જલદી,
શુભ સવારો આવે હળવી.
મનની મક્કમતા ડગે ના મારી,
સ્વીકારી લેજે પ્રાર્થના મારી.
તૂટી ના જાયે હિમ્મત મારી,
સંભાળી લેજે હવે લાજ મારી.
દિલથી કરું છું પૂજા તારી,
સ્વીકારી લેજે પ્રાર્થના મારી.
સચ્ચાઈથી લડું આ લડાઈ મારી,
બનીજા હવે તું ઢાળ મારી.
જાણું છું બધી ભૂલ છે મારી,
માટે જ સમયે આજે મારી છે બાજી.
તૂટી રહી છે આસક્તિ મારી,
લગાવી લે નૈયા હવે તું પાર મારી.
છૂટી ના જાયે આ શ્વાસની બારી,
પ્રભુ, આવીજા બસ હવે જરૂર છે તારી,
દિલથી કરું છું પૂજા તારી,
સ્વીકારી લેજે પ્રાર્થના મારી.
The Audio Version of ‘પ્રાર્થના’
આથમતો સૂરજ મને કંઈક કહેતો રહે છે,
જાણે અંધકારની ચેતવણી બસ આપતો રહે છે.
મનને શાંત તો મનને અકળાવતો પણ રહે છે,
છતાં કેમ જાણે આથમતો સૂરજ મને ગમતો રહે છે.
બે ઘડી એના રંગથી ગગનને ભરતો રહે છે,
કેસરી ચાદર ઓઢાડી એને સમજાવતો રહે છે.
આંખોને ઘણાં સપના દેખાડી પોતે ડૂબતો રહે છે,
સુખ અને દુ:ખ બધું જ પોતનામાં લઈ ઢળતો રહે છે.
ક્યાંક ઉદાસી તો ક્યારેક નવી આશાઓ પણ બંધાવતો રહે છે,
આપણે ના માનીએ ત્યાં સુધી આપણને મનાવતો રહે છે.
મારી સાથે હર સાંજ બે ઘડી વાતો કરતો રહે છે,
અંધકાર પછી ઉજાસ આવશે એવો વિશ્વાસ આપતો રહે છે,
રાત પછી દિવસ આવશે ટકોર કરતો રહે છે,
માટે જ આ આથમતો સૂરજ મને બહુ ગમતો રહે છે.
The Audio Version of ‘આથમતો સૂરજ’
