તું મને પ્રેમ કરે કે ના કરે,
હું હમેશાં તને કરતી રહીશ.
તું દિલ આપે કે ના આપે,
મારામાં તને વસાવી લઈશ.
તું મને રાખે કે ના પણ રાખે,
તને ને તારી પરિસ્થિતિને સમજી જઈશ.
તું મને કંઈ આપે કે ના આપે,
હું તને પ્રેમ હમેશાં આપતી જઈશ.
તું મારી લાગણીને સમજે કે નહી,
હું ભારોભાર તારા વર્ષાવતી રહીશ.
આપ્યું છે તે મને કંઈ એવું અનમોલ,
કે જનમ જનમ તારું ઋણ ચૂકાવતી રહીશ.
The Audio Version of ‘તારું ઋણ’
આમ જ સરળ નથી હોતી,
ક્યારેય થોડી અઘરી પણ લાગે છે જિંદગી.
માનું છું હમેશાં હસાવતી નથી,
ક્યારેક થોડું રડાવે પણ છે જિંદગી.
લડું છું મારા હક માટે તો તું સતાવે છે,
આખરે હાર માનવી જ પડે છે તારી સામે જિંદગી.
કરીએ કેટલો પણ દિલથી સ્વીકાર તારો,
લાગે છે તારા પ્રેમની લાયક નથી હું જિંદગી.
કારણ વગર કરે છું તું નાટક ઘણા,
દુ:ખમાં પણ હજુ સુખ શોધતા મને આવડે છે જિંદગી.
ભલેને કેટલી પણ ગજબની હોય તું ,
મજાથી મને જીવતા આવડે છે તને જિંદગી.
The Audio Version of ‘ગજબ છે જિંદગી’
💯 P.S. This is my 100th poem/prose on NikkiNiKavita.com. Thank you all the readers for your support throughout. This wouldn’t have been possible without your support. Keep reading/listening and giving me feedback via commenting on the blog. Thank you once again! 🙏
_____દિલથી જીવો, મજાથી જીવો અને ખાસ અગત્યનું છે ખુમારીથી જીવો. જીવનને માણીને જીવો. આપણા દરેકના સ્વભાવમાં પડી ગયું છે, કંઈ પણ નવું કરતા પહેલા વિચારીશું કે લોકો શું કહેશે?? કોઈને કેવું લાગશે?? સમાજમાં લોકો આપડી વાતો કરશે… વગેરે વગેરે….અરે લોકોની છોડો ઘરમાં જ આપણે આવું વિચારીએ છીએ.
_____હું આ પહેરીશ તો મારા ઘરમાં કોઈને ગમશે કે નહી? હું જોરથી થિયેટરમાં હસીસ તો બાજુવાળાને કેવું લાગશે? આમ જ દર વખતે લોકોનો વિચાર કરશોતો તમે તમારું જીવન કેવી રીતે જીવી શકશો?? કોઈ શું કહેશે એનાથી તમને શું ફરક પડવો જોઈએ? તમને જીવનમાં કંઈ નવું કરવું હોય ત્યારે પણ તમને વિચાર આવશે કે આ ઉંમરમા આ કરીશ તો લોકો કેવું વિચારશે?? સાચું કહો તમે અટકી નથી ગયા? પણ મારુ માનવું છે, જો કોઈને તકલીફ ના થતી હોય તો લોકો શું વિચારે છે એના કરતા તમારું મન શું કરવા માંગે છે, તમને શેમાંથી ખુશી વધારે મળે છે એ વધુ જરૂરી છે.
_____તમારું જીવન છે એને તમારી રીતે જીવો અને તમારા માટે જીવો, લોકો માટે નહી. પ્રયત્ન જરૂરથી કરજો . હું કરું છું અને હું હંમેશા મસ્તીમાં જીવું છું કારણકે હું મારા માટે જીવું છું , લોકો માટે નહીં.
Thank you.
The Audio Version of ‘લોકોની ચિંતા છોડી દો’
મારા મનગમતા રંગોમાંનો,
એક ખૂબ સુંદર રંગ છે તું.
દિલમાં દોડતી ધડકનોમાંની,
એક ખુશ ધડકન છે તું.
મારી રોજની વાતોનો,
મસ્ત એક વિષય છે તું .
ક્યારેક આવતા ખાલીપાને,
દિલથી ભરનાર છે તું .
સ્વભાવમાં રહેલા તોફાનોનો,
તોફાની ભાગીદાર છે તું
મારામાં રહેલી તાકાતનો,
સંપૂર્ણ સાથીદાર છે તું.
કરેલા મેં સારા એવા કર્મોનો,
નસીબે આપેલો એક ઉત્તમ જવાબ છે તું.
મારા મનગમતા રંગોમાંનો,
એક ખૂબ સુંદર રંગ છે તું.
The Audio Version of ‘ઉત્તમ જવાબ’
તારામાં હું જોઉં છું મને,
ને જીવું છું મારુ બાળપણ તારામાં દીકરી.
લાડ તને કેટલા લડાવું,
થઈ ગઈ પોતાનું ધ્યાન રાખતી મારી દીકરી.
ખુશ છું જોઈ સ્વતંત્ર તને,
અરે બનાવતી થઈ ગઈ રસોઈ મારી દીકરી.
લખે છે મોટી મોટી વાતો,
વાંચીને ઘણો આનંદ ઘણો થાય છે મને દીકરી.
જીદ કરે તો પણ મને ખૂબ ગમે તું,
પ્રેમ ખૂબ કરું છું તને મારી વહાલી દીકરી.
વાતો આપણી કદી ના ખૂટે,
સમય કેમ આટલો ભાગે છે અરે દીકરી.
જન્મ દિવસ કેમ તું મનાવે છે,
નથી ગમતું મને તું મોટી થાય મારી દીકરી.
સ્વાર્થી છું થોડી હું જાણું છું,
કારણ તું મારા કાળજાનો ટુકડો છે દીકરી.
The Audio Version of ‘દીકરી’
વાંચી લઉં છું તારી આંખોને,
સમજી જાઉં છું તારી ચૂપીને,
લખી નાખુ છું અનકહયા શબ્દોને,
ઝૂમી ઊઠું છું માત્ર તારી હાજરી જોઈને,
મલકાઈ જાઉં છું તારું નામ સાંભળીને,
ખુશ થાઉં છું ઘણી કલ્પનાઓ કરીને,
સમાવી રાખું છું દિલમાં ઘણી આકાંક્ષાઓને,
કેમ કરી છુપાવું હવે આ એક તરફી ચાહતને.
The Audio Version of ‘એક તરફી ચાહત’
_____માણસજાતનો આ સ્વભાવ પડી ગયો છે, પોતાની પાસે શું છે એના કરતા બીજા પાસે શું છે…. એમા વધુ રસ હોય છે. આપણા બધાની જ વાત કરું છું . સાચું તે ખોટું ? અને અંતે વિચારો શું મળે છે, આનંદ કે પછી દુ:ખ? જયા સુધી આપણે એ વસ્તુ ના લઈએ ત્યાં સુધી આ ચંચળ મન એમા જ ભમ્યા કરે છે.
_____બસ ત્યાં જ આપણી માંગણીની શરૂઆત ચાલુ થઈ જશે. આની પાસે BMW છે, મારે પણ એવી જ ગાડી જોઈએ છે. કેમ? આપણા garage માં ત્રણ ગાડી પડી હશે પણ એને લીધી એટલે હવે મારે પણ લેવી છે. આ વસ્તુ મોટા ભાગે સ્ત્રીઓમાં વધુ જોવા મળે છે. આવું કરવાથી આપણમાં ઈર્ષા આવે છે, લોભ અને લાલચ આવે છે. અરે શું સાચે આ બધી પુદ્દગલ વસ્તુઓ માટે આ બધી ખરાબ આદતો જરૂરી છે? દેખાદેખી દુ:ખી જ કરે છે અને એનાથી આપણા સ્વભાવમાં ખરાબ પરિવર્તન આવે છે.
_____જે આપણી પાસે છે એને માણીએ અને ખુશ રહીએ તો સ્વભાવ પણ શાંત રહે છે. સંતોષી જીવ દરેકને ગમે છે. તમે જાતે જ નક્કી કરો મનના અશાંતિ વધારવી છે કે હમેશાં મોજમાં રહેવું છે.
Thank you.
The Audio Version of ‘દેખાદેખીથી દુ:ખી જ થવાય છે’
થામયો છે હાથ તારો,
હવે કદીના છોડીશ.
જીવનભરનો સાથ આપણો,
દિલથી હું નિભાવીશ.
સુંદર સોહામણા શબ્દોને હું ,
આમ જ સૂરોમાં પૂરોવીશ.
તારી લાગણીઓને હું ,
મારી કવિતાઓમાં સજાવીશ.
સપના જોતા તારા હું,
હવે કદી ના થાકીશ.
તારા નામની ચૂંદડી ,
જન્મો જન્મ હવે ઓઢીશ.
જવાબના આવે ત્યાં સુધી,
હું કાગળ આમ જ લખીશ.
રાહ જોતા જોતા મૃત્યુ પણ આવે,
હસતા હું એને અપનાવીશ.
કહી દઉં છું તને,
હવે કદીના હું હારીશ.
મારા પ્રેમના રંગમાં ,
રોજ તને રંગાવીશ.
The Audio Version of ‘પ્રેમ નો રંગ’
લખવું છે પણ મારા વિચારો ડગે છે,
દેખી આજુબાજુની ઈર્ષા મન મારુ ભમે છે,
ક્યારેક બાળકોમાં આટલું અંતર કેમ લોકો કરે છે,
જોઈ આજ ભેદભાવ મન મારુ રડે છે,
નથી જવું આ રસ્તે પણ પગ ત્યાં જ વળે છે,
કેમ આ વાતો મને આટલી નડે છે,
લખવું છે કંઈ સારું પણ શબ્દો મારા ડગે છે,
ક્યારેક સુખની શોધમાં રસ્તામાં દુ:ખ જ આમ મળે છે,
કેટલું પણ કરીએ થોડું ઓછું પડે છે,
પ્રશંસાના રસ્તામાં સાલુ નસીબ કાચું પડે છે.
The Audio Version of ‘નસીબ’
ક્યારેક સરળ હોય છે,
ક્યારેક અઘરૂં હોય છે,
પણ પરિસ્થિતિ સ્વીકારવું ,
ખૂબ જ જરૂરી હોય છે.
હસીને જીવનને જીવી લે,
કે રડીને એને જીવી લે,
જે પણ પરિસ્થિતિ આવે,
એને હિંમતની સ્વીકારી લે.
કેટલાય ધમપછાડા કરી લે,
કે આ સમયને પ્રેમથી અપનાવી લે,
બધું તારા પર જ છે,
કેમ તું પરિસ્થિતિને સ્વીકારી લે.
મનથી પોતાને સંભાળી લે,
ખુદ પર વિશ્વાસ કરી લે,
સમય જરૂરથી બદલાશે,
બસ તું આજનો સ્વીકાર કરી લે.
મનને થોડું શાંત કરી લે,
થોડું તું ધ્યાન કરી લે,
અઘરૂં આજે જરૂરી છે,
પણ આમ જ તું પરિસ્થિતિને સ્વીકારી લે.
ક્યારેક સરળ હોય છે,
ક્યારેક અઘરૂં હોય છે,
પણ પરિસ્થિતિ સ્વીકારવું ,
ખૂબ જ જરૂરી હોય છે.
The Audio Version of ‘સ્વીકાર’
