મને હું મળી ગઈ

હંમેશા સૌને ખુશ રાખવા જીવતી ગઈ,
પ્રેમથી, સેવાથી, મીઠા શબ્દોથી ભરતી ગઈ.

બધાની ઈચ્છાઓનું માન રાખતી,
છેલ્લે કોણ જાણે કેમ હવે થાકી ગઈ.

મળશે થોડો પ્રેમ મને પણ,
કોણ જાણે કેમ એવું ઇચ્છતી ગઈ?

ને પ્રશંસાના બે શબ્દોની રાહ,
આખી જિંદગી જોતી ગઈ.

દિલ દુઃખયુ ને દિલ તૂટ્યું ઘણીવાર,
જે થતું બસ જોતી ગઈ.

સમજશે મને પણ ક્યારેક,
એવું દિલને સમજાવતી ગઈ.

દિલથી હારી કે દિલથી જીતી ખબર નહીં,
બસ હું ના પાડતા શીખી ગઈ.

કોણ જાણે એવું લાગ્યું,
આજે પહેલી વાર મને હું મળી ગઈ.

મને હું મળી ગઈ – Audio Version

મને હું મળી ગઈ

11 thoughts on “મને હું મળી ગઈ”

Leave a Reply Cancel reply