ગઈકાલ ની રાત

ગઈકાલે રાતે તારી યાદ મને સતાવી ગઈ,
આવીને મારી ઊંઘ ઉડાડી ગઈ.

ઘડિયાળની ટીકટીક દુશ્મન બની ગઈ,
એના અવાજથી મારી સળવળ થોડી વધી ગઈ,
અને મારી ઊંઘ બગાડી ગઈ.

ન તારી સાથે વાત થઈ શકી કંઈ,
બધી જ વાતો અધૂરી રહી ગઈ,
ઉપરથી મારી ઊંઘ ઉડાડી ગઈ.

ગઈકાલે રાતે તારી યાદ મને સતાવી ગઈ,
આવીને મારી ઊંઘ ઉડાડી ગઈ.

ક્યારેક તારી યાદ મને ગમી ગઈ,
પણ ક્યારેક તારી યાદ મને રડાવી ગઈ,
ત્યાંજ આંખોથી આ ચાદર ભીની થઈ ગઈ,
કેમ તારી યાદ મારી ઊંઘ ઉડાડી ગઈ.

તું બે દિવસ માટે જાય તો મારી હાલત આવી થઈગઈ,
આટલી હિંમતવાળી હોવા છતાં કેમ સાવ ખાલી થઈ ગઈ,
ગઈકાલે રાતે તારી યાદ મને સતાવી ગઈ,
આવીને મારી ઊંઘ ઉડાડી ગઈ.

તારા વગર હું-હું નથી એ વાત પાકી થઈ ગઈ,
તું સાથેના હોય તો જાણે આ નીકી અધીરી બની ગઈ,
ગઈકાલે રાતે તારી યાદ મને સતાવી ગઈ,
આવીને મારી ઊંઘ ઉડાડી ગઈ.