એવું કેમ?

તું મને બહું ગમે છે, એવું કેમ?
તારી સાથે સમય વીતાવવો ખૂબ ગમે, એવું કેમ?

તારી સાથે વાતોનો અંત ન આવે, એવું કેમ?
તું મને બહું ગમે છે, એવું કેમ?

દિવસની શરૂઆત અને અંત પણ તું,
મારું સ્વપ્ન પણ તું અને હકીકત પણ તું,
મારું હાસ્ય પણ તું અને રુદન પણ તું, એવું કેમ?
તું મને બહું ગમે છે, એવું કેમ?

ન કરું વાત તો મન અકળાયા કરે,
ન જોઉં તને તો આંખ તને શોધ્યા કરે, એવું કેમ?

ન સાંભળું તને તો તારા જ પડઘા વાગે,
તું ના હોય તો મને એકલું લાગે, એવું કેમ?

મનમાં તારું જ ચિંતન ભમ્યા કરે,
તારી કલ્પનાથી મન મલકાયા કરે,
તારા સ્પર્શ વગર કંઈક અધૂરું લાગે, એવું કેમ?

આજે હું તને પૂછું છું,
તું મને બહું ગમે છે, એવું કેમ?
તારા વગર મને કંઈ ના ગમે, એવું કેમ?