અતૂટ ગાંઠ

શબ્દોમાં જાણે તું જ હોય,
ને મારા સૂરોમાં તું સંભળાય..
આંખો ખુલી હોય કે બંધ,
સપના મને તારા જ દેખાય..

કવિતા લખું કે પછી વાંચુ,
મારા મુખ પર બસ તું જ મલકાય..
કેટલુંય વ્યસ્ત રહું રોજ,
પણ આસપાસ મને તું જ દેખાય..

પ્રેમ થોડો પાગલ હોય,
એવો છે એકાંતમાં પણ લખાય..
લાખો આવે ને જાય,
નજરોમાં મારી બસ તું જ હરખાય..

 વાતચીત કદાચ થોડી ઓછી થાય,
અનકહયા શબ્દો પણ એકબીજાને સંભળાય..
તારી સાથે ગાંઠ કઈ છે એવી,
જે કદી પણ છોડે ના છોડાય..