ક્યાંય કોઈ એવું એક હોવું જોઈએ,
જે નથી આપણું છતાંય પોતાનું હોવું જોઈએ.
નામ વગરના સંબંધમાં પણ,
એવું એક પારકું પોતાનું હોવું જોઈએ.
કંઈ ના સૂઝે ત્યારે અઘરી પરિસ્થિતિમાં,
સાથ નિભાવવા વાળું એ કોઈક હોવું જોઈએ.
દુનિયા આખી વિરોધી બની જાય પણ,
અતૂટ વિશ્વાસ વાળું એક પારકું હોવું જોઈએ.
નથી જોઈતું કશુંયેતારી પાસેથી દોસ્ત,
તારા મુખ બસ પર હાસ્ય હોવું જોઈએ.
આવું કહેનાર આપણા જીવનમાં,
એકાદ તો ચોક્કસથી હોવું જોઈએ.
કાશ તું કંઈ માંગવાનું કહે તો,
જિંદગીભર નો સાથ માંગી લઉં.
તારી સાથે વિતાવેલી દરેક પળોને,
સૌથી યાદગાર પળો બનાવી લઉં.
આમ તો મનાવતા તને આવડતું નથીપણ,
ક્યારેક થઈ જાય છે એકવાર રિસાઈ જ લઉં.
તારા હસતા ચહેરા ને જ્યારે પણ જોઉં,
મનને થાય સમયને અહીંયા જ રોકી લઉં.
લાગણીથી ભરેલી તારી વાતો સાંભળીને,
દિલ કહે છે ચલને કવિતા લખી લઉં.
કાશ તું કઈ માંગવાનું કહે મને તો,
જિંદગીભરનો સાથ માંગી લઉં.
નવી એક દુનિયા બનાવવા માંગુ છું,
એમાં કંઈક અલગ કરવા માંગુ છું.
એક શાંત નદીની જેમ વહેવા માંગુ છું,
ખુદ ના જ નહીં લોકોના સપના પણ પુરા કરવા માંગુ છું.
બોલ્યા વગર શબ્દોને કહેવા માંગુ છું,
ના બોલે એને દિલથી સમજવા માંગુ છું.
નાની નાની દરેક પળોને જીવવા માંગું છું,
મસ્ત બની મસ્તીમાં ઝૂમવા માંગું છું.
એકાંતને અંતરથી અપનાવવા માંગુ છું,
હસીને સૌને હસાવવા માંગુ છું.
સાથ સૌનો દિલથી આપવા માંગુ છું,
બીજાની જીતને પણ જલસાથી ઉજવવા માંગુ છું,
નવી એક દુનિયા બનાવવા માંગુ છું.
કેટલો છે બદલાવ તારામાં,
જોતાની સાથે જ આશ્ચર્ય લાગે..
પ્રેમ તું કરે છે સૌને એટલો કે,
જાણે સ્નેહથી ભરેલો સમુદ્ર લાગે..
પહેલા વાત વાતમાં તારું અકળાવવું,
આજે સમજથી ભરેલો ભંડાર લાગે..
જરૂર પડે મને જો કોઈની,
તો બંને મારા ખાસ મિત્ર લાગે..
મારા મુખને જોઈને કહી દે,
મમ્મી તું કોઈ ચિંતામાં લાગે..
આનાથી વધુ શું માંગુ,
આજ મને મારી કમાયેલી સાચી મૂડી લાગે.
ખુદને પ્રેમથી ભારોભાર રાખું છું,
મારા પરિવારને હૃદયની વચ્ચોવચ રાખું છું..
દિવસો હંમેશા એક સરખા નથી હોતા,
માટે જ દરેકની સાથે હંમેશા હસવાનું રાખું છું..
નસીબની ખૂબ સારી રેખાઓ છે મારા હાથે,
માટે જ દરેક કર્મ કરતા હવે થોડું ધ્યાન રાખું છું..
કોઈને ગમું કે ના ગમું એ વિચાર્યા વગર,
બસ હવે દિલમાં સદભાવ રાખું છું..
કહે છે લોકો મને હંમેશા ખુશનુમા હોય છે,
મારા પરિવારને જ એનું કારણ રાખું છું..
બધી વસ્તુઓમાં ભૂલો કાઢવાનું બંધ કર,
નાની વાતોમાં મોઢું ચડાવવાનું બંધ કર!
શું થયું, કેમ થશે ને ક્યારે થશે?
આ વાતોમાં સમય બરબાદ કરવાનું બંધ કર!
મોતને આવવું હશે તો આવશે,
શરીરના દુ:ખાવાને ગાયા કરવાનું બંધ કર!
મળ્યું છે એને દિલથી માણી લે,
શું નથી એનું રડવાનું બંધ કર!
હાથની રેખાઓ મહેનતથી ચમકશે,
આખો દિવસ નસીબને કોસવાનું બંધ કર!
તુ પ્રેમ આપી તો જો,
નિભાવો કેમ એ હું તને શીખવાડી દઉં…
મારા રસ્તા પર ચાલી તો જો,
રાહ કેમ જોવી એ તને શીખવાડી દઉં…
કોઈ વાર રિસાઈ તો જો,
મનાવવુંકેમ એ હું તને શીખવાડી દઉં…
આખોમાં મારી સમાઈ તો જો,
સપના જોવા કેમ એ તને શીખવાડી દઉં…
મારી લાગણીઓને મહેસુસ કરી તો જો,
એને સમજવી કેમ એ તને શીખવાડી દઉં…
હાથમાં હાથ આપીને તો જો,
જીવનભર સાથે કેમ રહેવું એ પણ તને શીખવાડી દઉં.
તારા મનમાં શું ચાલે છે,
એ સમજવું મારા માટે સરળ નથી…
દુઃખ થાય જ્યારે પોતાનાથી જ,
મનને મનાવવું સરળ નથી…
ના ગમતું થતું જોઈને હવે,
ચૂપ રહેવું સરળ નથી…
કોઈ કંઈ કારણ વગર જ બોલી જાય,
તો સાંભળવું સરળ નથી…
ગાંઠો પડી જાય જો સંબંધોમાં,
એને ખોલવી સરળ નથી…
પ્રેમ ભલે ને કેટલું કરું તને,
કેમ સાબિત કરવો સરળ નથી?
તારી સાથે અલગ નો સંબંધ છે મારે,
દરેક પ્રશ્નનો જવાબ છે માત્ર પાસે..
ભીડમાં કે એકાંતમાં,
હોય છે તું હંમેશા મારી સાથે..
ઘેરે છે કાળા વાદળો જ્યારે,
પડછાયો બનીને હોય છે તું મારી કાજે..
આંખો થઈ જાય જો ભીની ક્યારેક,
લુછે છે પ્રેમથી તું એને તારા જ હાથે..
જોઈ શકું છું લાગણી તારી,
રાખે છે હંમેશા તારો હાથ મારા માથે..
અટવાઉં દુનિયામાં જ્યારે,
લખી લઉં છું એક ચિઠ્ઠી હું તારા નામે..
જવાબ તરત જ આવી જાય છે,
ચિંતા ના કર હું છું તારી સાથે.
કેટલું એ કરવું હોય છે તારી સાથે ,
પણ સમય થોડો ઓછો પડે છે…
તું જ્યારે જ્યારે પણ આવે છે,
આ દિલને ગજબની ઠંડક મળે છે.
વાતો તારી ખૂટતી નથી,
તને સાંભળવાની મને મજા પડે છે…
રમતા રમતા જ્યારે કલાકો વીતે,
તારી સાથે સમય વિતાવવાનો સંતોષ મને મળે છે.
જાય છે જ્યારે તું મન થોડું ગોટાળેચડે છે,
આંખોને જાણે વરસવાનું એક બહાનું મળે છે..
જલ્દી મળશું જ્યારે તું કહે છે,
ભારે હૃદયને એક શાંતવનના મળે છે.
રિવાજો સંસારના કંઈક આવા જ હોય છે,
એને સમજવા ક્યારેક ભારે પડે છે..
તું માને કે ન માને, તું આવે ત્યારે અમને જ નહીં,
આ ઘરને પણ હસવાનું કારણ મળે છે.
