માંગણી

સાચા મનથી તારી પાસે કંઈ માંગુ છું,
મારી જ નહી પણ સૌની ખુશીની માંગણી કરું છું.

ઊભી તારા દ્વારે થોડી આજીજી કરું છું ,
પરિસ્થિતિ ને સ્વીકારી શકે એવી માંગણી કરું છું.

આપ્યું છે બધુ મને કયાં આનાકાની કરું છું,
દરેક જીવના મનની શાંતિની હું આજે માંગણી કરું છું.

ગદગદ થઈ ગયેલું મન થોડું કઠણ કરું છું,
દુ:ખીને જોઈ એના સુખની તારા પાસે માંગણી કરું છું.

બે હાથ જોડી તારી સામે વિનંતી કરું છું,
સૌના ભૂલોને ભૂલી ક્ષમાની માંગણી કરું છું.

સાચા મનથી તારી પાસે કંઈ માંગુ છું,
મારી જ નહી પણ સૌની ખુશીની માંગણી કરું છું.

The Audio Version of ‘માંગણી’

Share this:

24 thoughts on “માંગણી”

Leave a Reply to Preet ShahCancel reply