મારી લાડલી

હસતી-રમતી છે તું, નિખાલસ મનની છે તું,
પ્રેમનો દરિયો છે તું, મારી લાડલી છે તું.
સરળ હદયની છે તું, છતાં વિચારોથી ચકોર છે તું,
ગંભીર પણ છે તું અને ચંચળ પણ છે તું,
પ્રેમનો દરિયો છે તું, મારી લાડલી છે તું.

અભિમાન અને કપટતાથી પર છે તું,
ફૂલો ની ફોરમ છે તું, મારી આંખોની ચમક છે તું.
નદી જેવી શાંત છે તું, વીજળી નો ચમકાર છે તું,
દાદા-દાદીનું નૂર છે તું, પપ્પાનું સર્વસ્વ છે તું,
પ્રેમનો દરિયો છે તું, મારી લાડલી છે તું.

મીતની પ્રીત છે તું, મારા હૃદયનો ધબકાર છે તું,
સૌના મનમાં છે તું અને મારું પ્રતિબિંબ છે તું,
મારી લાડલી પ્રીત , અમારો ગર્વ છે તું.

Note: This poem is for my sweetheart, my best friend, my partner in crime, and my pride, PREET! ❤

She is a wonderful daughter and a friend. ?? She is away from home for her volleyball match to Germany ?? this weekend. With last year of IB, she plays Badminton ?, Cricket ?, and goes bowling ?.

I am so proud of her because she never gives up and is a fighter. This year is her last year of school and next year she will be gone to the University ?. ?

All the best for your last Necis matches and I am coming soon to cheer you and your team up. ?? We are always proud of you regardless of the result. ??

Share this:

મિત્ર તારી મિત્રતા

મિત્ર તારી મિત્રતા મને વહાલી લાગે,
તારી સાથેની દરેક યાદ મને રળિયામણી લાગે.

સંતાકૂકડી સાંકળી રમતાં દિવસો મજાનાં લાગે,
મિત્ર તારી મિત્રતા મને વહાલી લાગે.

નાનપણનાં ઝઘડાં સાચે મીઠાં લાગે,
કોકો અને સેનડવીચ તારી સાથે સ્વાદિષ્ટ લાગે,
મિત્ર તારી મિત્રતા મને વહાલી લાગે.

અડધી રાતે હુક્કાનાં ધુમાડા મોજીલા લાગે,
આપણા તોફાનોને ના કોઈ પુણઁવિરામ લાગે,
મિત્ર તારી મિત્રતા મને વહાલી લાગે,
તારી સાથેની દરેક યાદ મને રળિયામણી લાગે.

નાની નાની વાતો આપણી આજે મોટી લાગે,
નથી મળતા રોજ પણ તું હમેશાં સાથે લાગે,
મિત્ર તારી મિત્રતા મને વહાલી લાગે.

આપણી વાતોની સામે ભરેલું નાસ્તાનું ટેબલ ખાલી લાગે,
સવારે તારી સાથે પીધેલી સાકર વિનાની ચા મીઢી લાગે,
તારી સાથેની દરેક યાદ મને રળિયામણી લાગે.

લખતાં લખતાં આજે મન આનંદમાં લાગે,
તારી યાદ ના આવે એ દિવસ આજે પણ ખાલી લાગે,
મિત્ર તારી મિત્રતા મને વહાલી લાગે,
તારી સાથેની દરેક યાદ મને રળિયામણી લાગે.

તારી મારી વાત ભલેને લોકોને નકામી લાગે,
પણ હસ્તાં હસ્તાં આપણા પેટ દુ:ખી જાય એવી મસ્તીની લાગે,
તારી સાથેની દરેક ધમાલ મનને ગમતી લાગે,
મારા મિત્ર તું મને લાખોમાં એક લાગે.

મિત્ર તારી મિત્રતા મને વહાલી લાગે,
તારી સાથેની દરેક યાદ મને રળિયામણી લાગે.

Note: This poem is on special request. Mittal, we have amazing memories from childhood till now. I don’t like to label us as ‘besties’, ‘best friends’ etc. but I am sure, we are friends forever.  I have enjoyed every moment we have spent together and I look forward to more.

Actually, when I was writing this poem many of my friends crossed my mind, whom I haven’t met since a long time but I cherish every memory I have with all of you, often. I miss all of you. Love you all and three cheers to our friendship. ??

Share this:

પ્રેમ

તને જોતા જ મુખ પર આવે તેનું નામ ‘પ્રેમ’

તારા સ્મરણથી મળતી મનને એક હૂંફ ‘પ્રેમ’

અદ્રશ્ય છે છતાં તને સ્પર્શું,
અનદેખા આ સ્પર્શનો અનુભવ ‘પ્રેમ’

તારા મુખ પર રેલાતું  સ્મિત મારા મટે ‘પ્રેમ’
તારી ખુશી મારી ખુશી એ જ તો છે ‘પ્રેમ’

અઢળક વાતો છે મનમાં  પણ,
મળ્યાં ત્યારે પાંપણ બોલી જાય એ જ ‘પ્રેમ’

નજરથી નજર મળે ત્યાં જ,
મનમાં થતી સંવેદના મારો ‘પ્રેમ’

તારા સ્પર્શથી થતી મારા ધબકારોની ભાગદોડ
એ જ તો છે ‘પ્રેમ’

કોઈ માંગણી વગર હું સમર્પિત થઈ જાઉં
એ જ તો છે ‘પ્રેમ’

ક્યારેક તારી વહેતી આંખો જોઈને,
હૃદય મારું રડી જાય એ જ તો છે ‘પ્રેમ’

તારી વેદના મારી વેદના એ મારો ‘પ્રેમ’
તને જોતા જ મુખ પર આવે તેનું નામ ‘પ્રેમ’.

Share this:

તું કહેશે તો ભૂલી જઈશ

પ્રેમ કર્યો ફક્ત તને છતાં,
તું કહેશે તો ભૂલી જઈશ.

આપ્યું દિલ ફક્ત તને છતાં,
નહી અપનાવે તો રડી લઈશ.

રહેતો હશે જો તું આનંદમાં,
તો બીજાની થઈ જઈશ.

તારી યાદને દિલમાં સંઘરી,
જિંદગી તો હું જીવી લઈશ.

દુ:ખી થયો તું મારે ખાતર,
તો મારી જાતને પણ રિબાવી લઈશ.

કહીને જો ફક્ત એક વાર જતાં,
જિંદગી માંગશે તો મૃત્યુ ને પણ અપનાવી લઈશ.

Note: I wrote this poem when I was 16, at that time when he had left me. I truly believe that if your love is true, it will come back to you, and that’s exactly what happened. We are living happily ever since.❤️

Share this:

રોજ રોજની વાત

રોજ રોજની વાત આપણી
જન્મો જનમથી સાથ આપણી

રૂ જેવું હૃદય તારુ
રોજ કહે છે કથા આપણી

સપનામાં પણ લાગણી તારી
જન્મો જનમથી સાથ આપણી

રોજ રોજની વાત આપણી
જન્મો જનમથી સાથ આપણી

ઝગડા પછી મનામણા તારા
વ્યક્ત કરે છે ચિંતા આપણી

સમય થી વધુ ના કોઇ માંગણી તારી
અદભૂતછે કોઇ કહાની આપણી

રોજ રોજની વાત આપણી
જન્મો જનમથી સાથ આપણી

દૂર કદી લાગી નથી, પાસેથી કદી જાતી નથી
એક યાદ છે સંગાથ આપણી

ખુશી મારી પ્રગતિ તારી
બની ગઇ છે પ્રેમનું સ્મરણ આપણી

રોજ રોજની વાત આપણી
જન્મો જનમથી સાથ આપણી

રોજ રોજ ની વાત તારી
બની ગઇ છે આદત મારી

Share this:

હૃદયનો ધબકાર

કહી દઉં મારો લાડલો તો કંઈ ખોટું નથી,
મારા હૃદયમાં વસ્યો ધબકાર તો કંઈ ખોટું નથી.

કહી દઉં લાગણીનો સાગર, સૌના હૈયે વસ્યો ,
પ્રેમની પરબ, મિત્રોની મિત્રતા તો કંઈ ખોટું નથી.

કહી દઉં તને સત્ય વચન તો કંઈ ખોટું નથી,
હર એક કપટથી દૂર તો કંઈ ખોટું નથી.

કહી દઉં મારો લાડલો તો કંઈ ખોટું નથી,
મારા હૃદયમાં વસ્યો ધબકાર તો કંઈ ખોટું નથી.

ધર્મ સમજીને આચરે,
ઘણું તારી પાસે શીખવા મળે,સૌની સંભાળ રાખે,
પણ સૌ પ્રથમ “મા” ને રાખે એમા કંઈ ખોટું નથી.

કહી દઉં મારો લાડલો તો કંઈ ખોટું નથી,
મારા હૃદયમાં વસ્યો ધબકાર તો કંઈ ખોટું નથી.

સ્ત્રીઓનું સન્માન કરે, વડીલોનું માન કરે,
દીદીને દુલાર પણ કરે છે તું,
માતા-પિતાનું ધ્યાન રાખે છે એમા કંઈ ખોટું નથી.

કહી દઉં તને સરળ હૃદયનો તો કંઈ ખોટું નથી,
કંઈક અદ્ભુત છે તારામાં તો કંઈ ખોટું નથી.

રહેશે મારી અંતિમ પળ સુધી એમા કંઈ ખોટું નથી
મીત, મારા હૃદયનો હર એક ધબકાર છે તું
એમા કંઈ ખોટું નથી.

કહી દઉં મારો લાડલો “મીત”તો કંઈ ખોટું નથી,
મારા હૃદયમાં વસ્યો ધબકાર તો કંઈ ખોટું નથી.

Happy 14th Meet,

I have always believed that miracles happen to one in a billion but I have never thought that I would be among the lucky ones until I had you, my beloved Son. Neverending love, undivided attention, eternal pampering, everlasting affection and endless care, are few of the many things I can always do for you. Stay happy and have an amazing birthday! ? ? ? ? ?

Share this:

સમય​

દરેક ખુશી છે અહિં લોકો પાસે, પણ હસવા માટે સમય નથી.
દિવસ-રાત દોડતી દુનિયામાં, જીંદગી માટે સમય નથી.

‘માં’ના હાલરડાંનો અહેસાસ છે, પણ તે ‘માં’ માટે સમય નથી.
બધા સંબંધો તો મરી ગયા જાણે, પણ તેમનૅ દફનાવ​વાનો સમય નથી.

બધાં નામ mobile માં છે, પણ મિત્રતા માટે સમય નથી.
પારકાઓની શું વાત કર​વી, પોતાના માટે પણ સમય નથી.

આંખોમાં ઊંઘ છે, પણ સૂવા માટે સમય નથી.
દિલ છે શ્રમોથી ભરેલું, પણ રડવાનો સમય નથી.

પૈસાની દોડમાં એવા દોડ્યા કે, થાક​વાનો પણ સમય નથી.
ખિસ્સા ભરેલાં હોવા છતાં, એને ખરચ​વાનો પણ સમય નથી.
પારકા એહસાનોની શું કદર કરીએ, જ્યાં આજની દોડમાં પોતાનાજ સપનાની કદર નથી.

Share this:

તારો સાથ

તારા સાથ સંગાથે મારે રહેવું છે,
તારા પ્રેમના દરિયામાં મારે વહેવું છે.

તારો હાથ થામી મારે ફરવું છે,
તારા વ્હાલનાં દરિયામાં મારે વહેવું છે.

તને નિહાળીને મારે જાગ​વું અને સૂવું છે,
તારા નેત્રોનાં નેહમાં મારે વહેવું છે.

મસ્તીમાં તારી સાથે મારે ઝૂમ​વું છે,
બસ સ્મિત બનીને તારા મુખ પર મારે વહેવું છે.

પ્રગતિનાં હર પંથે તને જોવો છે,
બસ તારી તાકાત બનીને મારે રહેવું છે.

હૃદયથી હૃદય મારે સ્પર્શવું છે,
તારા બનીને તારામાં વસીને મારે રહેવું છે.

એકવાર નહી વારંવાર મારે તને કહેવું છે,
હર એક પળ મારે તારી સાથેજ રહેવું છે.

તારા સાથ સંગાથે મારે રહેવું છે,
બસ તારાજ પ્રેમના દરિયામાં મારે વહેવું છે.

Share this:

મને મુકીને કેમ જાય છે?

ઠંડી ઠંડી હ​વા છે અને મન મારૂં ઠંડકમાં નૃત્ય કરે છે,
ત્યાંજ તારો સ્પર્શ કહે છે,
મને મુકીને કેમ જાય છે?

પર્વતો અને ગુફાઓમાં મન મારૂં શાંત થઇ જાય છે,
ત્યાંજ તારી યાદો કહે છે,
મને મુકીને કેમ જાય છે?

આ નદી અને એનું શાંત પાણી મારા મનને ભીનું કરે છે,
ત્યાંજ તારી ભીની આંખો પુછે છે,
મને મુકીને કેમ જાય છે?

લાગે છે જ્યાં જઈને અટક​વું હતું ત્યાંજ આવીને ઊભી છું,
ત્યાંજ તારી સાથે ચાલેલા કદમો યાદ આવે છે,
મને મુકીને કેમ જાય છે?

હસું છું, બધાને હસાવું છું પણ આ મનને કેમ કંઈ ડંખે છે,
ત્યાંજ તું હાથ પકડે છે અને કહે છે,
મને મુકીને કેમ જાય છે?

હું થંભી ગઈ છું, ખુશ છું, મનમાં અઢળક નૃત્યો છે,
દરવાજાં પર દસ્તક વાગે છે,
તું ભેટે છે અને કહે છે, મને મુકીને નહીં જ​વા દઉં તને.

પંખીઓનો આ કલર​વ, પહાડોમાંથી વહેતાં બરફનાં પાણી,
વહેતી વહેતી આ ઠંડી હ​વાઓ રોકે છે મને,
બસ તારો સાથ કહે છે નહીં જ​વા દઉં તને.

Share this:

સાજન

કરૂં કેટલી અટકળ સાજન?
સંબંધ આપણો મૃગજળ સાજન.

રોજ ટપાલી અહીંથી નીકળે,
કયાં આવે તુમ કાગળ સાજન.

રાત સુતી છે હું જાગું છું,
સ્મરણ આપણો સાંકળ સાજન.

મને કેટલી નજરો વીંધે,
કોણ લગાડે કાજળ સાજન.

રોજ સવારે પાંપણ ઉપર,
અશ્રુઓનાં ઝાકળ સાજન.

ને મુજને પણ અચરજ એનું,
દિલમાં ઊગ્યા બાવળ સાજન.

આંખ મીચું તો પણ દેખાતાં,
બંધ પોપચા પાછળ સાજન.

Share this: