હાસ્યનાં ફૂલ ઝરતા દેખાય છે મને,
શું મારી નજરથી કાંટા વાગે છે તને?
અદાઓ પર મરવાનું મન થાય છે મને,
શું બચાવવાની ઇચ્છા થાય છે તને?
પ્રેમનાં સૂરો ડોલાવે છે મને ,
શું એ સૂર નથી સંભળાતા તને.
લહેરોમાં સુગંધ તારી આવે છે મને,
આ લહેરોમાં જ ડુબાડીશ હું તને.
મારી આ લાગણી નહી સમજાય તને,
એકવાર આવીને પૂછીતો જો તું મને.
એકવાર તો હસીને જો તું મને,
ફૂલોથી વધાવી લઈશ હું તને.
મારામાં શું ખૂટે છે તને,
નફરતમાં પ્રેમ દેખાય છે મને.
‘ના’ કહીને ડુબાડીશ તું મને,
કે ‘હા’ કહીને તારીશ તું મને.
તારી નિર્દોષતા ગમે છે મને,
ઝંખે છે મારા નયનો જોવા તને.
નેનોના બાણ તારા વાગે છે મને,
મારા પ્રેમની કદર સમજાય છે તને?
તારામાં કંઈ ખામી દેખાય ના મને,
શું મારામાં કંઈ સારું દેખાય છે તને?
‘હા’ કહીશ તો “નિભાવીશ” તને,
‘ના’ કહીશ “પુજીશ” તને,
શા માટે કરે છે ‘નફરત’ તું મને,
ગમે તેમ તોય હું ચાહું છું તને,
“ હું ચાહું છું તને”
એક આશ
તારી આ દર્દથી ભીની આંખો,
તારા આ હાસ્યની કૃત્રિમતા,
મારા દિલના દર્પણનાં ટુકડાઓ,
મારી વ્યથાની નાજુક પાંદડીઓ,
તારા ને મારા વેરવિખેર સપનાઓ,
મારા ને તારા ચુપીથી ભરેલા અબોલા,
ભેગા થયાને સમય થયો,
છૂટા પડયાનો સમય ગયો,
પણ એ જ ભીનાશ, એ જ દર્દ ,
એ જ ટુકડાઓ, એ જ વ્યથા,
કદાચ આજે પણ છે જ.
કેમ મને લાગે છે તને મારી આશ આજે પણ છે?
એક ગઝલ
મારી આંખના આંસુને સુકાવી દે તું,
મારી આ ગઝલને ગીત બનાવી દે તું,
દિનરાત તારી તસવીર જોઈ થાક્યા આ નયન
એને આ દિલમાં કાયમી અંકિત બનાવી દે તું,
મુરઝાયેલા ફૂલને, ઊજડેલા ઉપવનને,
ફરી એકવાર પુલકિત બનાવી દે તું.
જીવન કેરી છે આ સરગમ વેરણ-છેરણ,
અર્પી તારો સૂર એને સંગીત બનાવી દે તું,
સમયના હાથે હું હારી ગઈ આ જિંદગીને,
મારી એ હારને જીત બનાવી દે તું,
મારી આ ગઝલને ગીત બનાવી દે તું.
જિંદગી
જાગીજા વહાલા જિંદગી વહેતી જાય રે,
કરીલે પ્રેમ સૌને આ જિંદગી વહેતી જાય રે.
આ તારું આ મારું માં જિંદગી વહેતી જાય રે,
જાગીજા વહાલા જિંદગી વહેતી જાય રે.
દેખાદેખી બંધ કર જિંદગી વહેતી જાય રે,
બોલીલે શબ્દ બે મીઠાં આ જિંદગી વહેતી જાય રે,
કરીલે સૌને પ્રેમ આ જિંદગી વહેતી જાય રે,
જાગીજા વહાલા જિંદગી વહેતી જાય રે.
વસીજા ને વસાવીલે સૌને દિલમાં જિંદગી વહેતી જાય રે,
કરીલે થોડા કામ સારા આ જિંદગી વહેતી જાય રે,
શું મળ્યું શું ગુમાવ્યું આ જિંદગી વહેતી જાય રે,
જાગીજા વહાલા જિંદગી વહેતી જાય રે.
આપીલે સમય પરિવારને આ જિંદગી વહેતી જાય રે,
કાલની ચિંતા બંધ કર જિંદગી વહેતી જાય રે,
જીવીલે બસ આજ આ જિંદગી વહેતી જાય રે,
જાગીજા વહાલા જિંદગી વહેતી જાય રે.
દર્દ ભરેલું સપનું
હસતાં-હસતાં રોજ મળતા બંને,
આખી આખી રાતો વાત કરતાં બંને,
વિચારોના મળે તો ઝઘડતા બંને,
છતાં હમેશાં સાથે રહેતા બંને,
એકબીજાથી કદીના ઠાકતા બંને,
અનહદ કરતા પ્રેમ બંને,
પણ એક દિવસ ભટક્યા બંને,
તૂટ્યો સાથ છૂટ્યા બંને,
કેમ થયું આમ ના સમજ્યા બંને,
છોડી દે જીદ ના કહી શક્યા બંને,
દૂર થઈ ખૂબ રડયા બંને,
કેમ એકબીજાને ના મનાવી શક્યા બંને,
સપના સાથે દિલ તૂટ્યા બંને,
નાસમજમાં અલગ થઈગયા બંને,
ઊંઘમાંથી જ્યારે જાગ્યા બંને,
બાથે વળગી જોર જોરથી રડયા બંને,
નહી જીવી શકુ તારા વગર
બસ એક જ વાત બોલ્યા બંને. ??
દોસ્તી
દોસ્તી શું છે?
બસ મારા માટે તો તું જ છે.
દિલમાંથી આવતી પુકાર છે,
એના પર બસ તારો જ રાજ છે.
ભટકીશ કે ક્યાંક અટવાઈશ,
તું શોધી લેશે વિશ્વાસ છે.
દોસ્તી?
મારા માટે તો તું જ છે.
હું શરીર તો તું આત્મા છે,
મારામાં જીવતો જાગતો અહેસાસ છે.
રોજ ના પણ મળું અને ના પણ બોલું,
છતાં તારા સ્મરણ દરેક પળમાં છે.
દોસ્તી?
મારા માટે તો તું જ છે.
મુસીબતો આવતી જતી હોય છે,
દરેકનો ઉપાય જ તું છે.
અરે!! ઠોકર ક્યાંક મને વાગે છે,
તો તકલીફ તને થઈ જાય છે.
દોસ્તી?
મારા માટે તો તું જ છે.
હું આસમાન તો તું જમીન છે,
પણ એકબીજામાં વસતી જાન છે.
મિત્રો ઘણા મળ્યા ,સ્વાર્થે ઘણા છૂટ્યા,
પણ તારો સાથ જ અતૂટ લાગે છે.
દોસ્તી?
મારા માટે તો તું જ છે.
તારા અને મારા વચ્ચે કંઈ સમાન નથી,
પણ પ્રેમ છે જે ભેળસેળ વગરનો છે.
દોસ્ત, બસ મારા માટે તો તું જ મારી દોસ્તી છે.
સહજ પ્રેમ
આજે આ ફોટો જોઈને કંઈક લખવાનું મન થાય છે,
તમારી મસ્તીમાં મસ્ત થવાનું મન થાય છે.
ભૂત-ભવિષ્ય ભૂલી વર્તમાન માણવાનું મન થાય છે.
આજે આ ફોટો જોઈને કંઈક લખવાનું મન થાય છે.
હમેશાં કરતા હકારાત્મક વાતો,
તમારી જેમ વાસ્તવિકતામાં રહેવાનું મન થાય છે.
આજે આ ફોટો જોઈને કંઈક લખવાનું મન થાય છે.
હમેશાં એકબીજાની કાળજી કરતા,
તમારી જેમ સંભાળ રાખવાનું મન થાય છે,
ભૂત-ભવિષ્યને ભૂલી વર્તમાનમાં જીવવાનું મન થાય છે.
હમેશાં સાથે અને એકમેકમાં રહેતા ,
આમ જ પ્રેમમાં ખોવાઈ જવાનું મન થાય છે,
આજે તમને જોઈને કંઈ કહેવાનું મન થાય છે,
આજે આ ફોટો જોઈને કંઈક લખવાનું મન થાય છે.
ના કદી કોઈની ફરિયાદ કરતા, ખુદની ધૂનમાં રહેતા,
તમારી પાસે જીવન જીવવાની કળા શીખવાનું મન થાય છે,
આજે આ ફોટો જોઈને કંઈક લખવાનું મન થાય છે.
મમ્મી-પપ્પા તમને જોઈને એક કાંક્ષા થાય છે,
મારા મનને બસ તમારા જેવા થવાનું મન થાય છે.
ભૂત-ભવિષ્ય ભૂલી વર્તમાન માણવાનું મન થાય છે.
આજે આ ફોટો જોઈને કવિતા લખવાનું મન થાય છે.
તમારો સહજ-સરળ પ્રેમ જોઈ,
ફરી ફરી પ્રેમ કરવાનું મન થાય છે,
ભૂત-ભવિષ્ય ભૂલી વર્તમાન માણવાનું મન થાય છે.
આજે આ ફોટો જોઈને કવિતા લખવાનું મન થાય છે.
ગઈકાલ ની રાત
ગઈકાલે રાતે તારી યાદ મને સતાવી ગઈ,
આવીને મારી ઊંઘ ઉડાડી ગઈ.
ઘડિયાળની ટીકટીક દુશ્મન બની ગઈ,
એના અવાજથી મારી સળવળ થોડી વધી ગઈ,
અને મારી ઊંઘ બગાડી ગઈ.
ન તારી સાથે વાત થઈ શકી કંઈ,
બધી જ વાતો અધૂરી રહી ગઈ,
ઉપરથી મારી ઊંઘ ઉડાડી ગઈ.
ગઈકાલે રાતે તારી યાદ મને સતાવી ગઈ,
આવીને મારી ઊંઘ ઉડાડી ગઈ.
ક્યારેક તારી યાદ મને ગમી ગઈ,
પણ ક્યારેક તારી યાદ મને રડાવી ગઈ,
ત્યાંજ આંખોથી આ ચાદર ભીની થઈ ગઈ,
કેમ તારી યાદ મારી ઊંઘ ઉડાડી ગઈ.
તું બે દિવસ માટે જાય તો મારી હાલત આવી થઈગઈ,
આટલી હિંમતવાળી હોવા છતાં કેમ સાવ ખાલી થઈ ગઈ,
ગઈકાલે રાતે તારી યાદ મને સતાવી ગઈ,
આવીને મારી ઊંઘ ઉડાડી ગઈ.
તારા વગર હું-હું નથી એ વાત પાકી થઈ ગઈ,
તું સાથેના હોય તો જાણે આ નીકી અધીરી બની ગઈ,
ગઈકાલે રાતે તારી યાદ મને સતાવી ગઈ,
આવીને મારી ઊંઘ ઉડાડી ગઈ.
કેમ કરી મનાવું તને?
લાગ્યું છે ખોટું,
કેમ કરી મનાવું તને?
ચલને જવાદે હવે,
એમ કહીને મનાવું તને?
તને ઉદાસ જોઇને ગમતું નથી મને,
કેમ કરી હવે હસાવું તને?
તારી બક બક વગર ચાલતું નથી,
કહીદે મને, કેમ કરી બોલાવું તને?
લાગ્યું છે ખોટું,
કેમ કરી મનાવું તને?
ચલને જવાદે હવે,
એમ કહીને મનાવું તને?
તારી ચૂપી સતાવે છે મને,
બસ કહી દઉં છું, બહું થયું હવે.
વાંક તારો કે વાંક મારો,
કદી વિચાર્યું નથી મને.
બસ તું માની જા હવે,
તારા વગર કંઈ ગમતું નથી મને.
હાથ માં હાથ આપીદે હવે,
આવીને ગળે લગાવીલે મને.
જાણું છું તું ચાહે છે મને,
દિલથી માંગુ છું માફી હવે.
બસ તું માની જા હવે,
પ્રેમથી મનાવું છું તને,
બહું થયું બસ મારી પાસે આવીજા હવે.
મારી ઝંખના
તને મળવાની ઝંખના,
મળીને કંઈક કહેવાની ઝંખના.
તારી સાથે વાતો કરવાની ઝંખના,
વાતો કરતાં તારામાં ખોવાઈ જવાની ઝંખના.
તને મળી તારા થવાની ઝંખના,
તું ના માને તો તારા ખોળામાં રડવાની ઝંખના.
તારા પ્રેમમાં વહેવાની ઝંખના,
તારી દરેક વાતો સાંભળવાની ઝંખના.
તારા સપનાઓ જોવાની ઝંખના,
બસ તને જોઇ જોઇ આ જીવન વીતાવું,
એ જ મારા જીવનની ઝંખના.