મારા પ્રેમ ઉપર પૂરેપૂરો
હક છે તને
દરરોજ મારી સાથે ઝઘડવાનો
હક છે તને
નારાજ રહીને વાત ના કરવાનો
હક છે તને
આખી દુનિયાનો ગુસ્સો મારા પર ઉતારવાનો
હક છે તને
વાત ન કરીને દૂર રહેવાનો
હક છે તને
મારો હાથ આમ અડધી રસ્તે છોડીને જવાનો
હક છે તને
રસ્તામાં મળે ને નજર ફેરવવાનો
હક છે તને
મારી ચિઠ્ઠીઓના જવાબ ન આપવાનો
હક છે તને
ભલે તું મને પ્રેમ ના કરે પણ તને પ્રેમ કરવાનો
હક છે મને
અરે થંભી જા કંઈક તને કહેવું છે
ફાવે જો તને તો મુલાકાત પણ લેવી છે.
એકબીજાના ધબકાર સંભળાય એવી રીતે વળગવું છે
બસ દરરોજ તારી સાથે એક મુલાકાત લેવી છે.
આંખો ઝુકાવીને આમ કેમ ઊભા છો
નજરથી નજર મેળવીને દિલની વાત કહેવી છે
નારાજ તો હું પણ છું
જીવનમાં શું એકબીજાને માત્ર ફરિયાદ જ કરવી છે?
સમજીએ આમ જો હૃદયથી તો
ચૂપ રહીને ઘણી વાતો કરવી છે.
રસ્તાઓ ભલેને બદલાયા પણ
આખી જિંદગી આમ જ રાહ જોવી છે.
દિલ ખોલીને વાત કરી લે દોસ્ત
કાલ તો તે પણ ક્યાં જોઈ છે?
સવારે જાગું તો મારી બાજુમાં
મને તું જોઈએ છે.
હું ઉદાસ હોઉં તો મને મનાવવા
મને તું જોઈએ છે.
માથું દુખતું હોય તો માથું દબાવવા
મને તું જોઈએ છે.
દિવસમાં 15 વાર તારી સાથે વાત કરવા
મને તું જોઈએ છે.
દરિયા કિનારે હાથમાં હાથ પકડી ચાલવા
મને તું જોઈએ છે.
આખી જિંદગી તારી સાથે પ્રેમથી ઝગડવા
મને તું જોઈએ છે.
જીવનની દરેક પળો તારી સાથે માણવા
મને તું જોઈએ છે.
બસ કીધું ને તું જોઈએ છે
એટલે મને તું જ જોઈએ છે.
ના દેખાઉં હું ક્યાંય,
તું તારા પડછાયામાં જોજે.
ના હોઉં તારી સાથે,
તો તારા પ્રતિબિંબ ને પૂછજે.
જોવી હોય મને તો,
બસ તારા દિલમાં મને જોજે.
મૂકીને હૈયા પર તારો હાથ,
તારી જ ધડકનમાં મને અનુભવજે.
સુખમાં યાદ ન કરે પણ,
દુઃખમાં મને જરૂરથી યાદ કરજે.
એકાંતમાં બેસીને દિલથી,
જૂની યાદોનું સ્મરણ કરી લેજે.
સમજુ છું ખુશ છે મારા વગર,
બેહાલ આ દિલનો હાલ ક્યારેક આવીને પૂછી લેજે.
Audio Version
આખી રાત સળવળાટ એટલી
તારી યાદોની હચમચાટ થઈ .
ઘડિયાળની દરેક ટીકટીકમાં
તારા જ અવાજની ચાહ મને થઈ.
વારંવાર પડખે ફરતી
માત્ર તારી ગેરહાજરીની અસર થઈ.
વિચારોથી નથી થતું આ મન
દોડાદોડી અંતરમાં હર ક્ષણે થઈ.
છીએ ભલેને કેટલા દૂર
દિલથી હરપળ તારી સાથે જ થઈ.
વાત કરવાની બેચેનીથી
મનમાં અકળામણ થઈ.
આમ તો તું મજામાં જ હશે
પણ હંમેશા ની જેમ તારી ચિંતા મને થઈ.
એવું નથી કે તારી લાગણીની કદર નથી
પણ શું સાચે હવે આ માર્ગમાં કોઈ રાહ નથી ?
પ્રયત્ન તે પણ કર્યા અને પ્રયત્ન મેં પણ કર્યા
લાગે છે વચ્ચે હવે કોઈ ગાંઠ નથી .
દુઃખી તો તું પણ છે ને દુઃખી હું પણ છું
છોડી દઈએ હવે વાતમાં કોઈ માલ નથી
તે કર્યું મેં કર્યું એમાં એવા અટવાયા કે
એકબીજાને ખોઈ દીધાનું ભાન જ નથી.
પ્રેમ તો તને પણ છે ને પ્રેમ તો મને પણ છે
ક્યાં અને કેવી રીતે અટવાયા એની ખબર જ નથી.
ક્યારેક તું બોલી ના શકી ને ક્યારેક હું બોલી ના શકી
અંદર અંદર ઝેર થાય એમાં હવે કોઈ વાર નથી.
ભૂલતો તારી પણ થઈને ભૂલ તો મારી પણ થઈ
બંને નમી જઈએ તો આ સંબંધ બચી જાય એમાં કોઈ શંકા જ નથી.
સવાર સાંજ બારીએ તારી રાહ જોતી
થતું બૂમ તારી સંભળાશે.
દરરોજની મારી આ આદત થઈ
ને થતુ કે તું આજે દેખાશે!
દરવાજા સુધી ત્રણેય સમય ચાલતી
કે આજે તું આવશે!
અધીરી થઈ જતી ને ક્યારેક ઘેલી
ક્યાંક તો તું દેખાશે!
આંખો મારી ખૂબ રાહ તારી જોતી
ને વળી થતું ક્યાંકથી તું બોલશે!
આવીને એકવાર તો જોઈ લે આ દિલને
હંમેશા માત્ર તું જ દેખાશે!
તારી યાદ વારે વારે આવી જાય
મારા મનને ખૂબ બેચેન કરી જાય
કાબુમાં કેમ કરુંઆ મનને એ ના સમજાય
ક્યારે મળીશ ને વળગીશ એક જ ઈચ્છા થાય
કલાકોના ધ્યાનમાં તું સામે આવી જાય
‘તને બહુ યાદ કરું છું’ બસ કાનમાં કહી જાય
એક એક પળ કાઢવી મુશ્કેલ થતી જાય
તારા વગર ગમતું નથી જ્યારે તું મને કહી જાય
તું વારંવાર મને એક જ વાત કહી જાય
આવી જા હવે તારા વગર બધુ ખાલી દેખાય
બસ મને એક તને જ મળવાની ચાહત થાય
તારી યાદ મને ખૂબ એકલો કરી જાય.
ક્યારેક રિઝાવે તો ક્યારેક દુભાવે
પ્રેમ થી મનમીત બનાવી દે
આક્રોશમાં સંબંધોને બગાડી દે
આવેશમાં આવે તો નિર્ણયો ખોટા લેવડાવી દે
શાંત હોય તો દુનિયા જીતાવી દે
શબ્દોથી ક્યારેક લોકોને દૂર કરી દે
અને ક્યારેક કવિતાઓ રચી દે
વાણી છે આપની દોસ્ત
જો ચાહે તો સૌના દિલ જીતાડી દે
દિલ જીતીને દુનિયા જીતાડી દે.
શ્રી ગોએંકાજીની પંક્તિઓ આજે પણ કાનમાં સંભળાય છે, મન જો મેલું હોય તો દુશ્મન કરતાં પણ ખરાબ છે પણ મનજો નિર્મળ હોય તો માતા પિતા કરતાં પણ વધુ ધ્યાન રાખે છે. મન જ આપણને કર્મ કરાવે છે, મન જ આપણા કર્મો ને તોડી શકે છે. મન જ પ્રમુખ છે અને મન જ આપણા સુખ દુઃખનું કારણ છે પછી હંમેશા આપણે બીજાને કેમ દોષ આપીએ છીએ ? ક્ષણ ક્ષણ વીતી રહી છે અને આપણે હંમેશા કાલની રાહ જોઈએ છીએ. આ દસ દિવસમાં મનને જલ્દી ભટકવાનો સમય આપવામાં આવ્યો જ નહોતો. રસ્તો એકદમ સાફ હતો ક્રોધને બદલે શા માટે ક્રોધ કરવો ને ઈર્ષ્યા ને બદલે કેમ ઈર્ષ્યા? આ બધા વિકારને આપણે કરુણા અને સમતાથી ભરવાના છે.
સાચી કરુણા એટલે શું? લોકોની સેવા કરવાની તેમને દુઃખમાંથી બહાર કાઢવાની ઈચ્છા એટલે સાચી કરુણા. જો તમને સાચી કરુણા હોય તો પછી તમે પુરા પ્રેમથી તમારી ક્ષમતા મુજબ બીજાને મદદ કરવાનો પ્રયાસ કરવો. તમે તમારી સેવાના પરિણામની ચિંતા કર્યા વિના સેવા કરો એ જ વાસ્તવિક કરુણા છે. દુનિયાના દરેક જીવ માટે કરુણાનો ભાવ શીખવાડવામાં આવે છે એ પણ કોઈ attachment વગર. દરેક જીવનું મંગળ થાય એવી પ્રાર્થના કરાવવામાં આવે છે
તેરા મંગલ તેરા મંગલ સબકા મંગલ હોય રે જન જન મંગલ જન જન મંગલ હોય રે
દરેક જીવને મૈત્રી આપવી. સૌનું ભલું થાય એવી દિલથી ભાવના રાખવી અમને સમજાવવામાં આવ્યું. બધાનું મંગલ થાય એવી પ્રાર્થના કરતા. સારું કે ખરાબ જે પણ બને તમામ બાબતોને સમતા ભાવથી જોવી એ જ શીખવાડવામાં આવતું. (‘No Reaction’). કોઈનો પણ વાંક હોય એના પર ગુસ્સો કરવા કરતા પ્રેમ વરસાવો તો જ આપણે આપણા મન પર કાબૂ લાવ્યો છે એમ કહી શકાય. મનને નવા કર્મ કરતા અટકી જવાશે. એમના દરેક દુહાનાં એક એક શબ્દ અંતરને અડી જાય એવા છે. એ આપણને માત્ર પ્રેમ જ પ્રેમ શીખવાડે છે.
વિપસ્સનામાં ચાર રસ્તાઓ પર નજર કરાવી છે. જે ખૂબ સારી રીતે સમજાવવામાં આવ્યા છે. તમારે આમાંથી કય રસ્તાએ જવું એ તમારા ઉપર છે.
૧) અંધકારથી અંધકાર તરફ એટલે કે રાગ દ્વેષ ક્રોધ કપટ અને માયા અને એના બદલામાં આ જ બધું આપવું.
૨) અંધકારથી પ્રકાશ તરફ એટલે રાગ દ્વેષ મોહ માયા ના બદલે એનાથી વિરુદ્ધ જવું ,સમતા અને કરુણાનો ભાવ રાખવો. એનાથી તમે પ્રકાશ તરફ જઈ રહ્યા છો.
૩) પ્રકાશથી અંધકાર તરફ એટલે તમારી પાસે જીવન જીવવાની તમામ સગવડો હોય અને તમે ઈર્ષ્યા ક્રોધ મોહ માયા કરો અને કોઈના માટે કરુણા ભાવ ના રાખો એટલે એને પ્રકાશથી અંધકાર તરફ જવાઇ એમ કહેવાય.
૪) પ્રકાશથી પ્રકાશ તરફ એટલે કે તમારા પાસે જીવન જીવવાની દરેક સગવડો હોય અને છતાં તમે કરુણા સમતા અને પ્રેમના માર્ગે જ આગળ વધો તો એને પ્રકાશથી પ્રકાશ તરફ કહેવાય. હવે આપણે નક્કી કરવાનું છે કે કયા માર્ગે જવું છે.
મારી વિપસ્સના ને લગભગ એક મહિનો થઈ ગયો છે અને આજ સુધી હું દરરોજ સાધના કરું છું . મને એનાથી ઘણા ફાયદા થયા છે. જેનાથી એક વસ્તુ પાકી છે કે મારું મન પહેલાંની જેમ જલ્દી અકળાઈ નથી જતું, ખૂબ અવેરનેસ આવી ગઈ છે ખૂબ પોઝિટિવિટી ફિલ થાય છે અને અંદરથી ખૂબ જ હળવું ફિલ થાય છે. મારી ચોક્કસથી દરેકને એક વિનંતી છે કે એકવાર વિપસ્સના કરી એનો અનુભવ જરૂરથી કરજો. તમને તમારા જીવનમાં જે બદલાવ જોવા મળશે એનો કંઈક અલગ જ આનંદ થશે. તમને સૌ માટે કરુણા અને મૈત્રીનો અનુભવ થશે.
વિપસ્સના એટલે જીવન જીવવાની કળા. એને કોઈ ધર્મ, માનતાં કે અંધવિશ્વાસ સાછે જોડવાની જરૂર નથી. બધુ પાછળ મૂકી દેવું. વિપસ્સના એટલે આચારસંહિતા, શુધ્ધ અને સરસ જીવન જીવવાની કળા અને સ્વસ્થ જીવન. તે સ્વ માટે સારૂ છે અને બીજા મટે પણ સારૂં છે.
Thank you.
