Author: Nikki

આ અડધી રાતે લખવા બેસુ જ્યારે,
મારું એકાંત મને ગમે છે.

મારી પેન અને પેપર સાથે ,
મારું એકાંત મને ગમે છે.

દુનિયાની ભીડને માણતા થાકું જ્યારે,
મારું એકાંત મને ગમે છે.

સદાય મહેફિલોને મહાલીને થાકું,
મારું એકાંત મને ગમે છે.

આ અડધી રાતે લખવા બેસુ જ્યારે,
મારું એકાંત મને ગમે છે.

હરતા ફરતા થાકી હવે બસ,
મારું એકાંત મને ગમે છે.

મારી જ કવિતાઓને વાંચવા ,
મારું એકાંત મને ગમે છે.

એકલા રહેવાનું મને ગમતું નથી,
છતાંય મારું એકાંત મને ગમે છે.

મારી પેન અને પેપર સાથે ,
મારું એકાંત મને ગમે છે.

તારી યાદ આવી જાય તો,
તારા સ્મરણમાં રહેવું મને ગમે છે.

તું ના હોય છતાં,
એકાંતમાં તારી સાથે રહેવું ગમે છે.

ક્યારેકભલે ઊંઘ ના આવતી હોય,
મને મારી સાથે રહેવું ગમે છે.

કોઈ વાતો કરવાના હોય તો,
મને મારી સાથે ઘણીવાર વાત કરવું ગમે છે.

મારી જ કવિતા વાંચવા ,
મારું એકાંત મને ગમે છે.

કયારેક હસવા તો ક્યારેક રડવા,
મારું એકાંત મને ગમે છે.

યાદ તો મારી આવી જ જશે,
ક્યારેક આંખ તારી પણ ભીની કરાવી જ જશે.
બાળકોના કાલાવાલા અને તોફાનો,
ક્યારેક એ યાદો તને પણ રડાવી જ જશે.
હસ્યા , ફર્યા સાથે જમ્યા ,
એ તોફાનો તને પણ હલાવી જ જશે.
મિત્રોની જુદાઈ બસ થઈ હવે,
આ નાજુક હૃદય રડીને હવે થાકી જશે.
મારો પ્રેમ કે તારો તિરસ્કાર ,
મારી યાદ તને અપાવી જ જશે.
બોલા-અબોલા થયા, ક્યારેક નજીક તો ક્યારેક દૂર થયા,
છતાં લાગણી મારી તને યાદ આવી જ જશે.
જીવનમાં અવર જ્વર થતી જ રહેશે,
એનાથી શું તું ભૂલી જશે મને ?
લાગણીઓની મારા-મારી છે આજે,
સાચું કહું તું સતાવે છે મને.
આ શું પ્રથા છે નસીબની,
બસ એક પછી એક મૂકીને જાય છે મને.
ઉતાર-ચડાવ બધા જ સંબંધોના મૂળ છે,
છતાં તારી યાદ હલાવી જશે મને.

સંબંધનો વહેણ કંઈક અલગ હોય છે,
પણ તારી સાથે વાત કરવાની મજા કંઈક અલગ હોય છે.

નામ નથી કોઈ કારણ નથી, કામ નથી કે કાજ નથી,
છતાં તારી બકબકની મજા કંઈક અલગ હોય છે.

દિવસો વીતતા જાય છે,તારી ગણવાની આદત મને મલકાવી જાય છે.
અને તારી વાત કરવાની કળા મને ગમતી જાય છે.

નથી કોઈ અપેક્ષા કે નથી કોઈ માંગણી,
તારી બેતુકી વાતોમાં પણ મજા કંઈક અલગ હોય છે.

તારા દિલમાં સ્થાન આપ્યું કંઈક વધારે જ માન આપ્યું ,
તું અને તારી વાતો મારા સમજની બાર હોય છે.

તારા પ્રેમ કે લાગણીના તોલે કદી કોઇ ના આવ્યું ,
તું અને તારી વાતો કંઈક આશીર્વાદ જેવી હોય છે.

તારી સાથે વાતના કરું તો દિવસ ખાખ છે,
દિવસ અધૂરો લાગે જો તારી બકબકના સંભળાય,
તું અને તારી વાતો મારા જીવનમાં ખાસ છે,
તારી સાથે કરેલી વાતોની મજા જ કંઈક ખાસ છે.

હાસ્યનાં ફૂલ ઝરતા દેખાય છે મને,
શું મારી નજરથી કાંટા વાગે છે તને?
અદાઓ પર મરવાનું મન થાય છે મને,
શું બચાવવાની ઇચ્છા થાય છે તને?
પ્રેમનાં સૂરો ડોલાવે છે મને ,
શું એ સૂર નથી સંભળાતા તને.
લહેરોમાં સુગંધ તારી આવે છે મને,
આ લહેરોમાં જ ડુબાડીશ હું તને.
મારી આ લાગણી નહી સમજાય તને,
એકવાર આવીને પૂછીતો જો તું મને.
એકવાર તો હસીને જો તું મને,
ફૂલોથી વધાવી લઈશ હું તને.
મારામાં શું ખૂટે છે તને,
નફરતમાં પ્રેમ દેખાય છે મને.
‘ના’ કહીને ડુબાડીશ તું મને,
કે ‘હા’ કહીને તારીશ તું મને.
તારી નિર્દોષતા ગમે છે મને,
ઝંખે છે મારા નયનો જોવા તને.
નેનોના બાણ તારા વાગે છે મને,
મારા પ્રેમની કદર સમજાય છે તને?
તારામાં કંઈ ખામી દેખાય ના મને,
શું મારામાં કંઈ સારું દેખાય છે તને?
‘હા’ કહીશ તો “નિભાવીશ” તને,
‘ના’ કહીશ “પુજીશ” તને,
શા માટે કરે છે ‘નફરત’ તું મને,
ગમે તેમ તોય હું ચાહું છું તને,
“ હું ચાહું છું તને”

તારી આ દર્દથી ભીની આંખો,
તારા આ હાસ્યની કૃત્રિમતા,
મારા દિલના દર્પણનાં ટુકડાઓ,
મારી વ્યથાની નાજુક પાંદડીઓ,
તારા ને મારા વેરવિખેર સપનાઓ,
મારા ને તારા ચુપીથી ભરેલા અબોલા,
ભેગા થયાને સમય થયો,
છૂટા પડયાનો સમય ગયો,
પણ એ જ ભીનાશ, એ જ દર્દ ,
એ જ ટુકડાઓ, એ જ વ્યથા,
કદાચ આજે પણ છે જ.
કેમ મને લાગે છે તને મારી આશ આજે પણ છે?

મારી આંખના આંસુને સુકાવી દે તું,
મારી આ ગઝલને ગીત બનાવી દે તું,
દિનરાત તારી તસવીર જોઈ થાક્યા આ નયન
એને આ દિલમાં કાયમી અંકિત બનાવી દે તું,
મુરઝાયેલા ફૂલને, ઊજડેલા ઉપવનને,
ફરી એકવાર પુલકિત બનાવી દે તું.
જીવન કેરી છે આ સરગમ વેરણ-છેરણ,
અર્પી તારો સૂર એને સંગીત બનાવી દે તું,
સમયના હાથે હું હારી ગઈ આ જિંદગીને,
મારી એ હારને જીત બનાવી દે તું,
મારી આ ગઝલને ગીત બનાવી દે તું.

જાગીજા વહાલા જિંદગી વહેતી જાય રે,
કરીલે પ્રેમ સૌને આ જિંદગી વહેતી જાય રે.
આ તારું આ મારું માં જિંદગી વહેતી જાય રે,
જાગીજા વહાલા જિંદગી વહેતી જાય રે.

દેખાદેખી બંધ કર જિંદગી વહેતી જાય રે,
બોલીલે શબ્દ બે મીઠાં આ જિંદગી વહેતી જાય રે,
કરીલે સૌને પ્રેમ આ જિંદગી વહેતી જાય રે,
જાગીજા વહાલા જિંદગી વહેતી જાય રે.

વસીજા ને વસાવીલે સૌને દિલમાં જિંદગી વહેતી જાય રે,
કરીલે થોડા કામ સારા આ જિંદગી વહેતી જાય રે,
શું મળ્યું શું ગુમાવ્યું આ જિંદગી વહેતી જાય રે,
જાગીજા વહાલા જિંદગી વહેતી જાય રે.

આપીલે સમય પરિવારને આ જિંદગી વહેતી જાય રે,
કાલની ચિંતા બંધ કર જિંદગી વહેતી જાય રે,
જીવીલે બસ આજ આ જિંદગી વહેતી જાય રે,
જાગીજા વહાલા જિંદગી વહેતી જાય રે.

હસતાં-હસતાં રોજ મળતા બંને,
આખી આખી રાતો વાત કરતાં બંને,
વિચારોના મળે તો ઝઘડતા બંને,
છતાં હમેશાં સાથે રહેતા બંને,
એકબીજાથી કદીના ઠાકતા બંને,
અનહદ કરતા પ્રેમ બંને,
પણ એક દિવસ ભટક્યા બંને,
તૂટ્યો સાથ છૂટ્યા બંને,
કેમ થયું આમ ના સમજ્યા બંને,
છોડી દે જીદ ના કહી શક્યા બંને,
દૂર થઈ ખૂબ રડયા બંને,
કેમ એકબીજાને ના મનાવી શક્યા બંને,
સપના સાથે દિલ તૂટ્યા બંને,
નાસમજમાં અલગ થઈગયા બંને,
ઊંઘમાંથી જ્યારે જાગ્યા બંને,
બાથે વળગી જોર જોરથી રડયા બંને,
નહી જીવી શકુ તારા વગર
બસ એક જ વાત બોલ્યા બંને. ??

દોસ્તી શું છે?
બસ મારા માટે તો તું જ છે.

દિલમાંથી આવતી પુકાર છે,
એના પર બસ તારો જ રાજ છે.
ભટકીશ કે ક્યાંક અટવાઈશ,
તું શોધી લેશે વિશ્વાસ છે.

દોસ્તી?
મારા માટે તો તું જ છે.

હું શરીર તો તું આત્મા છે,
મારામાં જીવતો જાગતો અહેસાસ છે.
રોજ ના પણ મળું અને ના પણ બોલું,
છતાં તારા સ્મરણ દરેક પળમાં છે.

દોસ્તી?
મારા માટે તો તું જ છે.

મુસીબતો આવતી જતી હોય છે,
દરેકનો ઉપાય જ તું છે.
અરે!! ઠોકર ક્યાંક મને વાગે છે,
તો તકલીફ તને થઈ જાય છે.

દોસ્તી?
મારા માટે તો તું જ છે.

હું આસમાન તો તું જમીન છે,
પણ એકબીજામાં વસતી જાન છે.
મિત્રો ઘણા મળ્યા ,સ્વાર્થે ઘણા છૂટ્યા,
પણ તારો સાથ જ અતૂટ લાગે છે.

દોસ્તી?
મારા માટે તો તું જ છે.

તારા અને મારા વચ્ચે કંઈ સમાન નથી,
પણ પ્રેમ છે જે ભેળસેળ વગરનો છે.
દોસ્ત, બસ મારા માટે તો તું જ મારી દોસ્તી છે.