એક અરજી છે મારી માની લેજો,
ક્યાંક ક્યારેક એકલા ફરી લેજો!
કોઈની આંખમાં ક્યારેક કૂદી પડજો,
ડૂબી ન શકો તો ત્યાં તરી જોજો!
ગમે ત્યારે ઊગજો ને ખીલજો,
સમય આવે ત્યારે સદા ખરી લેજો!
હસતા હસતા ભલે ને ક્યારેક પડજો,
બે ઘડી કોઈને થોડું હસાવી લેજો!
કવિતાઓ કેટલી પણ વાંચો,
ભાવ એમાં રહેલા જરૂરથી સમઝી લેજો!
The Audio Version of ‘એક અરજી’
ઉદાસી તું કયાંથી આવી?
ઉદાસી એ મને પણ માથે ચઢાવી!
થોડું દુ:ખ લાગ્યું કે તરત જ,
ઉદાસી એ કવિતાઓ લખાવી.
કેટલીય હસતી યાદો હોય મનમાં,
ત્યાં પણ ઉદાસી એ જગ્યા પડાવી.
પ્રેમથી ભરેલાં સંબંધો તૂટ્યા,
ત્યાં એ ઉદાસી એ ધાડ બોલાવી.
આમ તો મજબૂત છે મારું મન,
છતાં ઉદાસી એ મને પણ રડાવી.
The Audio Version of ‘ઉદાસી’
મારી નિક્કી તારા માટે કેટ કેટલું લખાય
આમ તો તું મારાથી નાની ને ગોટી થી મોટી કેહવાય,
પણ નાના સાથે નાના ને મોટા સાથે મોટા થતાં તારી પાસે શીખાય,
મારી નિક્કી તારા માટે કેટ કેટલું લખાય.
તારી હાજરી થી આખું વાતાવરણ મેહકાય,
પછી એ ફોટોગ્રાફી થી ફન હોય, પણ તારા સાથમાં બધા નાચતા કૂદતાં જણાય,
મારી નિક્કી તારા માટે કેટ કેટલું લખાય.
શીખવાની ના કોઈ ઉંમર જણાય,
કવિતા હોય કે રમત ની હરીફાઈ, કે હોય પછી પેન્ટીગ કે ફેશન હાઇફાઇ, મહત્વ તારું કઇ રીતે મપાય?
મારી નિક્કી તારા માટે કેટ કેટલું લખાય.
તારા માટે તને તારું કુંટુબ સર્વ જણાય,
અમે તારા કુટુંબ માં છીએ એ અમારું ભાગ્ય કહેવાય,
મારી નિક્કી તારા માટે કેટ કેટલું લખાય.
તારા આ જન્મદિવસ પર બીજું કેટલું લખાય?
બસ હમેશા તું ખુશ અને સ્વસ્થ રહે એવા અંતરથી આશીર્વાદ અપાય,
મારી નિક્કી તારા માટે કેટ કેટલું લખાય.
~ નિરવ, વીરલ, વિનીત, નીવ નો ખુબ બધો પ્રેમ ️❤️
The Audio Version of ‘મારી નિક્કી તારા માટે કેટ કેટલું લખાય’
“મારી બહેના”
જ્યારે મને કોઈની જરૂર હોય છે, ‘એક ક્ષણ નો વિચાર’ કર્યા વગર મારી પાસે હોય છે “મારી બહેના.”‘ખાનગી એક વાત’ નહીં મારી બધી વાત શેર કરી શકું એવી છે” મારી બહેના.”
મારી ‘લાગણી ની કદર’ હંમેશા કરતી અને એન્ટવર્પ માં મને પિયર ની કમી મહેસુસ ન કરવા દેતી એવી છે “મારી બહેના.
“જો એની માટે ‘પ્રશંસાના બે શબ્દ’ કહું તો મસ્તીમાં મસ્ત રહેનારી, દરેક પાર્ટી ની જાન છે “મારી બહેના.”
આજે પણ ખાલી જ્યારે તું એન્ટવર્પ થી ફરવા માટે જાય છે, ‘તારી યાદ મને આવી જાય છે’ “મારી બહેના.”
અરે, હવે ‘મને તારી આદત પડતી જાય છે’ ત્યારે તું દુબઈ જવાની વાત કરે છે “મારી બહેના.”
તારો સાથ જ્યારે ગહેરો થતો જાય છે, ત્યારે ‘મને મૂકીને કેમ જાય છે?’ “મારી બહેના.”
તું જ્યાં પણ હશે તારી યાદ આવશે ત્યારે ,એક ‘નાનકડું સ્મિત’ જરૂર આવશે મારા મુખ પર “મારી બહેના.”
આજે તારી જ એક કવિતાની પંક્તિ યાદ આવે છે “મારી બહેના”,
ક્યારેક સરળ હોય છે, ક્યારેક અઘરું હોય છે પણ પરિસ્થિતિની સ્વીકારવું ખૂબ જરૂરી હોય છે.
~ નીપા ‘ગોટી’
The Audio Version of “મારી બહેના”
મારી લાડકી નીકી
સદાય હસતી રમતી મારી લાડકી નીકી,
લાગણી નો ભંડાર મારી લાડકી નીકી,
સૌની કાળજી લેતી મારી લાડકી નીકી,
હંમેશ પ્રેમ વરસાવતી મારી લાડકી નીકી,મારી
ખુશીમાં ખુશ અને મારા દુઃખમાં દુઃખી મારી લાડકી નીકી,
દરેક સંબંધોને પૂરતો ન્યાય આપતી મારી લાડકી નીકી,
કપડાં અને ફેશનની શોખીન મારી લાડકી નીકી,
ધર્મ પ્રેમી અને હંમેશા તપસ્યા કરતી મારી લાડકી નીકી,
મારી ખુશી માટે બીજા સાથે ઝઘડીલેએવી છે મારી લાડકી નીકી.
~ અમિત ‘ચિન્ટુ’
The Audio Version of ‘મારી લાડકી નીકી’
સાથે રહેશો તો ચોક્કસ ભળી જઈશ,
અર્થ એ નથી કે હંમેશા ઓગળી જઈશ.
પ્રેમથી બધું કામ કરી લઈશ,
ખોટું કયારે પણ સહન ના કરીશ.
ઝઘડીશ તો મનાવી પણ લઈશ,
ને રસ્તે મળશે તો ભેંટી લઈશ.
મિત્ર એવી છું કે જાન પણ આપી દઈશ,
વતાવસો મને તો એ રસ્તો છોડી દઈશ.
દરેક પળોને ઝૂમીને માણીશ,
બાંધેલા સંબંધ ને દિલથી નિભાવીશ.
ખોટું હું ક્યારેય ના કહીશ,
ચાહું છું હું મને અને ચાહતી રહીશ.
The Audio Version of ‘સ્વ પ્રેમ’
કાલાવાલા હું કરવાની નથી,
તને હવે હું મનાવવાની નથી.
ખોટા ઝઘડા મારે પણ કરવા નથી,
મૌન રહી ખોટું સાંભળવાની નથી.
સમજવાની શક્તિ જો તારામાં નથી,
કોઈ બોલીને સમય મારે પણ બગાડવો નથી.
હું જ સાચી છું એવું કહેતી નથી,
પણ શબ્દોનાં ઘા સહન થવાના નથી.
સાચું કહ્યું છે મતભેદ થાય ત્યાંસુધી વાંધો નથી,
પણ મનભેદ હવે મારે કોઈની સાથે કરવા નથી.
The Audio Version of ‘મનભેદ’
સમજની બહાર આજે શબ્દો શોધી રહી છું,
લખવા માટે એક વિષય વિચારી રહી છું.
દોષો હું મારા જ કેમ છુપાડી રહી છું,
ને અકળામણનું કારણ બીજા પર ઢોળી રહી છું.
માનસિક ધમાલોથી ભાગી રહી છું,
ને પરિસ્થિતિ ને અપનાવતા કેમ ડરી રહી છું.
જાણું છું અપેક્ષાના કારણે જ દુ:ખી થઈ રહી છું,
વધુ નહી પણ પ્રશંસાના બે શબ્દ માંગી રહી છું.
રોજ બરોજ નવા બહાના શોધી રહી છું,
બીજાને નહી બસ હવે ખુદને સમજવાની કોશિશ કરી રહી છું.
The Audio Version of ‘પ્રશંસાના બે શબ્દ’
સ્વભાવ થી હું શાંત નથી,
છતાં કયારેક ચૂપ થઈ જાઉં છું.
જ્યાં મજા ના આવતી હોય,
ત્યાંથી હું થોડી ખસી જાઉં છું.
હંમેશા ‘હા‘ પાડતી હતી,
પણ હવે ‘ના‘ પડતા શીખી ગઈ છું.
પારકી પંચાતમાં મજા નથી,
માટે જ ત્યાંથી ઊભી થઈ જાઉં છું.
લોકોની ચિંતા ખૂબ કરી,
મારી જિંદગી હવે મારી રીતે જીવી લઉં છું.
બીજા ભલે ઓળખે કે ના ઓળખે,
હું મને બરાબર સમજી જાઉં છું.
કોઈ કહે છે નફ્ફટ ને કોઈ કહે છે નટખટ,
એનાથી હવે હું પર થતી જાઉં છું.
The Audio Version of ‘સમજ’
ઠંડીની શોધ કેમ ખરે છે માનવ.
રડાવીને સારા જ સ્નેહીઓને,
હસવાની અપેક્ષા શાને રાખે છે તુ માનવ.
દુભાવીને દિલ પ્રિયજનો નાં,
ખુશી ની આશા સાવ ખોટી છે માનવ.
આંસૂ લૂછવા કંઈ અઘરા નથી,
થોડી હૂંફ આપીને તો જો માનવ.
લઈ લઈને બધું બેઠા છીએ,
મુઠ્ઠી ખોલી થોડુ આપી દે હવે માનવ.
દિલ જીતવા કંઈ અઘરા નથી,
પ્રેમ ના બે શબ્દ બોલી દે હવે તું માનવ.
હારીને એકવાર હસીલે,
જીતાડવાની ખુશી કંઈ અલગ જ હોઈ છે માનવ.
The Audio Version of ‘માનવ’
દિવસો જ્યારે મજાના હોય સૌને ગમતા જાય,
કંઈક અણબનાવ બનતા દિલને અકળાવી જાય.
પોતાના જ્યારે ચાંપકો આપી જાય,
વિશ્વાસ કોના પર કરવો? એ જ વાત મનમાં ઘર કરી જાય.
ચિંતા આપણી જ વ્યક્તિની થાય ને રાતોની ઊંઘ ઉડાડી જાય,
મજબૂત વ્યક્તિ ને પણ અંદરથી ખોખલું કરી જાય.
કડવી વાતો એની દિલના ટુકડા કરી જાય,
કેમ આવું થાય છે એમાં મન ડૂબતુ જાય.
ને વળી હસતા-રમતા દિલ ખુશીથી ઝૂમી જાય,
અચાનક નવી સવાર નવી આશાઓ જગાવી જાય.
જીવનની આ જ સચ્ચાઈ છે એવું કંઈક સમજાવી જાય,
કર્મની કથની સૌને દર્પણ જરૂરથી બતાવી જાય.
The Audio Version of ‘કર્મની કથની’
એવું નથી કે તારી લાગણી ને સમજતી નથી,
પણ વાત હવે કંઈ મારા હાથમાં રહી નથી.
ઠપકા મારા કદાચ તને હવે ગમતા નથી,
પણ એની પાછળનો પ્રેમ કેમ તને દેખાયો નથી.
એવું નથી કે સપના સૌના પૂરા થતા નથી,
પણ કોઈને દુખી કરીને એને જીવાતા નથી.
ખુશી તને આપવામાં કોઈ કસર બાકી નથી,
છતાં મારા પ્રેમને સમજવામાં તે થોડી સમજણ રાખી નથી.
બોલવાનું મારું તને હવે ગમતુ નથી,
ને તુ રડી જાય તો મારું પણ મન શાંત રહેતુ નથી.
કેટલીય મહેનત કરી પણ લાગણી મારી દેખાતી નથી,
શું કરુ, તુ જ કહે હવે મારામાં કોઈ હિંમત બાકી નથી.
The Audio Version of ‘હિંમત બાકી નથી’
