સાઠ (60) પછી શું?

હું અને મારાથી લગભગ દસથી પંદર વર્ષ મોટા મારા એક મિત્ર એક સાંજે કોફી સાથે થોડી પોતાના મનની વાતો કરી રહ્યા હતા. હું એમને શાંતિથી સાંભળી રહી હતી. એમની વાતો મને એકદમ સાચી લાગી રહી હતી. 60 પછી શું? આજનો આ વિષય એમની સાથે કરેલી વાતોના કારણે જ આપ સમક્ષ આવ્યો છે.

નીકી, ક્યારેક ક્યારેક હવે હાથ ધ્રુજવા લાગે છે, શરીર થાકી જાય છે, આમ બોલ્યા પછી પણ એમના અવાજમાં રણકો હતો. ઉંમર તો ઉંમરનું કામ કરશેજ પણ દરેક વ્યક્તિએ એમની આવડત, શોખ, કળા કે જે પણ ગમતું હોય બેઠા બેઠા કરતા રહેવું જોઈએ. આ વાતો અને એમના મનને હું બરાબર સમજી રહી હતી. બાળકો મોટા થઈને એમના જીવનમાં વ્યસ્ત થઈ જશે અને કોઈની પણ પાસે અપેક્ષા રાખવાથી આપડે દુઃખીજ થવાય છે માટે આપણને જે વાતથી કે વસ્તુથી ખુશી મળતી હોય એમાં મન પરોવીને રાખવું જોઈએ.

શેનો શોખ છે તમને? તમારા પોતાની માટે તમે શું કરો છો કે શું કરવાનું ગમે છે? આવા પ્રશ્નો ખુદને પૂછવા જરૂરી છે અને એને અમલમાં મૂકવા પણ જરૂરી છે કારણ કે જ્યારે આપણે કંઈ નથી કરતા ત્યારે કંટાળી જઈએ છીએ અને પછી અકળાઈ પણ જઈએ છીએ. સૌપ્રથમ આપણે સ્વસ્થ હોવું ખૂબ જરૂરી છે જેના માટે શરીર પાછળ દરરોજ એક કલાક આપવો જરૂરી છે. શરીર સ્વસ્થ રહેશે તો ઘણું કરવાની ઈચ્છા આપોઆપ થશે.

રોજ દરરોજમાં આપણે વાંચવાનું, લખવાનું, ચાલવાનું, ધ્યાન કરવાનું કે કોઈ sports રમવાનું કે cooking, આવી ઘણી પ્રવૃત્તિઓ કરી શકીએ છીએ. ખુદ સાથે દોસ્તી રાખવાથી હંમેશા ખુશ રહેવાય છે. શું તમારા જીવનમાં એવો કોઈ એક શોખ છે જેની સાથે તમે કલાકો વિતાવી શકો અને ના હોય તો હવે એ શોખ શોધી લેજો. કારણ કે આપણને બધાને આગળ જતા ખૂબ જરૂર પડશે. આપણી ખુશ રહેવાની ચાવી આપણી પાસે જ છે તો શા માટે બીજાને તકલીફ આપવી? મારા એ મિત્રની વાતોની મારા જીવનમાં જરૂરથી અસર થઈ છે. તમે શેની રાહ જુઓ છો? શરૂ કરી દો 60 પછીના સફરની તૈયારી…

Thank you! 🙏

સાઠ પછી શું? – Audio Version
Share this:

50 thoughts on “સાઠ (60) પછી શું?”

  21. Very true at 60 we will hold our hands together and will be like same as we are today ❤️😘love you janu ❤️

    Reply

  23. What an important message. I am totally agree with your each and every word. Love your self. And do atlist one thing in a day what you like. It will make large difference. Thank you for reminding that behana. Love you.

    Reply

Leave a reply