Author: Nikki

તું છે તો દુનિયા સુંદર લાગે,
દરેક સવારમાં સુગંધ મને તારી આવે..

તારી સંભાળ, તારો પ્રેમ,
મારા મનને હંમેશા હસતું રાખે ..

થોડું ખુદને પણ સંભાળી લે હવે,
હંમેશા તું સૌને સાચવતો ને પ્રેમ આપતો ફરે..

તારી હાજરી માં મળે મને ખુશહાલી,
તારા વગર દિવસો બધા ખાલી લાગે..

તારું સ્મિત છે મારી શક્તિ,
ઉદાસ હોય તો દરેક રાત ભારી લાગે..

તું છે તો મારો સહારો ને સર્વસ્વ,
તારા સાથથી જ મારા શ્વાસોશ્વાસ ચાલે..

હાથમાં હોય જ્યારે તારો હાથ,
દરેક પળ હંમેશા ખાસ લાગે..

હર પળે રહે તું સ્વસ્થ અને ખુશ,
એ જ પ્રાર્થના તારા જન્મ દિવસે હ્દય પ્રભુ પાસે વારંવાર માંગે..

ક્યારેક મળીએ, ક્યારેક ના મળીએ,
પણ દિલમાં તો હંમેશા એકબીજાનાં જ રહીએ…

બોલ્યા વગર સમજાય જે વાત,
એને જ સાચી મિત્રતા કહીએ…

ન સમજાવવું કશું, ન માફી માંગવી,
જાણે બસ દિલથી એકબીજાને સમજીએ…

મજાક-મસ્તી કરતા કરતા,
દિવસોને ખુશીથી ભરતા રહીએ…

બહારની દુનિયાને ભૂલી જવાય,
જ્યારે સમય આપણે સાથે વિતાવતા હોઈએ…

ન મોટું ગ્રુપ, ન મોટી ભીડ,
જરૂર સમયે હંમેશા બસ સાથે હોઈએ…

આ દોસ્તી, આ પ્રેમ અને આ હાસ્યનો સાથ,
એને જીવનની સાચી મૂડી કહીએ…

દિવાળીએ દીવા પ્રગટાવીએ,
અધંકાર બધો દૂર થાય,
ખુશીઓની લહેર ફેલાય એવી,
દર ચહેરા હાસ્યથી મલકાય..

મીઠાઈની મીઠાશથી,
દીલો પણ જોડાય,
પ્રેમ અને આશીર્વાદથી,
નવું વર્ષ મજાથી ઉજવાય..

જુના દુઃખ ભૂલી જઈએ,
નવી આશાઓ બસ હરખાય,
માટે સૌને શુભેચ્છા એવી,
રહે ખુશીનો સાથ સદાય..

સાલ મુબારક સૌને કહી દઉં,
પ્રેમ અને શાંતિ ઘર ઘરમાં ફેલાય,
પ્રભુ બસ આપે આશીર્વાદ એવા,
સૌના જીવનમાં ખૂબ આનંદ છલકાય..

મારો દીકરો દયાળુ, સૌનો સહારો બની જાય,
પ્રેમથી ભરેલો,મનથી સૌ એને વ્હાલો કહી જાય..

જ્યારે જરૂર પડે તરત તું આવી જાય,
મારી વાત વિના કહેજ મને તું સમજી જાય..

તું પિતા માટે ગૌરવ, મારી આંખોનો તારો,
તું હસે તો જાણે આખું જગ સુંદર સુહામણુ બની જાય..

તારા જેવો દીકરો મળે તો ભાગ્યશાળી કહી ઓળખાય,
તારા જેવી સંતાન હોય એ ભગવાને આપેલો આશીર્વાદ કહેવાચ..

તું જ મારો ગર્વ , તું જ મારી શક્તિ,
તું છે દુનિયા મારી,હર એક શ્વાસ મારો કહી જાય..

નસીબે આપ્યો તો એવો અમૂલ્ય ધન કહેવાય,
હંમેશા આભારી રહીશ જો તું મને હર જનમ મળી જાય..

કઠિન રસ્તા આવશે
તોફાન પણ આવશે,
પણ હિંમત રાખી ચાલશે
તો સહારો ખુદ મળશે ..

કાળા વાદળો ઘેરાશે
ઘણીએ કસોટી કરશે,
પણ દ્રઢ મનથી લડશે
તો દુનિયા પણ નમશે..

ઘણા દુઃખો આવશે
કાલે ખુશી વરસાવસે,
આત્મવિશ્વાસનો સહારો
દરેક સપનું પૂરું કરાવશે ..

બસ દિલને મજબૂત રાખ
કદી ના માનતું હાર ,
તારી સાથે છે કિસમત,
તો જીતશે તું વારંવાર..

સપના જોઉં ત્યારે તું આંખોમાં વસી જાય,
પૂરા કરવા માટે તારી મહેનત સજી જાય…

સુખ દુઃખમાં હંમેશા મારો હાથ પકડી રાખે,
દરેક પગલે તું સાથ નિભાવતો જાય…

પ્રેમના સાગરમાં હંમેશા તરતી હોઉં છું,
તારી લાગણીને સહારો હંમેશા બસ આપતો જાય…

સપનામાં રંગ ભરતો અને હકીકત બનાવતો,
તું છે તો જીવનમાં વિશ્વાસ વધતો જાય…

અઘરા હોય કે સરળ, દરેક રસ્તે તું છે,
માટે જ મારું જીવન સુખથી ભરાતું જાય…

તું સાથે છે માટે જ બધું છે,
રોજ મારું મન મને કહેતું જાય…

જિંદગીના સફરમાં ક્યારેક ધૂંધળા રસ્તા મળે,
ધીરજ રાખશે તો ત્યાં પણ ફૂલ મળશે..

હમણાં નથી, એનો અર્થ કંઈ ખોટું નથી,
યોગ્ય સમયે જોઈએ એ પણ મળશે..

સમયના ઘડિયાળે બધું જ ગોઠવાયેલું હોય,
દરેક ઘટના પાછળ કોઈ સંદેશા મળશે..

આજે દુઃખ લાગે, કાલે કદાચ આશીર્વાદ હોય,
દરેક વિરામ પાછળ નવી શરૂઆત મળશે..

વિશ્વાસ રાખ નસીબના લખાણ પર,
સાચી ઘડીએ તારાઓ પણ ચમકતા મળશે..

સમય દોડે છે પંખી સમાન,
ક્ષણો સરકે છે રેતી સમાન.

હાસ્ય, પ્રેમ, સંગાથની ઘડીઓ,
વહે છે જાણે ઝરણા સમાન.

યાદો બનાવતો જાય છે,
વળી વહી જાય છે દરિયાના મોજા સમાન.

ક્યારેક મન કરે છે અટકાવી દઉં,
છતાં ભાગતો રહે છે આંખોના પલકારા સમાન.

હે સમય, થઈ જા થોડો ધીમો,
તો માણી શકું તને એક પ્રેમી સમાન.

જ્યાં હૃદયને શાંતિ મળે,
ત્યાં જ બેસવું..

જ્યાં મુખ પર સ્મિત આવે,
ત્યાં જ રહેવું..

જે સંગતમાં મન થાકે,
ત્યાંથી દૂર થઈ જવું..

જ્યાં કંઈ ના સમજાય,
ત્યાં ના જ રહેવું..

જ્યાં ના ગમે,
ત્યાંથી આગળ વધવું..

સારા વિચાર સારો સાથ મળે,
તો ત્યાં જઈ ભળવું..

જીવન છે નાનું,ખુદને સાચવી,
સારા લોકોને આનંદથી મળવું.

દૂર છતાં દિલમાં હંમેશા વસે છે,
યાદોમાં છબી રોજ નવી રચે છે તું..

તારું સ્થાન કદી કોઈ લઈ શકતું નથી,
ના કહું ને બસ સમજી લે તું..

મને ખૂબ પ્રિય અને મારી વાતોમાં છે,
મારી માટે સાચો મિત્ર છે તું..

જાણું છું વિશ્વાસ કરવો ક્યારેક મુશ્કેલ છે,
અડગ અને અતૂટ છે દોસ્તી આપણી માની લે તું..

તારા વગર દરેક તહેવાર અધૂરા લાગે,
દોસ્ત,મારા જીવનનો ખાસ હિસ્સો છે તું.