સપના જો તું સાથ નિભાવે,
જીવન જીવવાની અલગ મજા જ કંઈ આવે.
મહેનત કરશે જ્યારે તું દિલથી,
ચોક્કસ પૂરા થશે સપના નસીબથી.
સૂરજ જેવો તેજ તુ રાખજે,
હવા સાથે હિંમતથી ફરજે.
વિશ્વાસ તારો મજબૂત જો હશે,
કોઈ તારી દોઢને ના રોકી શકે.
હર એક પડકારનો તું કરશે જો સામનો,
સફળતા અચૂકથી મળશે દિલથી જો માનો.
પછી સપના ક્યાં સપના રહેશે,
સાકર થતા હકીકતમાં જ તને દેખાશે.
મિત્રતા છે એક અનમોલ નાતો,
દરેક પરિસ્થિતિમાં જે સાથ આપતો..
સુખ દુઃખના દરેક પળે,
જે હંમેશા દિલથી મળે..
સમય ફરે, સંજોગ ફરે,
છતાં જેનો હાથ હંમેશા ખભે ફરે..
હસાવે, રડાવે, સમજાવે, મનાવે,
જીવનભર માત્ર એ જ દોસ્તી નિભાવે..
હૃદયથી બંધાયેલ છે આ સંબંધ,
કહેવાય છે એને જ સાચો ભાઈબંધ.
રિષ, તારું છે જીવનમાં વિશેષ સ્થાન,
પરિવારની શોભા તુ હંમેશા આપે સૌને ખૂબ માન.
જન્મદિવસ પર કંઈક લખું હું તારે કાજ,
કરે છે તું અમ સૌના દિલ પર રાજ.
ગમે છે તારો સરળ અને લાગણીશીલ સ્વભાવ અમને,
ખૂબ જ સુંદર વ્યક્તિત્વ તારું જે નજરે ચઢે છે સૌને.
કલાકો વીતી જાય સૌના તારી સાથે વાતોમાં,
ભલે હોય નાના કે મોટા કોઈ પણ ઉંમરના.
કરે છે સૌની કાળજી તું દિલથી,
સાચું કહું છું મળ્યો છે તું અમને ખૂબ નસીબથી.
છે ભરપૂર મમતા ને કરુણા તારા હૃદયમાં,
ગમે છે મને સૌથી વધુ આ તારા ગુણોમાં.
વિનય વિવેક જોવા મળે દરેક તારા શબ્દોમાં,
તારા સાથથી ખૂબ આનંદ છે અમારા જીવનમાં.
આભાર માનુ છું દિલથી,માન્યા તે અમને તારા,
મળવાથી તને થઈ ગયા અમારા ભાગ્ય ખૂબ સારા.
તારા પ્રેમની છાયામાં,
જીવન વીતતું જાય.
તારા હસતા નિર્મળ મૂખે,
મારું દરેક સપનું સજી જાય.
તારા હાથનો મીઠો સ્પર્શ,
મારા મનને શાંત કરી જાય.
તારા ચૂપીમાં પણ,
ઘણા શબ્દો સંભળાઈ જાય.
તું જ છે આશરો મારો,
કોઈપણ ડર વગર સમય વીહેતો જાય.
તારા સાથે ચાલતા,
દરેક માર્ગે ફૂલોની જાણે ચાદર દેખાય.
હૃદયના દરિયામાં,
તું છે મારો કિનારો બની જાય.
તારા પ્રેમથી તો લાગે,
દરેક પળ જાણે સરળ બની જાય.
હંમેશા ખુશ રહે તું
એ જ પ્રાર્થના અંતરથી નીકળી જાય.
તું છે તો હું છું,
બાકી આ જિંદગી કોરો કાગળ રહી જાય..
જરૂર હતી જેની,મળ્યું અહીં આ ભૂમિમાં મને,
મન મારું ખીલ્યું , થયો અનોખી ખુશીનો અહેસાસ મને..
મૌન સાથે સંગાથ,વળી લાગ્યો ભક્તિનો રંગ,
થયો વસવસમાં આધ્યાત્મિકતાનો અનુભવ મને..
મનમાં ઊઠે છે બસ એક જ પ્રાર્થના,
રાખજે ગિરિરાજ તારી સાથે હંમેશ મને..
અંતરમાં ઉગી છે આ નવી ઉજાસ,
પ્રેમ અને શાંતિનો થયો છે સ્પર્શ મને..
દરેક પગથિયું ચઢતાં થયું હ્રદય ગદગદ મારું,
ભૂલી પડુ તો બોલાવજે તું અહીં વારંવાર મને..
સ્વયં સાથે વિતાવ્યા બે દિવસ,
મળ્યો એક અદભુત અંતરનો આનંદ મને..
શબ્દો ઓછા પડે અનુભવનું વર્ણન કરવા,
મહેસૂસ થઈ રહ્યો છે રગરગમાં,પ્રભુ માટે નો પ્રેમ મને.
ખૂબ ભાગે છે આજકાલ તું,
થોડીવાર માટે શાંત થઈજા..
ખુબ દૂર જવું છે તારે,
પણ થોડીવાર અહીં થંભીજા..
ભાગી ભાગી પગ દુખિયા તારા,
ખુદની સાથે બે ઘડી બેસીજા..
જે પણ છે અંદર છે તારી,
બહારની દુનિયા છોડી અંદર જરા ડોકિયું કરીજા..
આ મન જ છે જે નચાવે છે તને,
અંતરને અંદરથી હવે સાંભળીજા..
મજા ની સાથે ઘણી સજા પણ છે,
કહી દે મને હવે બસ અહીં અટકીજા..
મારી સાથે હું છું મને ગમે,
નદી સાથે દરિયો જેમ રમે.
ચાંદ સાથે તારા જેમ ઝિલે,
મારી મસ્તીમાં જ મારું મન ખીલે.
ક્યારેક શબ્દોમાં, ક્યારેક શાંતિમાં,
મને મળું મારાં ખુદના પ્રતિબિંબમાં.
કદી ગીત ગાઉં, કદી કવિતા લખું,
મારી સાથે હું જીવનને ઝંખું.
કેમ જોઈએ બીજા સાથેની મજા?
મારું આકાશ છે, મારી છે ચમકતી ધજા.
ભલે હોય કેવી પણ દુનિયાની પ્રથા,
મારી સાથે મારી જ વાતોની કથા.
નથી કોઈની નજરે મને જોવું,
મારી સાથે હું છું જીવન ભોગવું.
આ સ્નેહ છે, આ છે મારી મજા,
મારી સાથે છે મારી જ દુનિયા!
મિત્ર તું છે જે દુઃખમાં હસાવે,
હાથ પકડીને નવો રસ્તો બતાવે..
સફળતા કે નિષ્ફળતા કઈ પણ આવે,
તારો સાથ હંમેશા વિશ્વાસ જગાવે..
તું છે અંધારી રાતની ઉજાસ,
સંબંધમાં હંમેશા મીઠાશ ભરાવે..
દરેક કાર્ય સરળ કરી આપે,
વર્તનમાં હંમેશા વિશ્વાસ બતાવે..
તુ છે જીવનની એક એવી કડી,
કઠણ સમયમાં મને મજબૂત બનાવે..
શબ્દોમાં તારા ભરી છે સમતા,
હિંમતથી દિલનો દરિયો ભરાવે..
ક્યારે ફરી મળશું ખબર નહીં ,
દૂર હોવા છતાં મનની નજીક બતાવે..
કડવું ભલે હંમેશા સાચું કહી દે,
એમ જ તું મિત્રતાની સચ્ચાઈ બતાવે..
નથી તારી વાતોમાં કોઈ દંભ કે માંગણી,
એ જ તો તારી ભરપૂર લાગણી બતાવે..
સાચી નથી હોતી હંમેશા મારી વાતો,
જેવી છું એવી તું મને દિલથી અપનાવે..
નવા લક્ષ્યો નવા ધ્યેય દેખાડશે
ઘણા નવા ને આ માર્ગમાં મળાવશે
અલગ ઊંચાઈઓ પર પહોંચાડશે
નવું વર્ષ નવી રાહ બતાવશે…
નવા પડકારો આવીને ટકરાશે
હિંમત અને શ્રદ્ધાથી આગળ વધારશે
સફળતાના નવા શિખરે પહોંચાડશે
નવું વર્ષ નવી રાહ બતાવશે…
નવા વિચારો નવી દિશા આપશે
અઘરું કે સહેલું કંઈક નવું કરાવશે
ભરપૂર હિંમત અને કાળજુ લાવશે
નવું વર્ષ નવી રાહ બતાવશે…
નવા સંકલ્પો દિલથી લેવાશે
સપનાને સાચા કરવાની કલા શીખવાડશે
હસતા રડતા આગળ વધારશે
નવું વર્ષ નવી રાહ બતાવશે..
રીસાવાની આદત નથી મને,
પણ મનાવતા તો તારે શીખવું પડશે.
બોલાવું કે ના બોલાવું તને,
આવવું તો તારે જરૂરથી પડશે..
રંગીલી સાંજ હોય ને
હાથમાં મારા તારો હાથ હોય,
હું ગાઉં કે ના ગાઉં
શબ્દોના સૂરો તારે છેડવા પડશે..
ઠંડી સવારે દરિયા કિનારે,
મીઠી માટીની સ્પંદના કરતા,
ને મોજાના વહેણમાં
મારી સાથે ડૂબકી તો તારે મારવી જ પડશે..
જીવનના ઘણીવાર ચઢ ઉતારમા
હું તને કંઈ કહું કે ના કહું,
સાથ મારો તારે
જીવનભર આપવો જ પડશે..
ચાલતા રસ્તે ભૂલી જવાય
ને મંઝિલ થોડી દુર લાગે,
મને ક્યારેય એકલી નહિ મૂકે
એવું વચન તો તારે આપવું જ પડશે.
