આભાર કહીએ તો

સવારે સૂરજ ઉગે ને,
શ્વાસોશ્વાસ ચાલતા હોય,
એ માટે ‘આભાર’ કહીએ,
તો જીવન ખુશાલ બની જાય …

જે મળ્યું છે યાદ કરીએ,
ફરિયાદ ભૂલી જઈએ,
કૃતજ્ઞ દિલથી જીવીએ,
તો દુઃખ પણ હળવું લાગી જાય …

આભાર જો દરેકનું માની લઈએ,
તો મન શાંતિથી ભરાઈ જાય …
સંતોષની મીઠી સુગંધ,
જીવનમાં છવાઈ જાય …

‘આભાર’ શીખવે,
જે છે પૂરું છે …
એ ભાવથી જીવીએ,
તો જીવન વધુ સુંદર બની જાય …

સાચું કહું દોસ્ત,
માનવું હોય તો માની લે,
બસ આભાર કહીએ તો,
કેટલાય સંબંધ ગાઢ બની જાય …