જાણું છું, થોડો અઘરો સમય છે,
પણ આ પણ વીતી જશે, પપ્પા…
જાણું છું, રાતો ખૂબ અંધારી છે,
સવાર જરૂરથી પડશે, પપ્પા…
દરેક દિવસ એક નવી પરીક્ષા છે,
પણ જીતવાનો સ્વભાવ છે તમારો, પપ્પા…
પળો કાઢવી ક્યારેક અઘરી હોય છે,
પણ હિંમતથી લડવાની તાકાત છો તમે, પપ્પા…
કેટલુંય મેળવ્યું ને કેટલું ગુમાવ્યું,
પણ હસતા રહેવાની આદત છે તમારી, પપ્પા…
લક્ષ્ય તમારું એકદમ ચોક્કસ હોય છે,
માટે જ દરેક હરીફાઈને જીતનાર છો તમે, પપ્પા…
જીવનમાં ખૂબ ઓછી વ્યક્તિઓ આવી જોઈ છે,
મોતને પણ મનાવીને જીવી ગયા તમે, પપ્પા…
ઘણું હરવાનું ને ફરવાનું સાથે છે,
માત્ર, હજુ બસ 70 ના જ થયા છો તમે, પપ્પા… 🥰
