ઘરમાં રહીને પણ ઘણું કરી શકીએ છીએ

_____હું અત્યારે બધાંને એજ કહેતા સાંભળી રહી છું કે આ ૨૧ દિવસો કેવી રીતે જશે?? એક દિવસ જ ખૂબ લાંબો લાગે છે. સાચે જ ઘણા માટે અઘરું હશે પણ મારા જેવા પણ હશે જે આ સમયને દિલથી માણી રહ્યા હશે. થોડી વાત કરી લઉં કે તમે બંધ ઘરમાં શું કરી શકો છો?

  1. શરીર પાછળ એક કલાક આપો. જે કસરત કરવાનો સમય તમને નહોતો મળી રહ્યો હવે ઘણો સમય તમારી પાસે છે અને ઈન્ટરનેટ પર ઘણા ૩૦ મિનિટ, ૧ કલાકના યોગા, ડાન્સ કે ઘણી બીજી કસરતોના વીડીયો તમવે જોવા મળશે તો એ જોઈને સમયનો સદુપયોગ કરો.
  2. વાંચવાની શરૂઆત કરો. દરરોજ એક પેજથી ચાલુ કરો અને ઘીરે ઘીરે બુક પૂરી કરો.
  3. પરિવાર સાથે બેસીને કોઈપણ ગેમ કે કાર્ડ રમો કે પછી બસ વાંચો કરો. આવો સમય જલદી પાછે નહીં જ મળશે.
  4. ઈન્ટરનેટ પરથી નવી નવી વસ્તુઓ શીખો, નવી ભાષા શીખો જે તમને ક્યારથી શીખવી હતી.
  5. ઘરના કામકાજમાં તમારી મમ્મી કે પત્નીની મદદથી કરો.શાક સમારી આપો , કચરા પોતા કરી આપો કે પછી ચા બનાવી આપો.
  6. લખવાનો શોખ હોય તો લખવાની શરૂઆત કરો. એકદમ ઉતમ સમય છે. એકાંત પણ છે, નોટબુક અને પેન તો તમારી પાસે હંમેશા હશે જ.
  7. ૫ થી ૧૦ મિનિટ ધ્યાન કરો. મનને એકાગ્ર કરો, પોતાની સાથે સમય વિતાવો.
  8. એકાદ કલાક ટીવી જુઓ પણ વધુ નહીં કારણકે એમાં તમને કંઈ શીખવા નથી મળતું અને honestly મને ઓછું ગમે છે.
  9. Painting, art, craft નો શોખ હોય તો એનો પ્રયત્ન કરો. આજે તમારી પાસે આ સમય છે કાલે નહીં જ હોય.
  10. દરરોજ એક કબાટ સાફ કરવાનું નક્કી કરો અને ધીમે ધીમે આખા ઘરમાં રહેતો નકામો કચરાને કાઢી નાંખો. આજે આ સમય તમારો જ છે.
  11. એકદમ પોઝિટિવ વિચારો કારણકે તમને દિવસો સારી રીતે અને કંઈક નવું શીખવા માત્ર તમારુ જ મન મદદ કરી શકે છે નહીં કે કોઈ બીજું.

_____નથી કરવું તો એક જ વસ્તુ કે news થોડા ઓછાં જોવા કારણકે એના કારણે તમારું મન નેગેટિવ થઈ જાય છે તો નક્કી કરો હું દિવસમાં એક જ વાર news જોઈશ.

_____આવી ઘણી વસ્તુઓ છે જે તમે કરી શકો છો પણ જો તમારું મન હોય તો માટે સૌ પ્રથમ તમારા મનને સ્વસ્થ કરીને મક્કમ બનાવી લો. આ તથા હાથમાંથી નહીં થવા દેતા કારણકે આજે મળી છે કાલે જોઈતી હશે ત્યારે પણ નહીં જ મળે.

Thank you. 🙏🏼

The Audio Version of ‘ઘરમાં રહીને પણ ઘણું કરી શકીએ છીએ’

 

Share this:

આ દિવસો પણ વીતી  જશે….

_____કોરોના, આજકાલ બધાની પાસે આજ વાતો કરવા માટે અને સાંભળવા માટે છે. સાચું છે ને? આટલા વર્ષોમાં મેં કયારેય પણ સમાચાર જોયા નથી કે વાંચ્યા નથી, પણ પહેલીવાર માં જ મેં હદ કરી દીધી છે. રોજ સવાર પડે ને શું થયું? કંઈક સુધર્યું? કેટલા નવા કેસ અને કેટલી નવી મોત થઈ? કેટલું માર્કેટ પડ્યું? જાણું છુ બધા જ એક shock માં છે પણ આ સમય પણ વીતી જશે. શ્રધ્ધા એક ખૂબ મોટો અને સરસ શબ્દ છે રાખશું તો જલ્દી બધું બરાબર થઈ જશે.

_____આ બધી ચિંતા બરાબર છે પણ સાથે આપણને એક એવો સરસ અવસર મળ્યો છે કે જ્યારે આપણે આ દોડધામવાળા જીવનથી થોડો આરામ લઈને પરિવારની સાથે સમય વિતાવી શકીએ છીએ. એટલું જ નહીં આપણી ઘણી અધૂરી ઈચ્છાઓ કે સપનાઓ જે સમયના કારણે અટકતા ગયા હવે પૂરા કરી શકીએ છીએ. માનું છું સામે આવતી મુશ્કેલીઓ સરળ નથી પણ શું તમારી પાસે બીજો કોઈ ઉપાય છે.શાના માટે ચિંતામાં દિવસ પૂરો  કરવો? આવા સમયમાં પોઝિટિવ રહેવાનું અઘરું છે પરંતુ એટલું જ પોઝિટિવ રહેવું જરૂરી પણ છે. પ્રયત્ન કરીને જુઓ તમારી પાસે જે સમય ક્યારે પણ નહોતો હવે એ તમારો છે. આજે જે સમય તમને બળકો કે પત્ની કે માતા પિતા સાથે  મળી રહ્યો છે એ ખૂબ અનમોલ છે. કોરોના એ ઘણાં જીવ લીધા પણ આપણા જેવા  ને જીવન જીવવાની એક તક ફરીથી આપી છે. દિવસના દરેક meal આપણે હમણાં પરિવારસાથે બેસીને કરીએ છીએ અને આવા અઘરા સમયમાં પરિવાર આપણી સાથે ને સાથે છે. જે થાય છે એ સારા માટે જ થાય છે, જો એ વાત મનથી માની લેશું તો દિલથી ખુશ રહેતા પણ આવડી જશે.

_____સમય છે એનો ઉપયોગ કરી લઇએ, શું નથી એના કરતા શું આપણી પાસે હમણાં છે એને માણી લઈએ કારણકે આ દિવસો પણ વીતી જશે.

_____Stay home, stay safe and stay healthy

Thank you. 🙏🏼

The Audio Version of ‘આ દિવસો પણ વીતી  જશે….’

Share this:

જિંદગી તારે નામ

ખાલી છે ગુમસુમ દુનિયા તારી,
લાવ ભરી દઉં પ્રેમથી જિંદગી તારી.
નથી દેતા સૌ દગો, જોઈલે આંખોને ખોલી તારી.
કરીને જો વિશ્વાસ થોડો, ઊભી છું હું પડખે તારી.
કેમ રહે છે અતડો તું સૌથી?
ફીતરત નથી સરખી સૌની, સમજી લે વાત કરું મારી.
નજરો ફેરવીને જોઈલે હવે તુ તારી,
સમજે છે એટલી નથી કંઈ દુિનયા ખારી.
થામીને મારો હાથ તું ફરીલે,
જિંદગીની દરેક પળ લાગશે તને સારી.
એકવાર બનાવીને જોઈલે તું મને તારી,

લખી દઈશ જિંદગી તારે નામ હું મારી.

The Audio Version of ‘જિંદગી તારે નામ’

Share this:

જવાબ આપી દે

આવતા જતા થોડો હાલચાલ પૂછી લે,
ઘડીક બેસી થોડી વાતચીત તો કરી લે,
હાથ પકડી મારો સાથ થામી લે,
લાગી છે લગની એવુ એક વચન આપી દે,
ખાલી મારા મનને સ્નેહ થી હવે તો તું ભરી દે,
લખી લખીને થાકી મારા શબ્દો ને વાંચી લે,
આપણા આ સંબંધને હવેતો એક નામ આપી દે,
પ્રેમ છે કે નહી ઈશારાથી બસ કહી દે,

કંઈ નહીં તો મારા એક સવાલનો જવાબ તું આપી દે!

The Audio Version of ‘જવાબ આપી દે’

 

Share this:

જીવનની ડોર

વિખરાયેલા પાંદડાનો કેસરી ગાલીચો છે,
પાનખર ની આ ઋતુ મારા મનને ગમે છે.
ઝરમર ઝરમર પાણી ના ટીપાં છે,
આ ભીનાશ મનને પણ ભીનુ કરે છે.
શિયાળાની ઠડંક તનને ધ્રુજાવી ગઈ છે,
અંધારું હવે જલ્દી થઇ જાય છે.
કાગળ પર શબ્દો આંસુ બની વહે છે,
તારી રાહ મને ખૂબ અઘરી લાગે છે.
ઋતુઓ જાણે વીત્યા કરે છે,
વીતેલી વાતો બસ યાદ કરાવ્યા કરે છે.
શ્વાસોશ્વાસ ની ક્રિયા ઘટ્યા કરે છે,

જીવનની ડોર તને જોયા વગર હવે છૂટ્યા કરે છે.

The Audio Version of ‘જીવનની ડોર’

 

Share this:

પ્રેમનો સાગર

મળીને તને તારી સાથે,

પંખી બની ઊડી જવાનું મન થાય.

લાગી છે એવી લગની,
ભરી મહેફિલમાં ઝૂમી ઊઠવાનું મન થાય.

તારી સાથે વીતતી હર પળ,
જાણે સમય સાથે સંપીને રહેવાનું મન થાય.

નજરના લાગે ક્યાંક મારી જ,
પહેલેથી જ હુઝણી મરાવી લેવાનું મન થાય.

હોઉં જો આગોશમાં તારા,
બસ અહીં જ અટકી જવાનું મન થાય.

આથમતા સૂરજની આ પળોમાં,
સૂર્યોદયની રાહ જોવાનું મન થાય.

ભલેને હું કોરો કાગળ છું,
પણ તારા પ્રેમના સાગરમાં ડૂબી જવાનું મન થાય.

The Audio Version of ‘પ્રેમનો સાગર’

Share this:

ઋણાનુબંધ

સાંભળીને તારી વ્યથા,
નેત્રો મારા છલકાઈ ગયા.
લાગી એવી એક આગ,

જેમાં સંબંધો સળગી ગયા.

બે મિત્રો સમય જતાં,
અચાનક છૂટાં પડી ગયાં.
એક રાધા અને એક રંક,
શું એમાં જ વેરવિખેર થઇ ગયા?

પૈસાનો નશો ચડતા,
સાથ સૌના છૂટી ગયા.
અરે આજે છે કાલે નથી,
સમજાવતાં બસ સૌ થાકી ગયા.

વાંક તારો નથી એ દોસ્ત,
ઋણાનુબંધ આપણા પતી ગયા.
યાદોમાં તને રોજ મળીશ,
બસ જતાં જતાં કહેતા ગયા.

ભારોભાર લાગણી હોવા છતાં,
નજરો મારાથી ફેરવી ગયા.
કર્મોનો ઉદય થયો છે કહીને,
દિલને સાંત્વના આપતા ગયા.

Share this:

પપ્પા ની પરી

આવે હજાર ખુશીઓ ઘરમાં એ લઈને,
ભરપૂર પ્રેમથી એ નવડાવે સૌને,
રમતી કૂદતી બસ આજ એ મોટી થઈને,
લાડકી ઘણી લાગે ઘરમાં એ સૌને,
અચાનક કેમ ઊભી રહે છે આમ એ મોટી થઈને,
વખત આવી ગયો જવાનો મારો કહીને,
જતી રહે છે આમ જ આપણને એકલા એ મૂકીને,
યાદોથી આપણી દિવાલોને ચિત્રીને,
જશે આ ઘરને સાવ ખાલી કરીને,
આપી દઈએ પૂરેપૂરો સમય દીકરીને,
ઊભા હશું આપણે માત્ર હાથ ખોલીને,
કહેતા રહેશું એકવાર નહીં વારંવાર આપણે એને,
વળગીને રડી લેવાદે મને મન મૂકીને,

પપ્પા ની પરી બસ ફરીને જોઈલે તું એકવાર તારા પપ્પાને!

The Audio Version of ‘પપ્પા ની પરી’

Share this:

દર વરસનાં ધ્યેય નક્કી કરીએ

_____ઘણા કહે છે સપના તો મોટા જ જોવા અને હું પણ કહુ છું સપના તો મોટા જ જોવા પણ એની પાછળ સમય આપવો અને સમય મર્યાદા નક્કી કરવી. સમય નક્કી કરીશું તો આપણી એના તરફની મહેનત એ દિશામાં વધશે.

_____દા.ત. ૧) શરૂઆત કરો દરરોજ થી.. નાની નાની વાતો પેપર પર લખો. આજે આખા દિવસમાં તમારો શું શું કામ કરવા છે અને જે કામ રહી જાય next day સૌથી પહેલા પૂરા કરવા. આવી જ રીતે દર મહિનાના અને પછી દર વર્ષના goals નક્કી કરો અને બેસીને નક્કી કરો કે એને પૂરા કરવા તમને કઈ વસ્તુ કે વ્યક્તિ ની જરૂર છે , માના એટલું અઘરું નથી પણ આપણી આળસના કારણે આપણે આપણા ધ્યેયથી દૂર રહીએ છીએ.

_____૨) તમારો goal 5 kg વજન ઉતારવાનો છે, તો શરૂઆત તમારા ખોરાકથી થશે પણ તમે ચાર હાથે બધુ જ ખાશો અને શરીર પાછળ કોઈ મહેનત કરશો નહી તો પેપર પર લખવાથી goal પૂરા નથી થતા. પરંતુ વારંવાર એને વાંચવાની એના તરફ ખેંચાણ થાય છે અને એને પૂરા કરવાની મહેનત શરૂ થાય છે.

_____૩) મારે એક letter લખવો છે તો એના માટે પેપર પેન જોઈશે અને તમે શોધીને લઈને બેસસો તો શરૂઆત automatic થઈ જશે.

_____ધ્યેય નક્કી કરો પછી તને આગળ કેવી રીતે વધશો. Universe તમને જરૂરથી guide કરશે. પરંતુ તમારા priority listમાં એ હોવું ખૂબ જરૂરી છે . નવા વર્ષ ની શરૂઆતથી વધારે નહી ૩ goals નક્કી કરો, ભલે ખૂબ મોટા નહી નાનાથી શરૂઆત કરો. તમારો પ્રયત્ન એની તરફ શરૂ કરો.

_____All the best! તમારી wishes ની જરૂર મને પણ છે તો મને all the best કહેવાનું ભૂલતા નહી.

Thank you.

The Audio Version of ‘દર વરસનાં ધ્યેય નક્કી કરીએ’

Share this:

​તને જ માંગી લઉ છું

ચિત્રકાર નથી પણ ચિત્ર તારું દોરી લઉ છું ,
સંગીતકાર નથી પણ ગીત તારું ગાઈ લઉ છું ,
શબ્દો મળે કે ના મળે કાગળ પર તને લખી લઉ છું ,
ઊંઘ ના પણ આવે તો તારી સપના જોઈ લઉ છું
બે પ્રેમીને સાથે જોઈ સ્મરણ તારું કરી લઉ છું ,
ભૂલવાની આ કોશિષમાં યાદ તને કરી લઉ છું,
પાગલ કહે છે દુનિયા મને પણ પાગલપનમાં જીવી લઉ છું ,
બંધ આ દરવાજા તારા માટે જ ખોલી લઉ છું ,
ધડકતા આ દિલનો કેમ જાણે ધબકાર તને માની લઉ છું ,
પ્રેમ તું કરે કે ના કરે પ્રેમ ભરપૂર તને કરી લઉ છું ,

મારી પ્રાર્થનાઓમાં પ્રભુ પાસે હંમેશા તને જ માંગી લઉ છું.

The Audio Version of ‘​તને જ માંગી લઉ છું’

Share this: